افتكر ايام ما شوفت لهفة الامريكان على المسلسل
ده قبل ما ينعرض عندنا استغربت في ايه
المسلسل ده عشان يعمل فيهم كدة ؟!
ايه اللهفة دي و الاقبال عليه ؟!
و دلوقت فهمت ..
Grey's Anatomy
المسلسل اللي ماما شايفاه مجرد دكاترة مجانين
في مستشفى و مرضى اجن و دايما بتسألني
انتي ليه تحبي المسلسل ده كدة و تتفرجي حتى
الاعادة ؟!
المسلسل اللي بحب اتفرجه لوحدي و اكره حد
يكون معايا عشان ادمع او اعيط برحاتي في
بعض الحلقات او المشاهد بتاعته ..
المسلسل ده عندي مش حكاية مستشفى و
دكاترة و مرضى في فيلم ظريف بتابعه
دي مستشفى بجد لقيتها مراية ليا و لروحي
حكايات ناسها قد ايه بتحكيني قدا ايه
بلاقي فيهم نفسي اللي بتواجهني بصراحة
نفسي اللي بتفوقني و بتوريني الحقايق
من غير تزيفي انا ليها وبتحط قدامي
حاجات و وقائع بحاول اهرب منها ..
المستشفى دي و دكاترها دايما بيجرحوني
مع انه الطبيعي عندهم الدوا بس جرحهم
ليه هو الدوا فعلا لكتير من اللي جوايا
حاجات كتير كانت محيراني و حاجات اكتر
ما كنتش فاهماها بس ببساطة عبارات و صراحة
كلمات لقيتها في المسلسل ده حكتلي كل حاجة
عني و واجهتني بامور كتير في حياتي
و رتني النتايج و سابتلي الاختار ..
Grey's Anatomy
من السخافة اني الاقي حياتي و مصيري
و اختيارتي و نتايجها و حيرتي و حلها و المي
و جرحى و كل احساس فيا في مستشفى مسلسل بقت
هي مراية روحي بمعنى الكلمة لا والاقي احدى
شخصيتها بكل تفاصيلها انا ..
بجد سخافة بس سخافة بتوجعني اوي ..
هناك 8 تعليقات:
معتبراها سخافة ليه؟؟
هو مراية لكل الاحاسيس الانسانية و عشان كدة ناجح
انا كمان بعشقه و لما كان بيعرضوه يوم السبت لاساعة عشرة كنت بلغي اي حاااجة و اتسمر قدام التلفزيون لحد ما يخلص و من فترة طوييييييلة معملتش كدة عشان اي حاجة على التلفزيون
المسلسل مكتوب بشكل انسناني راااااائع و يحرك مشاعر اي حد و بيحكي عن كل حد
و بعدين معموله حملة تسويقية 100 100 تشد اي حد و تخليه يتابع و يستنى و يحس كمان باحاسيس الناس اللي فيه
متقوليش سخافة عشان مش معقول ملاين من عشاق المسلسل دة سخفاء
طيب بس ما تزعليش يا لنون حاساك متعصبة اويو انتي بتردي
هو بس كنت فاكراني عارفة نفسي او اني هلاقي نفسي في حاجة اكبر من كدة فحسيت انه سخافة الاقي نفسي في الاخر في مسلسل
مش المعنى انه اللي بيتفرجوه سخفاء خالص
و اهم هونوها عليكي ياستي بقى كل اربعاء الساعة 11
هو حلو كدة ؟
طيب اجرب اشوفه بقي وبعدين احكم سخافة ام لا
تحياتي
هو مش المسلسل الي سخيف بالعكس ده رائع
بس السخافة دي جات من احساس عندي انا
انا مش متعصبة يا حبيبتي و انا فاهمة قصدك
انا بس مش عايزاكي تقولي على نفسك سخيفة او انها سخافة انك تلاقي نفسك فمسلسل
لانك ساعات ممكن تلاقي نفسك فكلمة
انا اسفة لو كان ردي حاد مكنتش اقصد غير اني مش عايزاكي تقولي على نفسك كدة لانك من حقك تلاقي نفسك في اي حاجة بتعبر عنك
والله مش زعلانة انا كنت بس بهزر معاكي حسيتك منفعلة شوية في الرد
زعل ايه بس اللي هيجيبه مدونات
و فكرتك وصلت ياقمر
مش عارفة ليه ما قدرتش اتابع المسلس دا..يمكن لان الكام حلقة اللى شوفتهم كان فيهم كام مشهد فكرونى بحاجات فى حياتى مش عايزة افتكرها..اشخاص و انفعالات و مواقف..خصوصا مع ميريديث و علاقتها باللى حواليها
و اللى فكراه من المسلسل الكام حلقة بتوع الدكتورة اللى شعرها اصفر اللى انا مش فاكرة اسمها كان ايه و قصة الحب اللى كانت بينها و بين المريض اللى كان متوقع انه يموت فى اى لحظة..و فاكرة كويس المشهد اللى كان بينهم لما طلب منها تشيله الاجهزة عشان يرتاح..الحوار كان قمة فى الروعة..صعب اوى ان حد يلاقى حب بالشكل دا و يكون عارف انه هينتهى نهاية ماساوية و يصر فى نفس الوقت انه يستمتع بكل ثانية فاضلة مع البنى ادم اللى اختاره
مش عارفة لو كنت بتابع المسلسل كنت رغيت اكتر من كده ايه :D
انت شوفتي الموسم اللي فات على كدة
يمكن ده اكتر موسم مليان حكايات و انفعالات
و احاسيس تلمس بطريقة تخوف بس رغم اني زيك المسلسل ده بيفوق فيا حاجات
ساعات مش عايزها تفوق الا اني مش قادرة ابطل متابعة ليه
إرسال تعليق