......

في الحياة خياران :

اما ان نحيا الحياة و اما ان نموت في الحياة

و انا لم اعد اجد بعد كل تلك الوقفات على حياتي

ما يستحق او حتى من يستحق ان اموت في الحياة 

لذا قررت و بإصرار اني

.. سأحياها ..

قمة الفوضى ....

اعتُدني صلبة , قوية , متماسكة و قادرة على ادراة حياتي

اما الآن فـ انا كليا مشوشةُ حائرة الفكر و الاحساس

فأي فوضى مفجِأة تلك التي اثارها رحيلك :

بين قلقي عليك ولا مبالاتي .. بين غضبي منك و عذري لك 

بين شوقي وابتعادي .. بين رغبتي في السؤال واعراضي عنك 

بين حرارة لهفتي و برودي .. بين كبريائي و احتياجي لك 

  و بين وبين و بين ...

خلقت فوضى رحيلك صراع و معركة ممتدة بغير اجل

و اعصاير محنونة و زوابع غاضبة اين لي انا ارتاح 

و انا اعجز حتى عن استبصار ضوء نهايتها و هدوئها .. 

اما اعظم و اعتى هذا كله فهي عاصفة هوجاء اطلقت بكل

قوتها ما بين :

.. احبك و انساك ..

جهلة ....

لما قال القس الامريكي اياه انه هيحرق المصحف 

حسيت بإهانة و انه ده لو تم بجد رغم انه ما فيش بإيدي حاجة 

هحس اني ماستاهلش نعمة الاسلام اللي ربنا كرمني و فضل 

عليا بيها و تراجع القس ..

بس لقيت انه فيه غيره قامو فعلا بحرق المصحف 

اول ما سمعت الخبر فعلا زعلت و اتعصبت بعدها

سبحان الله اشفقت على من قام بهذا الفعل

اشفاقي على كلب عاجز مبتور الاقدام و تايه في مقلب زبالة 

و في ممرالعربيات و عايش في حالة خوف هستيرية ياترى

العربية الجاية هتدوسه ولا لا..

مش عارفة جالي التشبية ده ازاي بس فعلا ده 

اللي حسيته ناحية اللي حرقو المصحف مساكين لو

عرفو باللي فيه كان ندمو لمجرد الفكرة

لكن من يدري لعل الله يهديهم للاسلام 

و بجد ساعتها هيندمو ندم ماندموش بشر

اشراقة امل ...

 رغم اللي انا فيه و كل الوجع و الالم و الاحباط اللي عندي

لما بجيلك بحس بامل .. بحس بدفا .. بحسك بتصبريني

بسمعك بتكلميني .. بتحسسيني انه لسه الفرح جاي

و انه كل ده كابوس و لحظة الم هتنتهي اقرب مما اتخيل

كأن رغم لونك الاسود جواكي اشراقة امل ساطعة

و حلوة بتملاني اول ما اجيلك ربنا يديمها عليا

و يارب ارجعلك زي زمان تاني

عيدكم مبارك ...

كل سنة وانتو سالمين و بخير و سعادة يارب

و تقبل الله ان شاء الله صيامكم و قيامكم

و جعلكم من الفايزين في الشهر الكريم يارب

كل عام و انتو بخير 

**********

عيدت على الكل القريب و البعيد و اللي اعرفه و اللي اجهله

قلت عسى كثر معايداتي تسد و تخليني انسى و اصد

ولكن  خاب ظني .. 

كل سنة وانت طيب و عسى ايامك كلها فرحة

و سنينك كلها اعياد يارب

......

الصمت ابلغ من الكلام .. الصمت لغة العظماء

السكوت من ذهب .. الصمت ابلغ اللغات

يبدو لي اليوم انا اصحاب هذة الحكم صمتهم كان رغبة

و اقتناع بل و استمتاع و لم يكن صمتاً اجبرهم عليه بركان

من الكلام يتفجر في دواخلهم و لكنه يخشي على من حوله

اذى و مضار حمم انفجار هذا البركان ....

حصريات رمضان ...

المشهد الاول

- وصلتي لحد فين في قراءة القرآن؟

- انا لسه يادوب في الرابع 

- بزهو و افختار : انا بقى في السابع ..

- ماشاء الله سورة ايه ؟

- ها .. اظن النساء !!..

( حلوة المنافسة و التسابق بس لو بتركيز احلى )

********

المشهد الثاني

- احد المساجد في صلاة التراويح 

( الحمدلله رب العالمين , الرحمن الرحيم 

, مالك يوم الدين , ...السورة )

- احد الشباب في سيارته المكيفة الفارهة باعلى صوت

و بحبك وحشتيني .. بحب وانتي نور عيني

.. ده وانتي مطلعة ........

( في ناس مش بفهم هما بشر ولا بهايم )

********

المشهد الثالث

اثناء صلاة التروايح افكار مجموعة من الاخوات

- اخ رجلي تعبت من الوقفة امتى الصلاة تخلص ..

- طول الامام شكله باب الحارة هتبدأ وهو ماخلص ..

- ياترى هلحق البلوزة اللي شوفتها امس في المحل ولا ؟..

- الواحد تقل بعد الاكل ياريتني صليت ركعتين في البيت و نمت ..

( المصدر الحوار اللي دار بينهم بعد انتهاء الصلاة )

********

المشهد الرابع

قبل الفطور

- المول اليوم في حاجات طعمة ..

- بس يا اخي الواحد صايم ناخد غرضنا ونمشي..

بعد الفطور

- شايف الحاجة الطعمة اللي ماشية ؟

- ها طيب ترقمها انت ولا انا ..

( اللهم لك صمت وعلى رزقك افطرت .. 

خلصنا صيام اليوم والحمدلله )

********

المشهد الخامس

زحمة سير

- يا ابن ......... حرك ارجع يمين شوية ..

- يا ............. الطريق مسدود انت اعمى 

- اعمى في عينك يا ..........

- اصلا الحق عليا اللي اكلم ........... زيك

- اللهم اني صائم

- اللهم اني صائم

 ( الحمدلله على حسن الصيام )

**********

المشهد السادس

قبل الافطار

- بس ده اللي طبختوه فخدة ومكرونة و فراخ و حمام و ملوخية

و كفتة و كنافة و قطايف و خشاف و عصير بسسسسسس

انتو ناوين تموتونا جوع الواحد صايم وجيعان ..

( يعني ايه صيام رمضان؟؟؟؟ )

********

المشهد السابع

- انا عطشانة 

- خلاص هانت باقي ساعة

- هموت من الحر و العطش

- خلاص اصبري كلها شوية ونخلص

- اوف متى يأدن جعت

- خلاص باقي نص ساعة

- يوووه هستنى كل ده ايه الغلب ده 

( ياترى بناخد على ايه وازاي اجر الصيام )

********

وكفاية كدة خلاص لأني غير منزهة عن بعض 

ما ذُكر فوق و ما لم يسعف الوقت لذكره

و اعاننا الله على حسن الصيام و القيام الحق

رمضان كريم ..

كل سنة وانتم طيبين جميعا و كل من حولكم وكل المسلمين يارب

و بلغكم الله رمضان بخير و صحة وعافية

و اعانكم على حسن صيامه و قيامه و التسابق فيه بالخيرات

و ادامكم بعده على ما كنتم فيه من الطاعة و القرب الى الله ..

.. كل عام وانتم بخير ..

زي الفراغ العاطفي ...

احيانا في الحياة بنمر بلحظات تخلق فينا احاسيس صعبة الاحتمال

وبنبقى عايزين حد جمبنا نشكيله و يسمعنا بأمانة

حتى لو مش هيواسينا او يخفف عننا المهم نحس انه في حد قلبه

مفتوح لينا و مستعد يسمع كل اللي جوانا في اي وقت نحتاجله ..

بس المشكلة انه في احاسيس مهما كان قرب الناس منا مش من حقنا

نعبر عنها و التعبير عنها و الكلام فيها حاجة ممنوعة وشبه محرمة

زي مثلا الفراغ العاطفي عند البنت يمكن هي صغيرة سهل تشتكي

و تتكلم لكن مع تقدم سنها الموضوع بيصعب بيبقى لازم تصبر و

تستحمل لوحدها حتى مع اقرب ناس لقلبها عند البعض من باب انه

قلة حياء منها او اتقاء نظرة دي وحدة هتموت على الزواج او خوف

لا اللي حواليها خصوصا المتزوجات يخافو منها ويفتكروها كدة 

هتسرق ازواجهم او للبعد عن نظرة شماتة وكلمة ماهو زمان كانت

تتشرط وترفض لحد ما بارت او خوف منها لا تزهق الناس

من شكوتها يعني مية سبب وسبب يخليها تسكت

و تستحمل لوحدها وتكون في القلب تصدح ولا بره تفضح ..

 انا جيبت الموضوع ده مثال عشان اوصلكو اللي

انا عايزة اشرحه ومش غرضي من الكتابة موضوع 

الفراغ ده نفسه بل الفكرة بشكل عام ..

لما كلنا بنتعب و كلنا بنحتاج في وقت

 نفضفض ليه بنِحرم ده على بعض و نحط عراقيل وحاجات

تصعب علينا شيء كلنا محتاجينه في الحياة لانه صعب بجد انك تكتم

حمل انت حاسك مش قده وتحس جواك احساس مُهلك ومُتعب 

ومُرهق و تلاقيك لوحدك و مُجبر تخليه في قلبك و مش قادر 

تحكي عنه او تخلي اي حد حواليك يحسه ..

ساعات الحِمل و الكلام ده بيبقى زي

سِم او شيء مًضر جوه الجسم بيتسلل في جسمك ببطء مُعذب

 يسحب من روحك و يطفي حياتك شيء كدة لازم يخرج عشان

تعرف تستحمل وتكمل حتى لو ليه بواقي الم في قلبك و جسمك

بس لو خرج جزء منه هيريحك وتعرف تقوم تاني و ترجع تكمل

ايامك و حياتك بس بدل ما تخرجه و كل ماتحاول تخرجه تلاقيك

مُجبر ترجع تبتلعه من جديد و تعيش بيه بكل وجعه والامه..

و لأني مش من مؤيدي الفضفضة لأي حد كان هقول

بجد هنياله اللي ليه صديق صح انتيم يعني و قريب منه و قادر

يفتحله كل حياته و يحكيله همه من غير اي خوف او حدود و 

مايكونش بينك و بينه اي المواضيع او الاحاسيس الشبه محرمة

بجد ربنا يخلي لكل حد يملك انسان بالوصف ده هذا الشخص

ولا يجعل بينكم فراق ابدا ..

قولي لي يامرايتي ...

 

مرايتي يا مرايتي .. رح احكي لك حكايتي 

قولي لي انا مين؟ .. انتي انا وانا انتي
مهما كبرتي واتغيرتي .. بعيوني انتي الساكتي
 

.. يامرايتي ..

رح احكي لك حكايتي .. قولي لي انه انا

احلى وحدة فيهن .. انعم وحدة فيهن
شوفيني وماتشوفيهن ..
 

.. يامرايتي ..

رح احكي لك حكايتي .. قولي لي انا ليه؟
شعري مانو اشقر .. خصري مانو اصغر
وتمي مانو اكبر ..
 

.. يامرايتى ..
 

رح احكي لك حكايتي .. قولي لي انا كيف؟
بدا قص الغُره .. قولِك حلوه الحُمره
مع فستان السهره ..
 

.. يامرايتي ..

و رجعت اشخبط ...

وحشتني يا شخبطة اوووي :)

**********

حاجة واحدة مخلياني عايزة اشوف فيلم تامر الجديد هي

منة شلبي اصل في المرحلة اللي هي فيها ازاي تختار
فيلم زي ده وخصوصا انه ماحسيتش بدورها
انه قوي في الاعلان ...

**********

لما نبقى شبه بعض جدا و مش شايفين و مضيعين وقتنا

في الخناقات و النحرات و العصبية بيتهيألي اننا مصابين

بعمى بصيرة حاد ...

**********

نصيحة للشباب المقبل على الزواج احرصو على تحاليل

ماقبل الزواج و ياريت لو انتو تختارو المكان اللي يتم 
فيه التحليل و تتأكدو مافيش معارف لاهل العروسة فيه 
اصل للاسف ذمم الاهالي وسعت اليومين دول وبقو
يزوجوعرايس مضروبة و بيغشو العرسان 

و يخبو مرض بناتهم عنهم ...

**********

ياريتنا نتعلم نسمع قد ما بنتكلم لو اتعلمنا نسمع بجد 
مش هنحتاج لنص كلامنا اللي بنتكلمه ...

**********

نفسي اعرف امتى الممثلات الكبار هيعترفو بسنهم 
و يفهموانه خلاص الجيل مش جيلهم ويسبو الزمن 
يدورة دورته الطبيعية و اه يبطلو صراخ كتير في 
المسلسلات واللبس اللي مش لسنهم ...

**********

صعب يبقى جواك فرحة صغيرة و مأجلها
او حتى خايف انك تفرحها

ربنا يكتب كل خير و يجعل في الامر الخير ...