الصورة كفاية اوي توصل الموضوع اللي
مستفزني و حارق دمي وعايزة اتكلم عنه ..
كان نفسي مدونتي تبقى اكبر و بيطلع عليها
شريحة من الآباء اللي من النوع ده لاني
نفسي اقوله كلمتين يمكن تهمه ..
مثل حاجة الابن في الدنيا لرضى الاب
الاب كمان احوج لدعاء الابن وهو تحت القبر ..
هناك 18 تعليقًا:
لسه داخلة اقولك ايه الغيبة دى كلها :)
اول ما شوفت الصورة افتكرت منظر عمرى ما هنساه..ام ماسكة ابنها الصغير فى ماكدونالدز و عمالة تضربه جامد لدرجة انى كنت سامعة صوت كل ضربة من مكانى و السبب انه بياكل كتير و هى عايزاه يخس..الغريب بقى انها اتخن منه بتلت او اربع مرات على الاقل
بجد انا مش فاهمة اللى مش قد انها تخلف و تتحمل مسؤولية تربية اطفال بكل ما فيها من ارهاق و زهق و تعب و اجهاد رهيب عشان تكون دايما قدوة ليهم و كبيرة فى نظرهم..كانت بتتجوز ليه من الاول و تفتح بيت..و نفس الحكاية على الاب..حاجة توجع القلب بجد
http://dejavupress.blogspot.com/2009/03/148.html
شوفي البوست دة عند ديجافو
ربنا يقدرنا نعامل اولادنا لو بقى لينا اولاد كويس
سلام عليكِ
لي لي
هي غيبة غصب عني والله الاول نفدت الافكار و تاني حاجة عندي برد فمش بعمل شيء غير النوم
الزواج دلوقت مظهر اجتماعي و الخلفة واجب اجتماعي مش مهم بقى مستعدين ولا لا عايزين و لا لا المهم هيا بنا نخلف
عارفة ليه اخترت الصورة دي لانه فعلا مافيا في الكلام اصل لو هسرد كمية القصص اللي شوفتها و سمعتها و قريت عنها في الموضوع ده البوست مش هيخلص و لقيت الصورة ولخصت فعلا اللي عايزة اقول لو الاهل مش قادرين يبقو زي البشر على الاقل يبقو زي الحيوانات في رحمتها بولادها
نعكشة
انا قريت البوست بس مافهمتش العلاقة بين الموضوعين لكن يمكن قصدك الفيلم نفسه بس مش بيجمع معايا دلوقت هبقى اشوفه ان شاء الله
و انا بقول في دعائك امين يارب
ربنا يهدى
وانتى لخصتى الموضوع فى كلمتين
"الاب كمان احوج لدعاء الابن وهو تحت القبر .."
"وولد صالح يدعو له "
هوه الفيلم نفسة
الاب قتل بنته
و كان بيعاملها وحش
لما تشوفي الفيلم هتعرفي قصدي
والله الكلمتين دول من الأخر
انسان وبس
ميرسي اوي على التعليق
نعكشة
اه مانا لما الفيديو مش بيفتح معايا دورت على قصة الفيلم وفريتها و فهمت قصدك فعلا شيء مؤسف و يكسف نماذج الاباء دول
blue_wave
متشكرة اوي لحضرتك على التعليق
في مثل بيقول
Those who criticize our generation forget who raised it
كتير بيبقى سبب قسوة الاولاد على اهاليهم نتيجة غلط من الاهالي دول نفسهم في تربية ابنائهم
وزي ما في حق للاباء على الابناء زي ما بردو في حق للابناء على الاباء
على الاقل يعينيهم على برهم وما يخلوش الموضوع صعب عليهم
دا ابسط شيئ يعني
في فعلا اباء وامهات ما يستاهلوش النعمة اللي بين ايديهم سبحان الله
فنون
عندك حق هو اكيد مش مبرر لقسوة الابن بس كلامك صح لانه الابن في الاخر بشر و هيتأثر بمعاملة اهله
بس بحس انه عندنا بتتغيب كتيير حقوق الابناء و بيبقى التركيز كله لحقوق الاباء اللي للاسف زي ما قولتي منهم اللي مش بيستاهلو النعمة دي
شوفي اللي بيزرع نبته في الارض لو زرعها عوجه هتطلع عوجه وهو بس اللي هيجني محصولها
واللي برده هيزرعها سليمه وعدله هتبقى ليه في الاخر
يعني كل ماهتربي عيالك تربية صح هيلاقي نتاج التربية دي ... عاقه هتكون عاقه عليك وعليهم
الصورة اللي حاطها دي مثال من امثلة كتيرة في المجتمع وللأسف الاباء بمعاملتهم دي بيرسبوا في اولادهم حاجات وعقد كتير مبتظرهش الا لما يكبروا
من عدم ثقه في النفس
والخوف
وتقليل من الذات ..
وفي الاخر بتلاقي انسان ضعيف بيعافر مع الدنيا بالعافية
روميا
كلامك عين العقل بس تقنعي مين الناس دي المشكلة بيبقو مقتنعين اوي باسلوب تربيتهم ده و انه الصح و بيطلع راجل و .. الخ
و بعد فوات الاوان بيفهو انهم طلعو معقد مش بس ليهم لا ده للمجتمع كله
السلام عليكم
.
.
اول مره عندك
.
.
.
.
.
الموضوع ده مهم جدا جدا بس انا عندى رأى مختلف شويه
انا اعتقد ان الاب عمره ما بيكرهه ابنه لانه مش هو اللى بيقرر انه يحبه او لا دى حاجه ربنا خلقها فى (ام قلبه
من الداخل) اما بقه بالنسه لانه بيضرب او بيعامل بقسوه فأكيد اكيد هو مقتنع انه الطريقه دى اسلم طريقه يخلى ابنه فيها صح او الشىء اللى فى دماغه
يعنى بإختصار انا كنت زمان بتعامل المعامله دى تقريبا لكن عمرى فى يوم ما حسيت بأدنى احساس ان بابا مش بيحبنى او اللى بيعمله ده غلط
لان بابا هيفضل طول عمره بابا
وهفضل انا طول عمرى ابنه اللى بيحبه مهما عمل
.
.
.
انا مررت من هنا
اولا اهلا في اول زيارة وان شاء الله تتكرر
بس مش متفقة معاك خالص لا في شواذ ممكن يكرهو ولادهم ممكن في اباء شافين الشدة اسلوب التربية الصح و دول حتى بوجه نظرهم مش بيعدو الضرب البسيط و غلظة الكلام بس لما توصل بأب يعلق ابن في مروحة و لا يسلسله او يربطه بحبل او يكويه بنار و ما شابه و يضرب بنت عندها سنتين يبقى ده عمره ما كان حب ولا اسلوب تربية خالص ده اجرام
هى دى الخلاصه1!
كيكتي واحشاني
منوراني ياقمر ابقي تعالي كتير
بس بعد ماتخلصي امتحانات و مذاكرة
عشان ماخدش يقول بحرضك على ترك
المذاكرة
إرسال تعليق