اعيدو لنا اشياءنا ...

( مبدئيا الصورة مباِلغة نسبة لمغزى الموضوع
بس تحمل جزء منه و ما لقتش حاجة مناسبة تماما بصراحة
و الموضوع مش معمم نهائيا )

نبجي بقى للموضوع هو جرت العادة انه النقد الاكبر دايما للبنات
و شكل البنات و هدوم البنات و مشي البنات
فانا المرة دي عايزة انتقد شوية اللوك الجديد لغالبية من الشباب
واستعطفهم و اقولهم :

( اعيدو لنا اشياءنا )

بجد والله مش هزار نبتدي بالشعر شعر و طولتو و استشورتو و
دهنتو وسبسبتودي شعوركم بقت احلى بمليون مرة من شعورنا
فقدنا الثقة في شعورنا ماحنا بنشوف شعوركم
كلها لمعان وبريق و حيوية و بتهفف
ده حتى لما طلعت موضة الكدش دلوقتي ( اللي الشعر بيبقى زي
العش المنفوش فيها ) و ماما انتقدتهم عليها
قولتلها سيبيهم يكدشوه احسن ما يسبسبوه..

البشرة و دهنتوها و لمعتها و نعمتوها و صنفرتوها والله العظيم
اوقات لولا الحياء ببقى نفسي اسأل بعض الشباب هو ايه نظام
العناية اللي بتتبعوه للبشرة بتاعتكو من روعتها و نضارتها
انا مش ضد اهتمام الولد بس بجد بقى شيء مبالغ فيه ..

اللبس مش ممكن بمبي و فوشيا و لمعة و خرز و مزهر
ده من فترة روحت مول ياحرام و صلت بواحد من المحلات انه
يعلق على القطع النسائية لوح مكتوب عليها ( ملابس نساء )
ارحمونا شوية سيبولنا الوانا و هدومنا دي الوحدة كانت بتحس
بقمة انوثتها لما تلبس الموديلات و الالوان دي دلوقت خلاص
انوثة الالوان و الموديلات دي راحت و بدأت تنقرض
من كتر ما بقت على اجسام الاولاد

ده حتى البنطلون حزقتوه و لبستوه سكيني و القصمان حردتوها
ده احنا تقريبا مش فاضلنا غير الفستان و يا خوفي يا خوفي
يجي يوم هو كمان تلبسوه..

الاكسسوارات بقى عالم اتعزى بمعنى الكلمة اسوار و سلاسل
و اطواق شعر ( عشان تلم القوصة طبعا ) اه و حلقان كمان
حتى شنط الايد اللي كانت رمز نسائي طول عمرها بقى فيها
منها رجالي كمان بجد ناقص ايه ؟ّ!..

مش فاهمة هي الفكرة انك تبقى واد كول و روش و مودرن
و تعجب البنات اه ممكن تعجبهم و بنات وقحة ممكن تعاكسك
و تقولك واد موز كمان بس بتبقى في تظرها واد واد و بس
لايمكن تشوف في جانب منك راجل على فكرة الا فيما ندر والله
ده حتى لو عجبتها ابوها هيحترمك ازاي و يشوفك راجل
ده اذا اخوها كمان ما جابش قرارك من الاول بحكم انه
الشاب بيعرف يجيب حقيقة الشاب و يزحلقوك من اولها ..

بصراحة انتو بالتصرفات دي و الشكل ده بتخلو الرجالة جواكم
ينقرضو في عيون النساء انا بيتهيألي كم سنة قدام البنات
لما هتشوف شاب بالمنظر القديم للراجل هتلبس عرايس
و تجري وراه زي المشهد اللي في الفيلم الاجنبي ..

الموضع و المسألة قدام اوي و الكلام فيها اتكرر جدا
بس الموضوع بيزيد بشكل رهيب جدا و مش بيقل

الله يرضى عليكم ابدأو في تدارك الموقف شوية
و سيبولنا حاجاتنا بقى ..

هرتلة ِشتاء ...

بقالي فترة مش لاقية حاجة اكتبها
او الانسب مش عارفة اكتب حاجة
اصلي عايزة اكتب شيء بعيد عن الرومانسية او الكآبة
و قد ماحاولت كل اللي بيخطر على بالي
بينصب مباشرة في الموضوعين دول
جايز تأثير الشتاء و البرد كان سلبي السنة دي عليا شوية ..

فقولت من بين اجواء السما المغيمة و نسمات البرد
الممزوجة بدفئ كوب الشاي الاخضر و
تلبية لعتاب مدونتي العزيزة لطول هجراني لها
خليني بلاش افكر في حاجة معينة المرة دي و اسيب نفسي
مع الاجواء السابقة للأحرف و الكلمات تاخدني معها
و اشوف هطلع بإيه ..

مبدئيا هو ليه مافيش صور حلوة ملونة للمطر الا لعشاق
غير كدة بتبقى مسحوبة الألوان ده حتى المطر خير و حياة
بجد تعبت اوي على ما الاقي الصورة دي
و مش مقتنعة بيها تماما ..

بستغرب انه ساعات بنبعد عن حاجات بنحبها مش كره
باللعكس ده من كترحبنا فيها
بالنسبة لي الاطفال .. انا بعشق الاطفال اوي
و ماحدش متخيل قد ايه نفسي في اللحظةاللي ابقى ام فيها
حتى فكرة الزواج حبيتها بس عشان بتخلي الوحدة ام اه بفكر
في الفرح و الفستان و الزفة و كدة زي اي بنت بس اكتر لحظة
متخيلاها وراسمة لها سيناريو كامل في حياتي من اولها لآخرها
لما ابقى ام ..

بس في الوقت نفسه من كتر حبي ليهم بقيت اخاف
اشيل طفل او الاعبه و الاغيه و اهزر معاه و كدة
بخاف احبه و اتعود عليه اوي في لحظتها
و ازعل لما تيجي امه تاخده او حد يشيله ده حتى
اني لايمكن اشيل طفل الا اذا حد شيلهولي و لو بدأت الاعبه
و لقيته بيستجيب معايا و يضحك و اتعود عليه بحاول بسرعة
اشوف طريقة او حد حواليا اديله الطفل ده و اتخلص منه
حتى لو في طفل في المكان عاجبني و بيبتسملي او كدة
بحاول اتجاهل ده تماما من خوفي حد يشيلني هو
و من فترة كانت مطروحة قدامي فكرة اني اروح ملجأ ايتام
رغم عشقي للفكرة بس رعبي من التعلق بالاطفال دول
خلاني الغيها تماما بمجرد ما بدأت بوادر ليها ..
تفتكرو ده مرض ؟ّ!..


ساعات احنا بنبقى عارفين اللي يريحنا و سهل اننا نعمله
بس بنجري و نعمل عكسه مش غريبة دي ؟! ..

يعني زي مثلا لو صديقين او حبيبين علاقتهم انتهت
بس بطريقة مؤلمة شوية في بعض الاوقات القليلة
بيبقى مريح جدا اننا نسترجع لحظاتنا الحلوة معاهم
اللحظات اللي بتبعث نوع من الدفئ الجميل فينا
اللي بجد حسينا اننا بقمة السعادة فيها
ضحكنا .. هزارنا .. شقاوتنا ..
او اي احساس جميل فينا حسينا معاهم

بس احنا بنرفض ندي نفسنا اللحظة دي اوي
بنفضل حكاية والله ولا دمعة و يلا مع السلامة كتر خيري
و بكرة يجي اللي احسن منه يمكن قدام الناس ده مبرر
عشان نبان اقوياء و مش مهزومين ولا اتهز فينا حاجة

لكن لو كنا مع نفسنا ليه ما نسمحش بلحظة هتمناله الخير
و اننا لسه فينا جانب عايز الايام دي تستمر وترجع سعادتها
قد كدة ممكن كبريائنا يسيطر علينا ولا هو الخوف برضو
يعني بنخاف اننا نصعف و نفقد احترامنا لنفسنا قصدنا فمش
بنقبل نتنازلها بلحظة زي دي ممكن تزيح عنها جزء من الوجع
و مش هتوجع كرامتنا زي ما فاكرين ................

هي افكاري ما وقفتش بصراحة و لسه الحروف و الكلمات
بيجرو ايدي وراهم بس حسيتهم من كتر الجري ابتدو يلخبطو
و يدخلو في بعض مش هيخلو اللي يقرا يفهم حاجة من المكتوب
وهتبقى هرتلة شتاء بدل من وحي الشتاء بس هرتلة شتاء
احلى هبقى اطلع اغير العنوان ليها

و عموما هو مش هي دي الفكرة اساسا مش المفروض
اني مش بفكر و سايبة نفسي للكلمات و بيتهيألي
انه الحاجة اللي بيعملها الواحد ببساطة و صدق و من القلب
بتتفهم وتوصل للغيرو حتى لو ما وصلتش ا
و كانت مبهمة او سخيفة عند الغير
بيبقى صعب علينا برضو نسخر منها بقوة وبشكل مباشر
زي اغنية شوفتها امبارح لوحدة صاعدة ماعرفش اسمها
اغنيتها عبيطة جدا و صوتها وحش و كلماتها
بتقول زي حبيته مية المية و نزل دمع عينيا و ليلتي
مش معدية و سرحت في عينيه كات هتخبطني عربية
المهم و الخلاصة انها اغنية سخيفة جدا

كان لازم تضحكني سخافتها بس ماعرفتش اكتفيت اني ابتسم
اصل البنت بتغني من قلبها و تعمل تعابير مع الكلام لوشها
و تحاول بحركاتها تطلع احساس من كلام الاغنية
يعني بتغني من قلبها اوي لدرجة ماقدرتش اضحك عليها
اصلي وقتها حسيت قد ايه ده شيء مهم و بتعطي فيه
رغم سخافته في نظري جدا و اعتقد في نظر اي حد ...

وهو الظاهر احسن اتوقف كدة طالما الموضوع بدء يدخل في
اغاني و ميلودي و مزيكا و الذي منه كدة اللافكار فعلا هرتلت
زيادة عن اللزوم و ضيعت المعنى فالاحسن ما اكملش جايز
يرجع سيل الكلام ياخد مجراه في هرتلة جديدة ..

********

ِمن يهزم الثاني غلاه
جيش الوله .. جيش الحنين
ِمن يقدرك يا ذا الهوا
اللي سكنا من سنين

وين انتهي - نوال الكويتية

هناك اشياء اهم من الحب ..

احيانا قد تخلق المواقف و الأحداث بيننا و بين أحبتنا
حواجز او اسوار نبذل كل جهد لهدمها ..

و حين نكاد نبصر نجاح هدمنا يتجلى لنا الطرف الآخر
واضحا وهو يشد الهمة في بنائها ..

و نعود لنواصل الهدم

( ليس في قصص الحب فقط نشقى لهدم الحواجز و الاسوار)

اضحى مبارك ..

كل سنة و انتم طيبين
و عيد سعيد على جميع المسلمين يارب
و ان شاءالله ايامكم تكون كلها فرحة و اعياد

و الله يرحم الخرفان مقدما و يجبر خاطر كل خروف اندبحلو عزيز ..

شخابيط ..

من اظرف الشخصيات اللي ممكن تلاقيها في حياتك
حد تعرفه و تعرف اصله و فصله و منبته و كل حياته
يعني بساطكم احمدي مع بعض زي ما بيقولو
و بعد بعض الزمن تيجي تلاقي كل كلامه بقى :

( لا انا لايمكن استحمى غير بشاور جل )
( اذا مش ماية معدنية مستحيل اشربها )
( انا كل سنة لازم اصيف في اوروبا اصل هنا حر موت )

عارفين شخصية ظريفة ليه لأنها بتخليك غصب
عنك تضحك لو حتى شايل هموم الدنيا كلها ..

********

من اكثر الاحاسيس ازعاج و حيرة لما بتبقى مبسوط
و تضحك مع ده و تنكت مع ده و تشاغب في ده
و كل ده بيبقى من قلبك بجد و انت من جوه
تفسك تصرخ و انت بتشد في شعرك كمان ..

********

منتهى السخافة لما تندفع بنت للزواج بحجة انتي كبرتي
و اللي في سنك بقو امهات عندهم عيلين او تلاتة
و اول لما تطلق نفكتر انه مواستها في الجملة السخيفة المعهودة

( معلش ولا يهمك انتي لسه صغيرة و الفرص و العمر قدامك )

طب ما كان من بدري ..

********

ساعات لما الناس ترمي بكلامك عرض الحائط و تشوفك مابتفهمش
و انت على حق مش لازم تتقهر و تزعل لأنهم بكرة هيرجعو
و يقولو ( فعلا والله قولتها يافلان و صدقت ) ..

********

لما يقابلك تيارات الالحاد و ما على غرارهم اللي منتشرين
دلوقت ما تدعيش عليهم و لا تشتمهم بس
اشفق عليهم اصلهم مساكين اوي و سبيهم و امشي
( اصل الضرب في الميت حرام ) ..

********

القالك حد .. لو ضاقت بيك يفتحلك قلب
يبقالك صحبة و اهل و بيت .. يناديك لو انت في يوم ضليت
و يشوفك لو ع الخلق درايت .. و يحسك رغم البين و البعد
و القالك حد ..

انغام - القالك حد

مصر و الجزائر ..

طبعا انا اخري في الكورة زي اولي في السياسة
يعني صفر كبير جدا و رغم انه ده بيبيني ساعات سطحية
بس انا مرتاحة و بحس اني كدة رايقة و بسيطة جدا .. ما علينا

صراحة انا اول مرة في حياتي تشدني احداث و توقعات
لماتش قدام بقيت احس انها اشبه بحرب و المنتصر
سينال شرف عظيم و يتوج مع ابطال التاريخ العربي الكبير
و لأنها سابقة ما عملتهاش فيا حتى ماتشات منتخب وطني الحبيب
كتبت البوست

و وسط الحرب المقامة دي من الطرفين على بعض
و رفضي و استنكاري ليها اتمنى انه مصر تكسب بجد
مش عداء للجزائر ابدا والله ولا تفرق معايا النتيجة
بس يمكن عشان متيقنة انه شخص ما رغم غيابه
اكيد هيفرح جدا لو مصر هي اللي فازت

و بالتوفيق من كل قلبي لكلا الفريقين

بين البكاء و غدر الدمعة ..

انا بكره الراجل اللي يعيط جدا و مش بعرف اتقبله
و في نفس الوقت بعشق اوي دمعة الراجل ..

الاتنين مافهمش اي تشابه زي ما الاغلب بيقول بالعكس
ده بينهم اختلاف شاسع انه راجل يعيط قدامي و خصوصا
لو السبب مش كبير يعني بحسه ضعف منه بحسه بيبهت
من رجولته و صورة السند اللي في عيني عن الراجل
بس انه دمعته تخونه و يضعفلها بس قدام حبيبته
بيتهيألي ده اجمل احساس ممكن الراجل يهديه للست طول حياتها
و مش بحس الاحساس ده بيبقى رائع الا
في حالة دمعة وحدة دمعة غدرته
اصلها الوحيدة اللي بتعمل المزيج السحري و الصراع الجميل ده
بين عزة الرجل و كبريائة و لحظة ضعفه و غلبة مشاعره
و بتحول الدمعة من قطرة ماء لحبة لؤلؤ غالية
كدة تلاقي الوحدة غصب عنها بتجري عليها عشان تحضنها
و تخبيها جوه حضنها بعيد عن الكل

بتدورلها جواها على اغلى و احسن مكان تحطها فيه
عشان تصونها و ماحدش في الكون كله غيرها يشوفها
لأن هي عارفة قيمتها و حجم المعركة اللي خضتها
عشان تنزل بين كفها هي و خاصة لو هي وبس ..

اما الراجل اللي يعيط اممممممم مش عارفة
من فترة كبيرة شوية كان حد اتكلم انه حبيبته سابته
عشان هو بيعيط اصل لما قالها بحبك عيط
و لما قالتله بحبك عيط و لما مش عارفة
قابلها عيط و لما حصل عيط
و بصراحة يمكن هو السب اني بكتب البوست ده ....

طبعا الكل خلاه ملاك و رقيق و حساس و لامو البنت
و هو طبعا غلطلها مع الكل رغم انه فعلها طبيبعي جدا
اصل عايزين ولا لا البنت الشرقية لسه بتحب
حتة الجمود في الرجل لسه بتحبه حمش
و يعرف يقول لا و يتعصب ، يعرف يشخط
يعرف يهز الخوف الانثوي جواها من الذكر
باسلوبه وحكمته و انا مش بتكلم عن التسلط او
انه يبقى سي السيد خالص بس ماينفعش
انه الراجل يعيط دايما بجد ما ينغعش ..

في حاجة بتبوظ جوه الوحدة وشيء بيتكسر او يتهز
طب ماهو السند مش السند لازم يكون قوي
لازم تحس انه سندها و قوتها انه حماية ليها و قت الجد
بس صعب و خصوصا لو كانت بس حبيبته
انها تشوف صورة السند و سط سيل من دموعه
اللي مالهاش و قت بجد صعب ..

انا مش ضد الراجل يبكي و ليه الحق الانساني
انه يبكي لأنه طبيعي كبشر بس ....

عموما مش عارفة بجد اشرحلكو نظرتي باكتر من اللي قولته
و تقريبا من قبل رمضان بحاول اكتب الموضوع ده
بشكل يوصل فكرتي و وجهة نظري ليكم
اصل مش سهل تكتب احساسك عن شيء ملك غيرك
و مش ببساطة هتقدر تفهمه
هي بس حالة قريتها و فكرة عايزة اقولها
الله اعلم بقى هل وفقت في ده ولا خبت انتو هتقولو ..

ببساطة ..

هو احنا ليه دايما بنهيف
الحاجات البسيطة اللي بتضحكنا او تسعدنا ؟!

يعني لو وحدة عندها 30 سنة و لسه
متعتها تركب المراجيح تبقى هبلة ليه ؟!

او تانية متعتها اكل الحلويات
و اللعب باللعب زي الاطفال
تبقى متسعيلة ..

لو بتحب تسيب نفسك و تمشي تحت المطر
و انت عارف انك هتاخد برد
طالما هتتبسط تبقى مجنون ليه ؟!

لو بتحب تجيب لمراتك وردة
او الشكولانة اللي بتحبها اوحتى
تكتبلها على كرت بحبك كل يوم
تبقى راجل فاضي ليه ؟!

لو الست بتحب بس انها تتحضن
من زوجها دايما او حتى مرة في
اليوم تبقى خيالية ليه ؟!

لو جاه في دماغك تتبنى نبتة اه نبته
تسقيها و تحطها عند الشباك في الفجر
و تمسح الغبار عن ورقها
و تقص اللي دبل منه
تبقى حد رايق بزيادة ليه ؟!

لو متعتك تعيط على فيلم او تجري الصبح
او تعطر سريرك قبل ماتنام او تأكل
العصافير على شباكك الصبح
او اي حاجة في الدنيا بس عبيطة
و بسيطة و سهلة بجد فيها ايه ؟!

عارفة الحياة صعبة و ضغوطها كتير
و بتخنقنا و تكتم على نفسنا
طيب مش ده سبب كافي لينا
اننا نحب متعتنا البسيطة اي كانت و نحافظ عليها ؟!

حسبتهم و لقيتهم عشرين سنة كاملين

20 سنة عدت بطلت احس فيهم اني طفلة
و دلوقت لقيت الاحساس ده فجأة واحشني اوي

نفسي بجد احس اني طفلة من غير ما ارجع طفلة
ادلع دلعها اتشاقى شقاوتها و اضحك ضحكتها
و اتعامل معاملتها مع الفرق انها تبقى
معاملة لطفلة ناضجة مش طفلة هبلة ..

يمكن يكون نو ع من الهروب حاليا جايز
بس انا مش شايفة مستقبل هتقدر تكون فيه
فهخليها تطلع شوية و تتنفس و تعيش الحياة
عشان حتى لو دفنتها جوايا تاني تكون لها
ايام و احداث و ذكريات تفرح روحها بيها و
تأنس وحشتها لو رجعت و ادفنت تاني

يقال لو لم تذق القلوب في الحب لوعة الإشتياق

فهي لم تعرف الحب حقا ..

فماذا قيل عن حال القلوب في قسوة لإشتياق

هل تعني ان الحب اضحى عشقا ..

و مازال القلب مشتاق و مشتاق و مشتاق

فإلى متى .......

FlashBack ..

بكرة هو اول يوم دراسي عندنا

و هرجع كل صباح اشوف الكل و هو رايح

لمسعاه للسنة الثالثة على التوالي ..

و انا زي ما انا وبلا فايدة قاعدة

في البيت على حالي ..

ربنا يفرجها و يسهل الامور

عيدية صندوقي ..

اليوم حسيت انه وحشتني الكتابة هنا اوي بس

مالقتيش حاجة في بالي عايزة اكتبها حاولت مرة

و اتنين و النتيجة هي هي مالقتش حاجة خالص

ولاني كنت عايزة اكتب حاجة جد او خاطرة حلوة

قولت ارجع لصندوقي و ارشيفي يمكن الاقي

شيء قابل للنشر و من اقصوصة لورقة لدفتر

راحت ايدي على اوتجرافي القديم اللي بقالي

سنييين ناسياه قولت افتكره و فتحته .......

عندي وحدة من صاحباتي لما تقابل وحدة زمان

ماشافتها تاخدها بالحضن و تقعد تطبطب جامد على

ظهرها اكنها بتنفض حاجة وتقعد تقول غبااااااااااااااار

و هي بتضحك و تعمل انها بتكح

ده حال الاوتجراف لما فتحته غبااااااااااار وهمي

و حسيته قدم خالص و الاوراق بعضعها قرب

يتمزع و ريحة الورق اتغيرت و الخطوط مش

قادرة افهمها من خربشتها يااااااااااااااااااااه ......

عارفين حسيت اول مافتحت الاوتجراف عمل

زي كتاب سحري في فيلم كارتون قاعد يخرج

الحاجات اللي جواه و هو بين ايدي شي اسم

و شي موقف و شي تاريخ بس انا ماقدرتش

استناه يطلع اللي جواه لوحده نسيت نفسي و فضلت

اقلب و اقلب و اقلب في صفحاته كاني بجري

جوا الاوتجراف و بشوف ناس قديمة اكيد

دلوقت اتغيرت بس حسيتني بقابلهم من تاني

بشوف صحباتي و احنا صغيرين اللي بظفيرتين

و اللي ديل حصان و اللي شعرها سايب

مدرساتي اللي كانت شديدة و اللي بتصتنع الشدة

و اللي حنينة و اللي طيبة كان نفسي لو ينفع اخرج

الايام دي و الشخصيات اللي في الاوتجراف و ارجع

اعملهم من تاني زي لعبة البازل كدة لحد ما الصورة

تكمل بيهم قدامي و ارجع اعيش اللحظات و الايام معاهم

الشقاوة و البراءة و القلوب الصافية ..........

عارفين احنا بجد كنا اطفال مساكين اطفال اليوم بيضيع

عليهم كتير يمكن في نظرهم كنا هبل و سخفة بس ده

من الذ مافي مراحل الطفولة .. ايوة السخافة دي بتبقى

جميلة اوي لما نشوفها دلوقت و قد ايه يكفينا تعبير

بسيط وغريب نحس بيه اننا محبوبين من اصحابنا

جدا .. طب اثبتلوكو .. لا

ولا خلي ذكريات اوتجرافي هي اللي تثبتلكو ..

اتمنى لك الفوز .. و انتي تأكلين الموز

اتمنى لك النجاح .. و انتي تأكلين التفاح

هل انت جميلة ؟

هل انت عطوفة ؟

هل انت رقيقة ؟

نعم انت جميلة

نعم انت عطوفة

نعم انت رقيقة

اكتب لك بالاحمر علامة الحب الاكبر

اكتب لك بالمائل علامة الحب الهائل

اكتب لك بالمقلوب عللامة الحب في القلوب

اكتب لك بالرصاص علامة الحب و الاخلاص

نظرت الى السماء فوجدتها صافية

و نظرت الى ريم فوجدتها غالية.

ذهبت الى الحديقة فالتقيت زهرة حمراء

فقلت من هذة الزهرة الجميلة فقالوا لي

الازهار: هذة زهرة ريم .

ايه صدقتوني ده حتى بكتبها باللالوان بس اظن كفايةكدة

اه نسيت كمان طرف الصفحة اللي بنقفله ونكتب

عليه لا تفتحيها .. و جوا نكتب شوفتك فتحتيها

او قولت لكي لا تفتحيها ..

الله على زمان ...

اليوم الوطني ..

يمكن التدوينة دي ماتعني كتير من زواري بس

حبيت اني اعملها برضو ..

و يمكن اصلا اول مرة احتفل باليوم ده بشكل علني كدة

يمكن لانه مؤخرا كشعب صرنا نفتكره ونحس فيه ..

اليوم هو اليوم الوطني للسعودية و حلاته انه موافق العيد

الله يحفظ بلدي و ملكها من كل شر و يديم عزها و شانها

و يجعلها دايم بخير ..

و كل يوم وطني و السعودية و اهلها بخير

الى الملتقى يا رمضان ..

مش عايزة اقلبها نكد على العيد بس بجد

السنة دي رمضان سابنا بدري اوي تقريبا

اسرع رمضان عدى يمكن عشان كدة غصة فراقه

المرة دي غالبة اوي فرحتي بالعيد

بس برضو لازم اعيد عليكو و ابارك لكم بالعيد

و ربي يدينا العمر و يبلغنا رمضان من جديد

و يكون صيامنا و قيامنا مقبول بإذن الله

كل سنة و انتو طيبين و جميع من يعز عليكم

و عيد سعيد عليكم و على الامة كلها يارب

فانوس ليساندرا..

اللهم بلغنا رمضان ..

كل سنة و انتم طيبين
و مبارك علينا و عليكم قدوم الشهر الفضيل
ربنا يجلعنا من بالغيه و محسني صيامه و قيامه
و يجعلنا من اصحاب العمل الصالح فيه
و يثبتنا على الصالح بعده ايضا يارب
و كلام كتير نفسي اقوله بس الصورة
عبرت عنه كله و رمضان مبارك ..

ع الهامش

حبيت اعتذر عن تقصيري في التعليقات
على مدوناتكمفي ناس تقصيري معاهم بسيط
و في ناس تقصيري معاهم كبيرفالعذر منكم جميعا
و ان شاء الله هحاول اعوض عن تقصيري في حق
التعليق في المدونات الصديقة
بس هي مسألة شوية وقت و ظروف ..

تاج من الوزن التقيل ..

مش فاكره آخر مرة حليت تاج أو شوفت فيها تاج
لحد ما أتوقعت انه موضته بطلت خلاص
بس ليسا حبت تثبتلي العكس و دبستني في تاج
إنما إيه طويل و مكلكع آخر حاجة زي ما بيقولو

********

من انت ؟

مش بحب السؤال ده خالص أصلي مضيعاني
ريم بنوتة عندها 24 سنة سعودية عن أب و أم كمان
بس زي ما انتو شايفين بكتب مصري عشان بحب
اللهجة دي اوي بعيدا عن كل شيء آخر ممكن
يجي في دماغ أي حد لما يعرف إني سعودية
صح انه ريم مش بتظهر كتير في المدونة بس
اللي يركز هيلاقيها هنا و يعرفها كويس
و بس ...

******

ما الذي تفعله هنا ؟

ده سؤال شرطة بجد
و لا حاجة بكتب مجرد إني بكتب بعبر
بتكلم بطلع اللي جوايا بعرف ناس و عقليات
من غير التبعات اللي تلي المعرفة الشخصية
ساعات فضفض و ساعات بصرخ بهدوء
يعني غالبا أنا هنا بفضي كل جناني عليكو
و بالصدفة لقيت حاجات ماكنتش عارفها فيا..

******

إسرائيل تقصف كل جنوبا ممكن بحثا عنك
أي شمال تقصد ؟

بدأنا الكلكعة و الأسئلة اللي تطلعك بمنظر
وحش قدام العالم
والله مش عارفة ليسا قالت هتقعد عشان
الهروب مش حل شجاعة البت هههههه
أتوقع بادية هتنقل بين أرجاء الشمال
و أدور على مهرب و ممكن اهرب كتير
لحد ما اتعب و بعدها خلاص أبطل هروب
وحتى لو ما وجهت هفضل في مكاني و اللي
يحصل يحصل ...

******

انت مكلف بحذف حرف من حروف اللغة
العربية أيها ستختار .. و لماذا ؟


و لا حرف .. أصل مش من عادتي اشوه
الأشياء الجميلة حتى لو شوهت بيبقى غصب
عني مش باختار أشوهه ...

******

لو قدر لك أن تدخل السجن فما القضية التي
تتمنى أن تدخل بها إليه ؟

أنا حاسة انه اللي عامل التاج ده ليه في الجيش
و الله بعد الشر عني بس لو لا قدر الله هيحصل
يبقى دفاع عن النفس عشان مش ادخله أساسا ..

******

متى اكتشفت نفسك ؟

لا والله لسه ما اكتشفتها ولا اعرفها كويس
بصراحة بس كل فترة بعرفها اكتر و بفرح
اوي لما بلاقيني عرفت جزء من نفسي و
مازال البحث جاري عن الباقي ..

******

على مفترق طريق لافتتان اليمنى
تقول ( إلى حلمك ) و الثانية تقول
( إلى ما لم يحلم به بشر ) أي طريق
ستسلك ؟

هصلي استخارة ( ابتسامة )
والله مش عارفة بصراحة مش الفترة دي
اللي اقدر أجاوب على سؤال زي ده
الفضول هيرغبني إني اعرف إيه اللي
في الطريق التاني و في نفس الوقت بحب
حلمي الصعب اللي نفسي يتحقق اوي بس
في نفس الوقت خايفة من الاثنين بصراحة ..

******

" نحن لا نعيش حياتنا بل نتعلم فيها
كيف نعيش" .. ماتعليقك ؟

اعتقد صح جدا بجانب و جودنا للعبادة
و العمل للهدف الأعظم والحياة الآخرة
أحنا بنتعلم كل يوم ازاي نعيش و نتعايش
كمان في الحياة دي بالمواقف اللي بتحصلنا ..

******

بجملة واحدة فقط اكتب تعريف لكل كلمة من الكلمات
الآتية :( الوطن - الأم - الليل - الحب أمريكا - المرأة
- الصمت - الانترنت )

الوطن : الانتماء بالأهل – بالعشرة – بالناس ثم بالأرض .
الأم : الشخص اللي تديه الثقة المطلقة في كل حاجة
و اللي جملة واحدة إنقاص من حقه .
الليل : الستر على الحلو و الوحش للأسف .
الحب : أساس الحياة بكل أنواعه .
أمريكا : مش عارفة لها وصف .
المرأة : الوردة الصعبة اللي الأغلب مش بيعرف
فن الاعتناء بيها .
الصمت : ممكن يكون راحة – حكمة – جواب أو عذاب .
الانترنت : الشيء اللي أتمنى الله يديني خيره
و يكفيني شره .

******

قيس ، عنترة ، وجميل هم الذين يقولون شعرا

وليلي ، وعبلة ، وعزه صموت
لماذا هذا التغيب للمرأة ؟؟

طب مش لما تحصل على الحق ده في القرن 21
عشان نلوم أهل القرن اللي مش عارفة كام
هي المرأة صح مغيبة بس غالبا هي اللي بتدير
الأمور حتى الحروب في ذاك الزمان
مرة سمعت كلمة في فيلم أجنبي عجبتني
بتقول ( صحيح أن الرجل هو رأس المنزل
لكن المرأة هي الرقبة تدير الرأس كيفما
تشأ ) الجملة دي صح جدا لو المرأة ذكية ..

******

أن تكون مطلوباً في جريمة خيرٌ لك من ألا تكون
مطلوباً علي الإطلاق .هل تتفق مع هذه العبارة ؟؟علل .

لا طبعا , حلو الإنسان تفضل سمعته عطرة
بالخير حتى لو يعرفه القلة القليل ..

******

إلي أين تمضي كلمات الحب بعد أن نقولها ؟

بيقولو من القلب للقلب رسول أو هكذا اعتقد
لو الكلمة خرجت صادقة من القلب لقلب
صادق هو كمان في استقبلها يبقى هتدخل
لأعماق الإنسان لمكان مخصص بس
للكلمات دي أصله أناني فيها لأنها بناعته
هو بس .. أما لو مجرد كلام حتى لو القلب
اللي بيقولها صادق و القلب اللي بيستقبلها
لا أو العكس يبقى هتروح في الهواء
ولا شيء غير الهواء ..

******

هل تجد علاقة بين المرأة وقطاع الطرق ؟

ممكن إنهم خاطفين المرأة بتخطف القلوب
و قطاع الطرق الجيوب غير كده مش
لاقيه لكن لو سألت حد بيكره المرأة ممكن
يلاقي كتير على ما اعتقد ..

******

هذا فراق بيني وبينك متى ولمن تقولها ؟؟

زمان كنت بستصعبها بس دلوقت بقيت
مش قد التعب فبريح نفسي و اعمل كده
مع أي حد يأذيني بالكم اللي لو قلتها له
يعرف انه أكيد عمل اللي خلاني أقولها ..

******

كيف هو غدا ؟

مش عارفة و خايفة منه موت و لسه
باكية بسببه من كم يوم بس دايما
بحسانه خير و انه في خير كتير و فرح
مستني الأوان اللي الله كاتبه ..

******

لمن تمرر التاج ؟

إجباري : لسارة و لي لي ( هي حرة ) بس
مش في التاج طبعا و لجنة و سندريلا توأمة
الشاردة و لمحمد سلطان لو عدى هنا .

اختياري : لأي حد عجبه التاج و لو إني
ماظنش و عاوز يحله يتفضل ..

مش عارفة بقى إذا في سؤال طار
من كترهم ولا كاملين المهم عملت اللي عليا ..

شخابيط مش اكتر..

عمرو و تامر و تامر و عمرو
بس السخيف الخبرين اللي قريتهم من فترة أيام نزول
الألبومين يعني معلش أصلها كلمتين محشورة في
زوري , قال بيقولو انه
عمرو باع نص مليون نسخة في أول يوم أو يومين
و تامر جاب نفس الرقم في أول 5 ساعات
بالذمة مش عيب الكذب ده على أساس انه العالم
فارشين قدام محلات الكاست ده لو ما كناش في زمن
حمل من هنا و حول بالصيغة اللي تعجبك كمان
صحيح مجنون يتكلم عاقل يسمع ..

********

ساعات بيبقى جوانا أسئلة اريحلنا لو نسألها بس خوفنا
من إجابتها بيمنعنا نسألها حتى لو 1% بس انه الإجابة
مش في صالحنا بنستنى لوقت ما نحس إننا قادرين
على تحمل تعب إجابتها لو كانت اللي هتوجعنا..

********

مش عارفة ليه دايما الكبير بيحب يستظرف و يستخف
دمه لما يكلم حد من جيل أو اجيااال اصغر منه مع العلم
انه كل ما صغر الجيل و اقترب من الطفولة كل ما ممكن
نسمع إجابة أو نلاقي رد فعل الكبير في غنى عنه تماما ..

********

انتبهت على حاجة لاحظتها في عالم مدونات البنات
الأفكار بتبقى متقاربة في نفس الوقت بشكل رهيب
بعني لو مثلا بفكر في بوست رومانسي ألاقي نسبة
كبيرة من البنات كاتبة رومانسي لو هتكلم عن المرأة
نفس الحالة لو هتكلم اجتماعيا نفس الأفكار بلاقي وردت
على اغلب البنات تقريبا اغلب أفكار المواضيع
بتتوافق في نفس التوقيت عند اغلب المدونات بس
طبعا باختلاف الصيغة و الجانب في الموضوع
شكلنا فعلا بقينا ماشينها موسم زي القطط في الربيع
على رأي منة شلبي في الفيلم ..

********

على سيرة منة شلبي في الفيلم اللي لحد دلوقت
مش مستوعبة هو ازاي السقا شاف مراته و
أم عياله في وحدة بتاعت شرب و رقص و مهيصة
و كمان خانت زوجها معاه و عادي بينما كان
سبب تركه لعليا انه أختها بطة بطاطس ولا الأولى
عشان كانت في الستر يعني بس فعلا
الرجال تفكيرهم غريب بصراحة لكن لما بيعوزو
الشيء بيعملوه فعلا لو إيه ..

********

الزواج و تكاليفه بين التخفيض و الرفع
لحد ما بقينا حاسين البنت سيارة و مين
يدفع اكتر و الولد بقى الكنز اللي بعض
البنات و عوائلها عايزة تتطلع على قفاه
بس لما العروسة هي بنفسها تخرج وسط
الرجال و تطلب و تححد مبلغ المهر الكبير
ما اقدر أقول غير الله يوفق ..

********

شي غريب بتشتاقلي كتير و بتخبي بقلبك
قللي بحبك شو بيصير قد الدنيي بحبك ..
و لما بقلك : لا ما تقللي
بقبلك خبي الكلمة و خلي ..
الحب اللي بيني و بينك ساكت
و بعيد وقريب .. شي غريب ..

شي غريب – جوليا بطرس

اللهم لا شماتة ..

مع تفشي أنفلونزا الخنازير بقيت بلاحظ داء آخر متفشي
ألا وهو داء الشماتة ..

بصراحة مش قادرة استوعب حكاية الشماتة اللي بقت
منتشرة بشكل رهيب بين الناس زمان كانوا بيقولو
ماحد يشمت في الموت و المرض
دلوقت حتى دول الناس بتشمت فيهم

- هي فين فلانة مالها حس لا هي و لا احد من طرفها
- والله يقولوا طلع عندها الخبيث يالطيف هيهيهي .
بجد وقتها ما استوعبت يعني إيه فرحانة في وحدة
مريضة لا و بسرطان اللهم عافينا .

- مادريتي مو فلانة زوجها مات سارت أرملة
- خليها أحسن مرة كانت فرحانة بزوجها و قارفتنا
فيه اهو راح و ريحها .

و عندنا جارة حلم حياتها و حدة من الجارات زوجها
يتزوج عليها و تشمت فيها والله العظيم زي ما بقول كده
و اللي يضحك انه هي اكتر وحدة مؤهلة انه ده يحصل
فيها ..

فعلا مش قادرة استوعب الناس جرالها إيه
و اللي غاويين شماتة دول و هما بيشمتو ناسين
انه الدنيا دي دوارة و مسيرها في يوم هتدور عليهم
و يحصل فيهم نفس اللي حصل في غيرهم

أصله في الآخر داين تدان

لحظات مسروقة ..

الفجر و نور الشمس بيطلع و كاسة حليب دافي
و قطعتين بسكويت و المدونة أو لعبة ع النت ..

الصبح و برنامج صباحي و لفة حلوة على البحر
أو ساعة هادية وحيدة في البيت ..

العصر لفة في المول في منتهى الهدوء و الروقان
قبل الزحمة و الضجة و زباين الليل ..

بعد المغرب و شوية وحدة و فيلم أو مسلسل كوميدي
و كمية ضحك تسرق جزء من الوقت ..

الليل و لفة على البحر برضو بالعربية على صوت
يطرب و أغنية حلوة و هادية أو
في البيت و مسلسل أجنبي درامي ..

نص الليل و آخره و الكل نيام و كاسة شاي اخضر
و شوكولاتة و فيلم رومانسي أو درامي ..

ولا صوت غير صوت الفيلم و الهدووووء ..

بعض انثى ..

الموضوع طويل آوي مع الاعتذار ليكو

ساعات بتنط في دماغ الواحد فكرة أو ياخد باله
من حاجة فجأة لاعلى البال و لا الخاطر زي بعض
أغاني بسمعها من فترة لفترة
فجأة خدت بالي آوي إنها ممكن تبقى حكاية أنثى

جيتي و صيرتي انتي الابقى انتي الدنيا و الأيام
انتي الحاضر انتي باكر انتي العذب من الأحلام

ولادة البنت بيبقى فيها فرحة بعيدا عن المتخلفين طبعا
بتحسها ابتسامة حياة كده الدنيا بتنور اكتر يمكن
لأنك بتحس إنها مخلوق رقيق اوي من ساعة ما تتولد
بتحس انه مخلوق حنين و بريء و قوي بضعفه بس جاية
البنت بجد بتخلق حالة حلوة عن اغلب الأهالي

البنية حلوة البنية

مرحلة الشقاوة بقى و الروج و الكعب بتوع ماما و كده
تحس عندك لعبة متحركة في البيت مش بتمل و تشبع منها
ابد و تحس انه البيت بيضحك بيها و بيعيش بيها

جئتك وحدي يا مدرستي اهدي زهرا لمعلمتي

أغنية هبله من الطفولة بس شوفت فيها مرحلة الاعتماد
على الذات اللي بتبدأ تكبر و الوحدة تحس إنها زي ماما
و تبقى عايزة قال تساعد في البيت و تبهدله طبعا بس هي
مرحلة نضج مبكر مش شرط تستمر خالص مع البنت
مش عارفة ليه

امورتي الحلوة بقت طعمه و لها سحر جديد

دي بقى بجد بداية الصراع و التناقضات و كل حاجة
حلوة و وحشة الأغنية بتتكلم عن المراهقة اكتر فترة
البنت بتحب تبان بس برضو تلاقي بنت عايزة تختفي من
بصات الناس ومعاكستهم بسب ملامح جسمها اللي جعلتها
أنثى تناقض بين إحساس بالأنوثة و إنها عايزة الكل يحس
جمالها و تفكيرها و طبعا جمالها اكتر
و بين عيب و لا و ما يصح و انتي كبرتي و هنا بتبقى بجد
بداية حاجت كتير و مفترق طرق يبدأ فيه اختلاف البنات

مانتش قد الحب يا قلبي ولا قد حكاياته
ليه عايزني من دلوقتي احكيلك رواياته

طبيعي البنت بتبان اوي في المرحلة دي و قصادها
ابن الجيران هو كمان كبر و الشنب بدأ يخط بقى بس تلاقي
بنات و ده الأحسن في رأيي بتخاف و بتحس انه بدري ممكن
يحصل إعجاب بس عند خطوة اكبر بتوقف و بنات أكيد
بتكمل و شيء يفشل و شيء ينجح بس مش عارفة
ليه هو غالبا بيبقى ابن الجيران

خبيتلك وردة حمرا .. مقطوفة بأول عمرها
ما داقت من طعم الغمرة .. غير حبة ندى

ده الوقت المناسب مش مهم انت الأول و لا التاني في
حياة البنت زي ما ولاد كتير بتفكر المهم انك تيجي في
الوقت المناسب
هتلاقي إحساس اللي أول مرة تحب و أول مرة تشتاق
و أول مرة تخجل و كل شيء هيكون أول مرة لو جيت
بس في الوقت المناسب

شي غريب متل العادة حبك يا حبيبي
و يمكن لأنك مش عادي بحبك يا حبيبي

على فكرة فعلا الأنثى كائن صعب فهمه
يمكن يكون لأنه إحنا مش عارفين عايزين إيه
خصوصا من الراجل سيبكو من طيب وحنين
و الذي منه كل الموصفات التقليدية دي لأنه كتير مننا بتبقى
مش عارفة هي عايزة إيه أو فاكره إنها عايزة
حاجة في وقت هي محتاجة عكسها إحنا محيرين اوي
لنفسنا و ليهم بس حيرتنا دي من أحلى مافينا و اللي
بيشدهم أصلا لينا ..

ما بحبش حد يشوف أي دموع في عينيا
علشان لا أصعب عليه ولا يزعل عليا

كبرياء غريب في قوته بيتولد في مرحلة الصبا
عند البنت ساعات بيبقى طالع في حاجات بسيطة و سخيفة
حتى بس هي بتكبر تلاقي مجتمع فعليا مسيطر عليه
و دورها و وجودها متقنن بقوانين ادم فبتقرر تربي كبرياءها
ده مندري كبرياء بيكون في ذروته وقت الشباب
و يبتدي يخفت بريقه مع الزمن

أنا بتنفس حرية ما تقطع عني الهوا
و لا تزيدها كتير عليا أحسن ما نوقع سوا

تمرد صارخ لأقصى درجة يمكن لأنه الكبرياء بيبهت
بحاجات عادية يمكن بحب يمكن بأهل يمكن بأولاد
بحاجات كتير الكبرياء بيبتدي يبهت قصاد تضحيات
الأنثى الفطرية أو مجبرة بس في الحالتين هي بتتوجع
و لأنه الصرخة تعبير الموجوع بتصرخ هي بتمرد ..

مفكر انه صوتك أعلى يعني أقوى انت و اعنف
ولامرة أنا صوتي بيعلى يعني بقبل أكون الأضعف
أنا بعطي للنهاية .. و ما بطلع ورايا

بعد فترة بيبدأ تعبير من نوع اخرأو صراخ من نوع
آخر صراخ التحدي بصمت و صبر بتكون هي المغلوبة
في الأول بس بعدها بتبقى الغلبة ليها و بتوصل بتصبر
بس في آخر الحكاية غالبا بتوصل بس للأسف نتائج
التحدي ده فردية إلا حد ما و صعب تتعمم لأنه أصلا مش
كل أنثى قادرة على صرخة التحدي ..

هالوردة دبلت بكير حلوة بعدا حلوة كتير
ماعادت شافت ها الشمس و الدنيا كلها مشاوير

فعلا بتدبل الوردة زي أي وردة حقيقة بتبدل
بس مش كل وردة بتدبل زي التانية أو بنفس
سرعة التانية بتلاقي وردة بتدبل قوية
و وردة بتدبل ضعيفة و وردة بتدبل بشموخ و وردة
بتدبل منكسة في النهاية الورد الحقيقي لازم يدبل
مع الزمن بس بعد ما ينشر عبير ابدي حوله
حد بيحتفظ بيه و حد تاني عنده العبير ده بيتمحي


في الآخر المرة دي هستلف عبارة إيمان
مش عارفة بس آسفة .. آسفة ع البوست ده

منمنمات ..

لنكن ’حلماً واقعي

فلو اختارنا أن نكون واقعاً مجردا من الحلم فلن نكون ابدآ
و لو فضلنا أن نكون حلماً فقط سنصبح مجرد وهم ..

لذا لا بأس لو كنا هذا تارة و تارة ذاك أو أني حتى لا اعرف
تفسيرا لمعنى العبارة أو ما علينا فعله لنكون كذلك
لكني شعرت مجرد شعور مبهم

أننا لنصبح مستقبلاً يوماً علينا أن نكون في اغلب وقتنا
حلماً واقعي و ربما عندها قد أجد مرة أخرى لحديثي بقية ..

والله حلوة ..

لو جه في بالنا نحلم بجنة قوة ايمانا هي السلام

و الدين معاملة ورسالة كاملة يعني الحكاية مافيهاش كلام

غني وحب وصلي جماعة لقبلك ساعة وربك ساعة

و الدنيا حلوة والله حلوة مش ضاحكة علينا و خداعة

ما تقولش خلصت و ذنوبي كترت ماتعيش فكرة جاي العذاب
صاحب الجلالة الله تعالى م الاستحالة ينسى اللي تاب

ربنا ما خلقناش نتألم عادي بنغلط وبتعلم
و الدنيا حلوة والله حلوة اوعى تسيب نفسك وتسلم

لو حد هانا او جرح طالنا نفتح بيبانا مانردهاش

جايز نجاحنا يكسر جروحنا و نحب روحنا ما نظلمهاش

نملى حياتنا حب وفرحة ونكتر اعمالنا الصالحة

و الدنيا حلوة والله حلوة مش ايام بتعدي ورايحة

صح بسيطة ومش بقوة باقي اغاني الالبوم بس

قد ايه رسمتلي ابتسامة امل حلوة كنت محتاجها

بشكرك بجد على الاغنية دي

منمنمات ..

و تغضب و تاخذك الحيرة بين القسوة و الغضب

ف انت لتغضب عليك ان تقسو و انت تكره القسوة

و مع تلك الحيرة يولد صراع اخر جراء غضبك

صراع بين التسامح و الكبرياء و ما اصعب كبريائك ..

و تؤرقك الحيرة و يؤلمك الصراع ليتحول الغضب لحزن

فنحن نحتاج للحزن لنشتاق للفرح و ينتهي الغضب ..

.. سيستمر الكلام ومازال للحديث بقية ..

شخابيط ...

الشخبطة تقريبا احب حاجة ليا في المدونة

بس ما كنتش عارفة اشخبط من فترة فاعذروني

لو طلعت شخبطتي مجرد كلام فاضي ..

شيء صعب اوي لما يكونو اللي حواليك مستنين

منك حاجة هما لازم يساعدوك فيها عشان تلاقيها

قد ايه و قتها بتحس انك بجد لوحدك ..

******

السوبر ماركت شكله اتأمر عليا مع ماما

في الظروف المكلكعة و التحديات دي و مش

لاقية اللي دايما بتسندي في الاوقات الصعبة

.. وحشتني يا ليندتي ..

******

يالهووووي رقبة منى زكي اتباست في الفيلم

الله يهديكي يامنى مش كنتي تخلي الراجل

يبوس كتفك اهو الكتف من الرقبة برضو

و بلاها الثورة المنية دي اللي قامت على غفلة

و قال الشات بيقول انها فضلت تقنع في

احمد حلمي عشان يحضر العرض الرئيسي

و تقوله : يا احمد مايصحش كدة لازم تحضر يا احمد

قام قالها : لا يامنى ما اقدرش ما اقدرش .

و هي تقوله : بليز يا احمد عشان خاطري يا احمد

و هو يقولها : اعذرني يا منى بس ما اقدرش ما اقدرش

( على فكرة شات مزيكا و زوم بيكتب كدة

ب قالها و قالتله )

******

بقالي فترة مش لاقياني لدرجة اني واحشاني

يارب اقابلني قريب ..

******

مسلسل اسوار الجزء التاني

رغم انه احداثه قضايا من الواقع و الصحف و

المحاكم الا انه كالعادة الوقت الي المفروض

نلتفت للمشاكل دي و نحلها قبل ماتكبر حيضيع

في سب وشتم و تهزئ المسلسل لاننا مجمتع

الازمة لازم المشكلة تصير مصيبة وظاهرة عشان

نحلها غير كدة لا دي مبالغة و احنا ماعندنا كدة ..

******

في كلمتين بجد محشورين في زوري لاهما نصيحة

ولا نقاش و لا اقناع ولا غيره

كتير بيقولو المثلين انه دي طبيعتهم اللي ربنا خلقهم

بيها و اننا بنفسر الدين غلط من الناحية دي

طيب الله ما شافوه بالعقل عرفوه يعني لما يبقى

فعل من فداحتة يتهزله عرش الرحمن و لما يبقى

فعل يخلي صاحبه من الناس اللي لاينظر الله لهم

و لما يكون فعل يتبعث نبي لقوم بس عشان يردهم

و ينهاهم عنه و يعذبو و يهلكو بسبب اصرارهم عليه

يبقى دي مش طبيعة من ربنا معلش ده ذنب و انت

عاصي زيك زي تارك الصلاة و الكذاب و غيره

و زي اي بشر مننا بيغلط ويعصي و بلاش مكابرة

اصل ربنا ما بيظلمش حد لو المثلية طبيعة في بعض

البشر ماكانش اهلك قوم بحالهم عليها دي قناعتي ..

و بخصوص النقطة دي يعني لو حد مع المثلية او

مثلي و شافها ما يحاولش يناقشها معايا و يحاورني

فيها توفير و احترام للوقت الي هيقعد يكتب فيه

و الكلام نفسه للي ناوي بس يشتم فيهم ..

******

البنات البنات الطف الكائنات

بقى مشكوك في الجملة دي بصراحة دلوقت

اللي مش مصدق يروح يزور عم يوتوب و يقوله

و النبي حتة خناقة بنات لو سمحت ..

******

مازلت مصرة و مقتنعة رغم موجه المسكنة

بين الذكور و انتشار خبث الاناث تظل الانثى هي

المتربعة على عرش الوفاء و التضحية و الاخلاص

و الصدق و الحب و الاحتواء و كل حاجة حلوة ..

بنت من البنات ..

قلب البنات زي صندوق فولاذ مفتاحه الماس

كتييير افتكرو انهم يملكو المفتاح و يعرفو قلوب

البنات بس قليل منهم اللي عرفوها بجد ..

و جوه قلوب البنات حكايات و اسرار و احلام

واحدة حلمها تطلع دكتورة و واحدة حلمها تكون

مهندسة و واحدة تحب تكون شخصية قيادية او

شخصية مهمة و مؤئرة و واحدة ممثلة و ....

و كل بنت و حلمها ..

هي بقى حلمها تتزوج و تخلف و تربي بس في البداية

زي كتير استغربتها و حسيتها تافهة و سطحية و

تفكيرها ضيق هو ده اخرها بس زواج وخلفة و

خلاص هو ده طموحها ..

بس لما قربت بجد وعرفتها لقيتها زي اي وحدة بتشتغل

وتتعب لحلمها ده بيهمها اوي شخصية الرجل المناسب

و بتفكر فيه بجدية بيهمها اوي تفهم يعني ايه زواج

و ايه المترتب عليه و ايه مسؤولياته وواجباته

بيهمها تفهم يعني ايه ام و بتهتم اوي بطرق التربية

و تحاول تفهم عقلية الطفل في جميع المراحل

يهمها تجمع الكتب و تسمع الخبراء و هما بيتكلمو

عن الزواج و التربية و تدون ملاحظتهم و تفهمها

بتركز جدا مع صديقاتها المتزوجات و تشوف اخطائهم

عشان تعرف تستفيد بكرة منها و تتفادها في حياتها

تقريبا رسمت زي خطة بسيطة مبدئية تحاول تساعدها

انها تنجح في حياتها و تعرف تديرها بشكل كويس ..

يعني زيها زي اي بنت بتتعب لحلمها مش تافهة وقاعدة

مستنية العريس و عايزة فرحها ازاي و مكياجها لون ايه

و شهر العسل مش عارفة فين .. لا بتتعلم و بتتعب و بتفهم

و بتدور في كل حاجة تخص حلمها عشان تبنيه صح

وقت ما تيجي الفرصة المناسبة ليه ..

احنا للاسف اتعودنا نظلم البنت اللي طموحها الزواج

لانه حلمها قديم اوي و تقليدي و بنساوي كل صحبات

الرغبة دي و الحلم ده ..

اللي كنت بشوفها سطحية دي علمتني انه حتى في الحلم

التقليدي ده في ناس بتشتغله و تتعب له و تبني فيه

عملتني ماحكمش على غيري قبل ما افهمه كويس

و علمتني اني مهما يكون حلم غيري تافه في نظري

احترمه واحترم اهميته بالنسبة له و تعبه عليه ..