لوقت طويل من زمن طفولتي الجميلة
كان كوجي كابوتو و مش عايزة اي تريقة
فارس احلامي المنتظر بعصبيته بتسرعه
برعونته بتهوره كله حلو هو صح الكارتون
غريندايزر و البطل دايسكي بس عندي بلا
دايسكي بلا ديسك كوجي و بس ..
طبعا بتقولو ايه مناسبة المقدمة اللي مليانة
هبل طفولي دي صح ؟!..
انا هقولكو اصل و مع اجازة الصيف و كمية
الافراح المهولة اللي بتكون فيه هتكلم عن
مواصفات فارس احلامي بس مش عندي
عند الناس اللي حواليا يعني العريس اللي
العالم مفصلاه ليا ..
هبدأ بنوراة حياتنا ماما بعيدا بقى عن انه
كانت مؤمنة بطريقة رهيبة اني هتجوز بعد
الجامعة لدرجة لما تتكلم تقول في فرح بنتي
السنة الجاية او فرح ريم بعد ماتتخرج لدرجة
خلتني اشك انها مظبطة موضوع من ورايا
و العريس هيشيل و يمشي .. ماما شيفاني في
زواج تقليدي جدا جدا و عريس من محيطنا يعني
و فرح بطقاقة ( و اعرفو معنها بقى ) و فستان
بفخامة بتاع ليلي علوي في حديث الصباح و المساء
و مسكة ورد كبيرة و طويلة و ميك اب قوي و
طبعا ده عكس تماما فكرة و تخطيط ريم بس
مش بجادل و سايبة الامور تمشي بطبيعتها بكرة ..
........
صحباتي بقى بما اني طبعي هادي و عاقلة مع
الناس و حكيمة على قولتهم شايفنلي احسن حاجة
عريس رزين جدا جدا و عاقل و منتهى الجدية
يعني ماشي على المسطرة و الورقة و القلم
و طبعا ده في قاموسي راجل يخنق و يدفن الواحدة
بالحيا انا بعشق الراجل المجنون يعني كدة
اتجوز واحد يجي في عيد زواجنا ال 50
يقولي تعالي نروح الملاهي من كتر جنانه راجل
حي .. متجدد .. مجنون تحس بروح الشباب
فيه دايما طبعا معايا انا بس ..
........
نجي بقى للسن و خلوني افش خلقي معاكو بما
اننا كلنا عشرنيين الكل شايفلي الراجل التلاتني
انسب شيء ليا من و انا في نهاية ثانوي قال
نضجه يناسب هدوئي و ركازتي اللي ماحدش
عارف اني عكسها خالص في البيت مع اهلي
افتكر اول مافجرت و انا في ثانوي قنبلة اني
اكتر من 22 سنة ماينفعش ليا يالهوي على رد
الفعل و و انا تالتة جامعة برضو قولت اكتر من
28 ما ينفعش صحباتي اعتبروني مجنونة وقتها
المشكلة انه ماحدش يعرف اني مش بميل للرجل
التلاتني ابدا مش بقدر اتخيله زوج بصراحة الا
اني اكون انا و صلت للسن ده بحس الراجل
التلاتني رائع في كل جوانب الحياة الا الزواج بحسه
بيبقى فيه ممل و روتني لاقصى درجة و اسير بشكل
رهيب للعادات و التقاليد و كلام اهله سواء اللي بيقولو
ينفع او ما ينفعش لدرجة كدة تحس عنده مجلد كبير
للعادات دي لو قولتي حاجة هيروح يفره و يشوف
المجلد بيقول ينفع ولا ما ينفعش ده غير انه بيبقى
متصور لانه في مرحلة مستقرة نسبيا عن العشريني
انه عريس لقطة بقى و ما يتعيبش ولا يترفض عشان
جاهز و عنده الفلوس اكتر ..
طبعا اكيد مش بعمم خالص يعني بس بصراحة دي
نظرتي للراجل التلاتيني الي الكل شايفه انسب لي ..
........
الكل شايف انه عريسي لازم يكون كامل بكله و مجهز
كل حاجة من الابرة للصاروخ و لازم مستوى مادي
مبسوط يمكن لاني مش بتكلم كتير عن متطلباتي
انا مش رومانسية بطريقة خبزة و ملح و اعيش على
حصيرة بس كمان مش متطلبة ماديا مش عشان حاجة
بس لاني مقتنعة فعلا انه المال مهم لكن لا يجلب السعادة
و اعرف كويس جدا ايه معنى زوجين في مستوى مرتاح
جدا بس مش طايقيين بعض الحياة بتبقى تعيسة من غير
الفة وحب و تفاهم حتى و ان وجد المستوى المادي الطيب ..
*****
مش عارفة بقى بكرة هتزيد التفصيلة بإيه و تنقص في ايه
و ياترى هتكشش قد ايه و تتعرض قد ايه اهم بيفصلو ..
هناك 9 تعليقات:
والله ياريم مابقيتش أهتم بالمواضيع دي أصلاً عشان ما ينقلبش معايا بنتيجة عكسية :D .. أصل ماحدش هيفهم ده ولا هيحس بيه :) .. وبعدين زي ما انتي عارفة عاداتنا كمجتمع شرقي فهو أكيد بيحرم ده على البنت لأنه ببساطة الراجل ما يعيبوش إلا جيبه :D إنما هو بقى له مطلق الحرية في إنه يفصل واحدة على مزاجه وعادي :D
ههههههههههههههههه ضحكتيني ريم وانتي بتتكلمي عن امك وهي واثقه انك هتتزوجي السنة الجاية D:
انا والله بدأت انخطب من بدري يعني كان عندي 16 سنة وتستغربي لو قلتلك ان كثير منهم فلسطينيين D: مادري ليش فلسطينيين بالذات مع ان شكلي خليجي جدااا بس عاد هذا اللي حصل :)
كان عندي احلام زي اي بنت .. ابغى فستاني يكون كذا وفرحي يكون هنا وتسريحتي تكون كده ومكياجي يكون كده واسافر شهر عسل هنا وهنا وهنا بس كلها كانت احلام يعني D:
من وانا صغيره كانوا اهلي يقولوا اني لولد عمتي وهو ليا وصار هذا المعروف والمتداول وسط عيلتنا ..وخلاص الفكرة هذه اتأصلت وكبرت عليها على اساس ان ابن عمتي هو زوج المستقبل .. وسبحان الله وصلنا لمرحلة اتخاذ القرار ورفضنا تماما ربط مصيرنا بالشكل هذا انه يتم تحديد الشريك من واحنا اطفال!!! طبعا ماصار رفض مباشر للشخص على قد ماهو ماحد رجع اتكلم في الموضوع ثاني ومرت الأيام وكل واحد راح في حاله..
خالتي عندها ولدين وكانت تبغاني انا واختي ليهم .. على اعتبار ان اخين ياخدوا اختين وبكده العيلة تكون مع بعض دايما .. من غير اي استشاره لينا كان الكلام مع اهلي وفي شبه إجماع على ان الفكرة حلوة وماحيلاقوا احسن منهم .. ومع ذلك ماصار كلام في الموضوع ثاني بشكل جدّي وكل واحد شاف نصيبه..
في الآخر هو نصيب والله لو جلسوا الأهل يخططوا من هنا لبكرة والناس تفصل عرسان بمزاجها ماراح يحصل الا اللي ربي كاتبه .. :)
هتصدقى لو قلتلك انى عمرى ما فكرت فى المواصفات دى..يمكن فى شوية تفاصيل فى دماغى..لا مش شوية هم كتير الحقيقة :D
بس مواصفات بمعنى صفات شخصية و كدا معرفش..بس انهاردة كنت بسمع اغنية لداليدا و لقيتها بتقول جملة بتلخص كل التفاصيل دى
beau comme un enfant fort comme un homme
يعنى فى جمال الاطفال و قوة الرجال
عشان كدا تلاقينى ما بدورش اساسا..الحاجات دى خلصت من زمان :)
the seagull
هي الفكرة مش بفكر ولا الفكرة اكتر انه لما يبقى شي خاص زي ده و المفروض انك ادرى بنفسك تيجي الناس تفصلك و تختارلك و تجزم انه ده المناسب ليكي و انتي تتفرجي عليهم بمنتهى البساطة و دماغك حسابات اخرى خالص عنهم
الغريبة هنا قوة ثقتهم بانهم يعرفوكي و العكس صحيح
سارويتا
شوفي انا مقتنعة تماما انه الزواج نسبة اجتهاد الفرد في مهما عمل ما تعدي 10% و الباقي قسمة و نصيب و مكتوب مين زوج مين و مين زوجة مين و كله بآوان
بس حلو انك تقعدي تتفرجي في الناس و هي تركيب و تفصل و تشيل و انتي اخر همة حاجة مسلية من جد
اه صح
تبغى الحقيقة كويس ما اخدتي من اهلك زواج الاهل مرة مو حلو انا مش من مؤيدينه ابدا
لي لي
انك ما فكرتش في شكل عادي مش مه اصلا بس مواصفات شخصية بحس لازم يبقاله ملامح معينة بصراح حتى و ان لم نجدها في الواقع
و النماذج اللي قولتي عليها في رايي هي مش خلصت هي ندرت بس الكويس عمره ما يخلص هو بيقل بس
بس حلوة العبارة دي بصراحة و تحمل اغلب المواصفات الشخصية الي نتمناها في الرجل
ريم
باشوفهم تنازلوا عن زواجك من مصرى وزواج اختك من لبنانى
منذر
ههههههههههههه
دي مالها دخل بتفصيلت الاهل و الاصدقاء
دي طموحات فردية مني انا و اختي
إرسال تعليق