دقات الشتاء ..

في مدنتي لا يوجد شتاء حقيقي كباقي المدن .. لذا ..

يستخف البعض بي و قد يسخرون ايضا مني عندما اتحدث عنه

بكل هذة الفرحة و الحب و كأني اعيشه حقا .. و لكن ..

لايعلم هؤلاء اني في داخلي اضحك من استخفافهم و سخريتهم ..

نعم في مدينتي لايوجد شتاء كما شتاء مدنهم لكني اعرف معنى

الشتاء و اعيشه و انتظره كل سنة واسمع دقته الابواب 

فأنا شتائي مختلف .. 

هم يحتاجون لهواء شديد البرودة ليداعب شعورهم و يحتمون

منه داخل اثقل الثياب ليشعرو بالشتاء .. هم يحتاجون لامطار

, بروق و رعود ليعملو قدوم الشتاء  .. هم يحتاجون و يحتاجون

الكثير من العلامات لقدوم الشتاء اما انا .. فـ لا .. لأن شتائي مختلف

شتائي استشعره في مشاعري ,  في احداثيي , في تصرفاتي 

حتى في دفئ اشعة الشمس و غياب نسمات الهواء .. لذا .. 

لااهتم لكلماتهم و تباهيهم بشتاء مدنهم فهم يملكون مظاهر الشتاء

اما انا فأملك روح الشتاء لهذا شتائي اجمل من اي شتاء

فمرحبا بقدومك يا شتائي الجميل  , مرحبا برومانسيتك

بحنانك , بدفئك و ببديع جمالك  ..

حالات ...

- 1 -

حالة خرس 

بس الغريب فيها انه مالها سبب يعني ماهي نتيجة 

حزن او وحدة او اكتئاب او اي من الاحاسيس المؤدية لحالة خرس

غالبا بالعكس تمام بتكون وقت حدوثها رايق و مرتاح و منتهى الهدوء

و مستقر في مشاعرك جدا بس عندك حالة خرس اصبح بيها الكلام

شي تقيييل ومرررهق و غبي جدااااااا ..

- 2 -

حالة يقين

( بعد مشيئة الله عزوجل من غير تآلي عليه ولا على غيبه )

بحدوث شيء ما و بتكون كل حاجة في حياتك بتتغير 180ْ

و عارف و عندك يقين بسبب التغيرات دي و انها مقدمة لحدوث

شيء ما انت راغب في حصوله جداا و متيقن انه هيحصل 

زي ماتحب وتتمنى وحدوثه هيكون مثالي يعني كما يحب ان يكون

و بأدق التفاصيل بس المشكلة انه اليقين القوى ده متعارض 

مع التفكير و المنطق عندك يعني الشيء ده هيحصل هيحصل

بس كيف ؟ ومتى ؟ وفين ؟ وصعب الحكاية محتاجة وقت 

و الوقت المتبقي قصير جدا لحصول ده كله بس رغم كل ده

اليقين داخلك اقوى كتييرمن كل الاسئلة دي ..

- 3 -

حالة نهم

للشوكولاتة :)) و للاسف كل ما كانت مضرة و مليانة

اضافات و حشوات نوجا , جوز, لوز , بندق , زبيب

او اي حشوات يكون افضل و اجمل و اريح 

و المصيبة زيادة لما تكون حالة النهم دي في الوقت

اللي انت متوقف فيه عن الجيم و الرياضة  :(((( ...

اضحى مبارك ...

الصورة عشان تضمن لي ابتسامتكم و انتو بتقرو البوست :)

عيدكم مبارك و عساكم من عوادة يارب

و اضحى سعيد عليكم جميعا و على كل من يعز عليكم

و على جميع المسلمين في كل مكان في العالم  يارب ..

و الله يكون في عون الخرفان المساكين :(

زهرة ال Lily ياسمين ...

هي واحدة من اجمل الناس اللي عرفتهم في حياتي

و من القلائل اللي تركو بصمة في داخلي عمرها ما تتمحي ..

بنت مصرية حرة ذكية , جدية , مرحة و رومانسية 

رغم انكارها ده دايما :))

واحدة من الناس اللي بسمي شخصيتهم السهل الممتنع تحس انك

قريب منها وتعرفها حتى لو انت ماتعرفهاش ..

انا فكرت كتيير قبل ما اعمل البوست لاني مش عايزاه يتفهم مجاملة

او نفاق او اي حاجة من دي بس في الاخر قررت اعمله

لانه حجم معزتك عندي غلب خوفي من اي طريقة 

ممكن يتفهم بيها البوست و اقولك :

الف مبروووك يا لي لي ( زي ما اتعودت اسميكي )

سعيدة انك لقيتي الانسان اللي يحبك زي ما كنتي تتمني كطفلة

سعيدة اووي انه ظهر في حياتك الحب اللي يغلب فكرتك عن 

انعدام الحب كما تتمنيه و استحالة وجود الرجل اللي في خيالك 

سعيدة انه الرجل ده ظهر وغلبك وغلب قلبك وقرارك القديم 

بعدم الزواج بجد انا سعيدة اوووي ليكي فوق ما تتخيلي والله ..

الله يحميكم يارب من كل سوء ويباركلكم في بعض

و يتمم لكو فرحتكم على خير يارب 

و يجعل الالفة و المحبة ملازمتكم ويرزقكم الذرية الصالحة

ان شاء الله 

و برضو مش هنسى محمد قباري اكيد و بقولك :

الف مبروووك ياعريس و ربنا يباركلك فيها

و بجد مبسوطة اووي انك عرفت تكسب قلب بنوتة جميلة زي

لي لي

و ابقى جبلها عروسة المولد لو لسه ما جبتلهاش هي :))

( هي تشرحلك بقى لو كانت لسه فاكرة )

بجد الف مبروووووك ياجماعة

......

في الحياة خياران :

اما ان نحيا الحياة و اما ان نموت في الحياة

و انا لم اعد اجد بعد كل تلك الوقفات على حياتي

ما يستحق او حتى من يستحق ان اموت في الحياة 

لذا قررت و بإصرار اني

.. سأحياها ..

قمة الفوضى ....

اعتُدني صلبة , قوية , متماسكة و قادرة على ادراة حياتي

اما الآن فـ انا كليا مشوشةُ حائرة الفكر و الاحساس

فأي فوضى مفجِأة تلك التي اثارها رحيلك :

بين قلقي عليك ولا مبالاتي .. بين غضبي منك و عذري لك 

بين شوقي وابتعادي .. بين رغبتي في السؤال واعراضي عنك 

بين حرارة لهفتي و برودي .. بين كبريائي و احتياجي لك 

  و بين وبين و بين ...

خلقت فوضى رحيلك صراع و معركة ممتدة بغير اجل

و اعصاير محنونة و زوابع غاضبة اين لي انا ارتاح 

و انا اعجز حتى عن استبصار ضوء نهايتها و هدوئها .. 

اما اعظم و اعتى هذا كله فهي عاصفة هوجاء اطلقت بكل

قوتها ما بين :

.. احبك و انساك ..

جهلة ....

لما قال القس الامريكي اياه انه هيحرق المصحف 

حسيت بإهانة و انه ده لو تم بجد رغم انه ما فيش بإيدي حاجة 

هحس اني ماستاهلش نعمة الاسلام اللي ربنا كرمني و فضل 

عليا بيها و تراجع القس ..

بس لقيت انه فيه غيره قامو فعلا بحرق المصحف 

اول ما سمعت الخبر فعلا زعلت و اتعصبت بعدها

سبحان الله اشفقت على من قام بهذا الفعل

اشفاقي على كلب عاجز مبتور الاقدام و تايه في مقلب زبالة 

و في ممرالعربيات و عايش في حالة خوف هستيرية ياترى

العربية الجاية هتدوسه ولا لا..

مش عارفة جالي التشبية ده ازاي بس فعلا ده 

اللي حسيته ناحية اللي حرقو المصحف مساكين لو

عرفو باللي فيه كان ندمو لمجرد الفكرة

لكن من يدري لعل الله يهديهم للاسلام 

و بجد ساعتها هيندمو ندم ماندموش بشر

اشراقة امل ...

 رغم اللي انا فيه و كل الوجع و الالم و الاحباط اللي عندي

لما بجيلك بحس بامل .. بحس بدفا .. بحسك بتصبريني

بسمعك بتكلميني .. بتحسسيني انه لسه الفرح جاي

و انه كل ده كابوس و لحظة الم هتنتهي اقرب مما اتخيل

كأن رغم لونك الاسود جواكي اشراقة امل ساطعة

و حلوة بتملاني اول ما اجيلك ربنا يديمها عليا

و يارب ارجعلك زي زمان تاني

عيدكم مبارك ...

كل سنة وانتو سالمين و بخير و سعادة يارب

و تقبل الله ان شاء الله صيامكم و قيامكم

و جعلكم من الفايزين في الشهر الكريم يارب

كل عام و انتو بخير 

**********

عيدت على الكل القريب و البعيد و اللي اعرفه و اللي اجهله

قلت عسى كثر معايداتي تسد و تخليني انسى و اصد

ولكن  خاب ظني .. 

كل سنة وانت طيب و عسى ايامك كلها فرحة

و سنينك كلها اعياد يارب

......

الصمت ابلغ من الكلام .. الصمت لغة العظماء

السكوت من ذهب .. الصمت ابلغ اللغات

يبدو لي اليوم انا اصحاب هذة الحكم صمتهم كان رغبة

و اقتناع بل و استمتاع و لم يكن صمتاً اجبرهم عليه بركان

من الكلام يتفجر في دواخلهم و لكنه يخشي على من حوله

اذى و مضار حمم انفجار هذا البركان ....

حصريات رمضان ...

المشهد الاول

- وصلتي لحد فين في قراءة القرآن؟

- انا لسه يادوب في الرابع 

- بزهو و افختار : انا بقى في السابع ..

- ماشاء الله سورة ايه ؟

- ها .. اظن النساء !!..

( حلوة المنافسة و التسابق بس لو بتركيز احلى )

********

المشهد الثاني

- احد المساجد في صلاة التراويح 

( الحمدلله رب العالمين , الرحمن الرحيم 

, مالك يوم الدين , ...السورة )

- احد الشباب في سيارته المكيفة الفارهة باعلى صوت

و بحبك وحشتيني .. بحب وانتي نور عيني

.. ده وانتي مطلعة ........

( في ناس مش بفهم هما بشر ولا بهايم )

********

المشهد الثالث

اثناء صلاة التروايح افكار مجموعة من الاخوات

- اخ رجلي تعبت من الوقفة امتى الصلاة تخلص ..

- طول الامام شكله باب الحارة هتبدأ وهو ماخلص ..

- ياترى هلحق البلوزة اللي شوفتها امس في المحل ولا ؟..

- الواحد تقل بعد الاكل ياريتني صليت ركعتين في البيت و نمت ..

( المصدر الحوار اللي دار بينهم بعد انتهاء الصلاة )

********

المشهد الرابع

قبل الفطور

- المول اليوم في حاجات طعمة ..

- بس يا اخي الواحد صايم ناخد غرضنا ونمشي..

بعد الفطور

- شايف الحاجة الطعمة اللي ماشية ؟

- ها طيب ترقمها انت ولا انا ..

( اللهم لك صمت وعلى رزقك افطرت .. 

خلصنا صيام اليوم والحمدلله )

********

المشهد الخامس

زحمة سير

- يا ابن ......... حرك ارجع يمين شوية ..

- يا ............. الطريق مسدود انت اعمى 

- اعمى في عينك يا ..........

- اصلا الحق عليا اللي اكلم ........... زيك

- اللهم اني صائم

- اللهم اني صائم

 ( الحمدلله على حسن الصيام )

**********

المشهد السادس

قبل الافطار

- بس ده اللي طبختوه فخدة ومكرونة و فراخ و حمام و ملوخية

و كفتة و كنافة و قطايف و خشاف و عصير بسسسسسس

انتو ناوين تموتونا جوع الواحد صايم وجيعان ..

( يعني ايه صيام رمضان؟؟؟؟ )

********

المشهد السابع

- انا عطشانة 

- خلاص هانت باقي ساعة

- هموت من الحر و العطش

- خلاص اصبري كلها شوية ونخلص

- اوف متى يأدن جعت

- خلاص باقي نص ساعة

- يوووه هستنى كل ده ايه الغلب ده 

( ياترى بناخد على ايه وازاي اجر الصيام )

********

وكفاية كدة خلاص لأني غير منزهة عن بعض 

ما ذُكر فوق و ما لم يسعف الوقت لذكره

و اعاننا الله على حسن الصيام و القيام الحق