حاسة بقلبك لسه هو ليها
لسه بيتمنها زي زمان و متحسر اوي عليها
بقيت خايفة اعتبر نفسي حبيبتك .. خايفة اقولك
يا حبيبي بحبك .. خايفة اكون بدي لنفسي مكان كبير
و مقام عالي عندك ويطلع انه وهم ومش ليا
عارفة انك بتحبني و عارفة اني غالية و ليا مكانتي
عندك .. بس نفسي ارجع و اثقة زي زمان
نفسي ابطل احس انك ليها مش ليا .. انك بتحبها
و بتحاول تنسها بيا..
في يوم هتقرا كلامي و عارفة انك هتزعل و عليا هتعتب
بس غصب عني ده اللي بجد حاسة بيه و بخبي عليك
ده اللي دلوقت بعيش بيه بس خايفة ازعلك
و خايفة باوهامي اشغلك واقلقك..
بس نفسي ارجع زي زمان لما كنت دايما معايا و تكلمني
لما اول ما تشتاقلي تبعتلي .. لما كنت بتفكر فيا و ببقى حاسة
و عارفة .. لما اول ما بتزعل بتجري عليا و تشكيلي
و لما انا ازعل تحايل فيا و تراضني زعلانة لاني
نفسي ارجع الاقيك في كل لحظة احتاجلك في وقت خوفي و
فرحتي في وقت حزني ودمعتي نفسي ارجع زي زمان دلوعتك
مش انا بندقتك بجد وحشني اني ابقى بندقتك ..
تعبت من احساسي بقلبك وهو بعيد .. تعبت وانا حاسة
اني اخر حد بيجي على بالك و اخر حد في قايمتك
عايزة ترجع تحسسني باللحظة والثانية اللي بتشتاقلي
فيها و بتفكر فيا ..
تعبت من احساسي اني لسه خصم ليها عليك .. انها لسه شريكة ليا
في حبك .. انها لسه ساكنة معايا جوا قلبك ..
حاسة انها لسه في قلبك و جواك .. حاسة انها اللي بتسهرلها لياليك
جرحني نسيانك عيد ميلادي و عارفة انك عيدها مش ناسيه
جايز اكون في كلامي اللي سبق ظلمتك بس اللي جي صدقني
هتلاقي انه بجد حقيقة ..
هي حبيبتك حب عمرك و يمكن ده اللي مخليني استحمل لان
حب العمر معاك عرفته ..عرفت يعني ايه حد يبقى حب عمرك
سكت لما حسيتك حب عمري وقتها فهمت
عرفت ازاي انت بتحبها لاني زي حبك ليها بحبك
عرفت ازاي بتشتاقلها لانه نفس الشوق و الله بشتاقلك
عرفت ازاي بتتمنها لاني زي كدة بتمناك .. عرفت ازاي متحسر
عليها لانك لو ضعت مني قد كدة هتحسر عليك
عرفت ازاي لو بإيدك تخلي الزمن يرجعها ليك لاني عايزة
اوقف الزمن وافضل جمبك وعايشة ليك ..
بس ياحب العمرانا تعبت ووالله مش غرور بس حاول انك على
قد ماتقدر تبقى ليا و ما تضعنيش لاني بحبك اكتر من حبك ليها
انت نور عمري و قلبي اكتر ما كنت بتحاول تنور لياليها
نفسي اوعدك اني استحمل استنى تحبني اكتر من حبك ليها
بس خايفة استسلم وابعد واسيبك عايش بيها
هناك 10 تعليقات:
يااااااااااه ياريم بجد مش عارف اقولك ايه ... اصلى بصراحة من انصار الحب الاول ولو قلت حاجة غير كده يبقى انا بنافقك ... انا خايف يكون كلامى صادم بالنسبة ليكى ... بس اللى اقدر اقولهولك انه لو فعلا بيحبك يبقى مكانش بيحبها ... ولو كان بيحبها ... يبقى ممكن يكون بيحبك ... بس فى اول فرصة هيضحى بالحب ده
ولو ده الحب الاول بالنسبة ليكى ... يبقى انتى كده وقعتى فى اللى كل انسان بيخاف منه
وعلى راى عبدالوهاب "بفكر فى اللى ناسينى وبنسى اللى فاكرنى" اسمعيها هتعجبك
تحياااااااتى
بص هو ردك لا صادمني ولا حاجة هو حقيقة
انا عارفها هو فعلا بيبحني و انا
متأكدة بس لسه بيبحها بس انه يضحي
بالحب ده مش فاهمة قصدك هو هيضحي بيه
ليه؟
اذا قصدك بسببها او انه يخدع او
يغدر فدي مستحيل انا واثقة منه
في دي مش عشان بحبه لا عشان هو في كل
مواقف الحياة راجل بجد في اخلاقه راجل
في تصرفاته راجل حتى في هزاره راجل
حتى في غيرته و خوفه عليا راجل
و الراجل لايمكن يخدع او يغدر
عشان كدة انا مطمنة من الناحية دي
و فعلا واثقة فيه و ناوية اكمل معاه
مهما كان المشوار صعب لانه البنت
قبل ما تدور على راجل يحبها بتدور
فيه على الراجل اللي يحميها
و الشخص ده فعلا جات كذا فرصةو سبب
تخليه يضحي بالحب ده و هو فضل شاريه
هو ممكن لو قرا الكلام ده يزعل
و يمكن وانا بكتبه خايفة اليوم اللي
يقراه اخسره بس لازم اتكلم تعبت
و ماليش حد افضفضله ومكان اتكلم غير
هنا مع مدونتي اللي بقت صحبتي الوحيدة
تاعبني احساسي بحبه ليها
لاني دلوقت عارفة هو ازاي لاني بحبه
زي حبه ليها و يمكن اكتر بس والله غصب
عنه مش بإيده انا عذراه دي حب عمره
عارف يعني ايه حب عمره ازاي ينسها
سيبك من الكلام الي اتكتب ده مجرد
فضفضة مش اكتر
على فكرة هو مش اول حب في حياتي
بس والله اقوى حب لانه حب عمري بجد
ربنا يوفقكوا مع بعض يارب ... وان شاء الله مش هيزعل ولا حاجة لو قرا الكلام ده ... ده بالعكس هيتاكد بمدى حبك ليه وتمسكك بالحب ده ...
يارب
و بشكرك اوي على تشريف البوست بتاعي
بتعليقك
انا مش قادره اوصفلك انا اتاثرت اد ايه بكلامك ده ياريم .. !!!
حسيت اد ايه احساس صعب من كلامك
وحاسه اد ايه مش بالسهوله كدا الانسان يقدر يريح نفسه
بس عموما اطمنى
الراجل بالذات ممكن يحب اكتر من مره حب حقيقى وبنفس القوه
ودى حقيقه انا واثقه منها
دا غير انو فى حقيقه تانيه غايبه عننا وهى ان مش كل تجربه اولى فى حياتنا بالضروره هى الحب الاول او حب العمر ذى ما بتقولى
ممكن جدا تكونى انتى الحب الاول ع الرغم من انك مش اول واحده فى حياته .. !
مرسي لردك يا امولة
على فكرة انا مش زعلانة منه ولا اقصد
بكلامي انه مش صادق ومش بيحبني شكلي مش عارفة اوصلكو الفكرة
لانه احساس اكتر من انه كلام احساس صعب
مجرد الكلمات البسيطة دي توصلو
بجد مبسوطة من تعليقك بس هو الله انسان
اكتر من رائع وبيحبني اوي
كنت زمان بكدب مقولة الكاتب الكبير يوسف السباعي :
( في حياة كل منا وهم كبير اسمه الحب الاول )
كنت بكدبها زمان وبقول ان اول حب حيبقى اقوى واخر واشد حب
لكن الي بيحصل ان كل مرة تحب فيها كل ماحتحس ان الحب دة اقوى حب عدى عليك
وممكن ماتفتكرش اول حب ليك خالص
خصوصا لو كان صعب ومتعب واتعذبت منه
او حتى لو كان جميل بكل تفاصيله
بحييكي على موضوعك يازيتو ياجميلة
انا هبة هوبا لو فاكراني
بجد وحشاني قوي وبتمنى نتجمع ونتقابل على خير يارب :)
هبوشتي اكيد عرفتك وفاكراكي ياقمر
سعيدة اوي اوي بزيارتك لمدونتي
انا هضيف مدونتك عندي
ربنا يعينك ويقدرك ع اللى انتى فيه
انا حاسس باللى انتى فيه
اسعدتنى زيارتى الاولى لمدونتك
يسعدنى تبادل الروابط معاكى
إرسال تعليق