المرأة السعودية ملكة والاكثر جمالا و دلالا !!
دراسة الاغلب ممكن يكونو عارفينها و سمعو عنها
بس بجد تضحك اوي لا وفي اللي مصدقين وفي اللي
زعلانين اوفرحانين
بالله عليكو بلا قلة عقل ده مجرد كلام بيضحكو عليكو بيه..
نفسي افهم بس الدراسة دي اعتمدت على ايه؟!
على المظهر بس و الحالة الاجتماعية ولا على البترول
و كتر الفلوس يعني و كم بنت دلوعة ومبسوطة ونقدر
نقول غنية مع انه مابقاش ده حال الكل زي مانتو فاكرين
لو دخلنا جوة المراة السعودية بصراحة مش ده الحال..
مش عارفة امتى هنتحرر شوية مش عارفة ليه
فاكرين اننا بتحررنا هننحرف انه لو اشتغلت مع زمايل
رجال ابقى مش كويسة وهغلط وانحرف .. اني لو سوقت
عربية برضو هصيع و انحرف .. اني لو بخرج وبجي مين
غير راجل هغلط ويحصل حاجة .. اني لو اتعاملت مع راجل
هيخدعني و يغشيني و في حبه هيعليقني .. اني لو اتجوزت راجل
اقل مني نسب ممكن اهلي في يوم ليهم الحق يطلقوني حتى من غير
رأيي و ومن زوجي و ولادي اتحرم .. اني لو عايزة اهرب من
سلطة راجل مفتري بطلاق او خلع ممكن الاقي الشيخ متضامن معاه
خصوصا لو كنت مكسورة و ضعيفة لمجرد انه راجل .. اني لو حبيت في
يوم كون انه اللي اتقدملي اتعرف انه بحبه و حتى لو كويس
و مافيش في اخلاقه وطموحه وشغله يبقي اني بحبه ده سبب
كافي جدا انه يترفض .. اني بس قبل 3-4 سنين اتكرم عليا بالبطاقة
الشخصية .. اني مش هقدر اعمل حاجة الا لو ليا راجل يضمني
اني الزم بالنقاب لما جرد فكرة عيب حد يشوفني و بره بقلعه
واني واني وده يمكن حاجات تافة وغيض من فيض ..
انا مش بتكلم عن نفسي و لا انه كلامي بيمثل كل بنت سعودية
و يمكن انا مرتاحة اكتر و مش منطبق عليا نص اللي فوق
بس هتلاقي منطبق على الاغلبية
في بنات راضية ومبسوطة و دي حرة بس في بنات عايزة
التغير ليه نصعبها قد كدة ؟! ما كل وقت وليه ادآن
كل زمن وليا ظروفه صعب اعيش عيشه امي و جدتي
ليه تبقى حياتي ماشي بتحكم رجالي فظيع متجاوز الحدود؟!
ليه كمية الخوف من تحرري و اعتمادي على نفسي بجد؟!
هو خوف من انه التحرر الاقتصادي تحرر كامل
خايفين على بناتكم السعوديات حقكم بس ليه متخيلين
انه في كل جديد هنضيع ليه متخيلين انه اي تجربة
هنغلط ونصيع و نبقى في المراقص و الديسكوهات زي
غيرنا على ما بتقولو مش عارفة ليه مقتنعين بالفكرة دي؟
على اساس انه دلوقت المجتمع خالي ..مش كل حاجة
شايفها العين تتصدق .. مش معنى انه اغلب بناتنا
منقبات انه كويسين .. مش معنى انهم مش بيشتغولو
مختلط انه محترمين ..مش معنى انها دايما في البيت
تبقى متربية وكويسة .. مش معنى انه صحباتها كلهم
بنات تبقى خجولة ومؤدبة.. و ليه اصلا اللي هتعمل كدة مذنبة
و ماخفي كان اعظم بنتاكو وصلو لمرحلة توهان و ضياع
بس انتو مش حاسين نفسهم يواكبو الوقت والعصرمعاكو
و قدام عينيكو و برضاكو بس انت عايزينهم متأخرين
الحياة مش بالفلوس وانك تديها و ماتبخلش ..مش بانك تسفرها
و تشوف العالم اديها فرصتها خليها تعيش تجربتها و عيشها
معها خليكو دايما جمبهم و وجهوهم وقت ما يحتاجولكو
و هما اكيد في تجرنتهم هينجحو
ارجعو عاملوهم بناء على دينا ارجعو فعلا لسنة رسولنا
ارجعو لمعاملة الدين بجد مش بتقاليدنا..
ليه ساعات بتدو الفرصة لكل حاجة تفضل في السر
ليه لازم توصلو لمرحلة الازمة عشان تقتنعو وتحلو الامور
ليه مش بتساعدو تطلعو الامورو المشاكل في النور..
بصراحة مش عايزة اكمل البوست بس هنزله رغم انه بقى
بايخ ودمه تقيل و عارفة كلامي مش هيعجب خصوصا لو
قراه سعودي او قراته سعودية وممكن اكون حتى في
نظرهم متحاملة او حتى ظالمة بس اللي فوق حقيقة و انتو
زي عارفين حتى لو مش انا و انتي و اختك و صحبتك بنعيشها
كلامي مش تجريح ولا اني انقص من حق الست السعودية
لانها فعلا ست مكرمة وهايلة ولأني اساسا بنت سعودية
ولا اني من مؤيدي حملات التحرر اللي متجاوزة الحدود
ولا بقول الست زي الراجل في كل حاجة ولا قصدي
على شغل كلام نواعم وبنات حوا وست ستات
بس كل كلامي و الله من حبي و خوفي ايوة خوفي ..
ياخوفي من اليوم اللي الست السعودية تقول كفاية و تحرر
ياخوفي من اليوم اللي عن اصلها تتغير
ياخوفي من عدم ثقتكو وضغتكوتخسروها وتروح
قيمها و بسبب الكبت و الضغط ماترجعش
وده اللي بدء يحصل بس احنا كالعادة ما بنشوفش و ما بنسمعش ..
هناك 8 تعليقات:
للاسف يا ريم الكبت ده بيعمل مصايب
يعني في مصر بييجو بنات من السعودية
بيخرجو الكبت ده بطرق فظيعة واسالي اي مصري غيري عن اللي بنشوفه ..
من وجهة نظرك يا ريم عايزة تشوفي المراة في السعودية وضعها ايه ؟
هو المثال اللي انت بتقولو صراحة مش قادرة اتعاطف معاه على انه كبت ده راجع للوحدة و اخلاقها و دينها يعني دي مجرد وحدة اتواجدها في بلد قانونه يلزمها بالعباية لبستها و راحت بلد قانونها مش ملزمها قلعت لانه لو كبت كنا كلنا اول ما سافرنا قلعنا العباية و لحجاب بس انا و سعوديات كتير بنسافر محترمات يعني الكبت هنا حجة فارغة بصراحة
نجي بقى للمراة السعودية بص مش معنى اني كتبت الكلام ده انه المرأة يعني مهانة و بتتاخد بقلم قبل ما تنام وبوكس اول ما تصحى زي ما الاعلام ساعات بيصور ولا بدعو للسفور وانها تروح وتيجي بمزاجها و انها تقلع حجابها و الكلام الفارغ ده
لا بس اللي بعترض عليه
انه ليه المجتمع بيصعب الامور على البنات السعوديات اللي ليهم طموح و عايزين التغير مع انهم مش بيعملو غلط او عيب لمجرد انها سعودية و ده عيب هنا
يعني نموذج زي منى ابو سليمان مع تحفظي احيانا على برنامجهم ليه تتهاجم وتتحارب لمجرد انه عايزة تكون مذيعة
انها تعتبر مش كويسة عشان طلعت في التلفزيون و لما وصلت بقينا نتشرف بيها ونحكي عليها مع العلم انه لسه فيه ناس بتشوفها مش كويسة عشان مش منقبةمع انها عشان توصل
قدرت تحافظ على صورتها و حجابها مش كان اولى من الاول نتحتضنها و نسهل الطريق ليها مش حرام التعب الي تتعبه و يكون الهجوم نصيبها و لما وصل نشيد بيها و غيرها كتير اللي لسه بيعانو من الوضع ده من الخوف من كل جديد
او وحدة في المجتمع تتعب و تدرس عشان تبقى دكتورة وجزاها انه لسه بعض رجال المجتمع بيرفض الارتباط بيها لانها تعمل مع رجال و بتكون في نظرهم جريئة ومش كويسة مش بقول الكل متخلف بس في نسبة مش هينة بتفكر كدة
عايزة المجتمع يدي البنت السعودية الفرصة انها تعمل اللي بتحلم بيه انها
تعيش طموحها طالما مش غلط ولا حرام عايزة نبدأ نتقبل الجديد طالما مش سيء
نعيش التجربة معاهم نجحت طيب فشلت تعتبر خبرة بس يبطل المجتمع يوقف في وش بناتهم ويصعب عليهم نجاحهم و يقتل طموحهم بسبب العادات و التقاليد
رغم اني مش بسعى لدراسة برة ولا عايزة اشتغل في مجال جديد بس بجد بيصعب عليا البنات دول وانا بشوف طموحها بيتقتل باسم التقاليد
يمكن من هنا قولت كلامي لانه اكيد اخر قتل طموح البنات هنا هيبقى عواقبه وخيمة و هيفتح بابا كبير للتمرد على التقاليد و اللي اخاف منه انه وسط التمرد البنت من كرهها تدوس على قيم و تنسى تقاليد كتير
عيب مجتماعتنا العربية انها مجتمعات ذكورية
والعسودية مجتمع زكوري بحت <-----
واللي فهمته من كلامك ان البنت عشان تنجح او توصل بتتعرض لاهانات ولازم تمشي عالاشواك ودي بتكون ضريبة النجاح ولازم تتحملها
وللاسف دي عادات وتقاليد شعب ومحتاجة سنين كتير عشان تتغير
وانا شايف الحل هو اللي قولتيه في آخر كلامك بس لازم يتم بصورة كويسة ومنظمة
وانا فاكر ان الحال في ايران كان نفس الحال ده واتغير فجاة (مع مراعاة الاختلاف بين الدولتين)
معلش ردي مختصر بس الايام دي عشان امتحانات الجامعة
اسعدتني المناقشة معاكي
شكرا ليكي
هو المثال اللي انت بتقولو صراحة مش قادرة اتعاطف معاه على انه كبت ده راجع للوحدة و اخلاقها و دينها يعني دي مجرد واحدة تواجدها في بلد قانونه يلزمها بالعباية لبستها و راحت بلد قانونها مش ملزمها قلعت لانه لو كبت كنا كلنا اول ما سافرنا قلعنا العباية و لحجاب بس انا و سعوديات كتير بنسافر محترمات يعني الكبت هنا حجة فارغة بصراحة
________________________________________
الله ينور عليكى ياريم
دى مساله اخلاقيه ترجع للبنت نفسها
للفكر والتنشاه
ملهاش علاقه بقصة الكبت
وبجد مبسوطه اوى ان بنت سعوديه هى اللى بتقول الكلام ده
لانك اكيد متعايشه مع نفس ظروفهم او بعضها على الاقل
ومع ذلك لما بتسافرى بتحافظى على شخصيتك ذى ما هى
سواء فى اللبس او فى سلوكك
اما فكرة الشغل
فانا متفقه معاكى ان فى بعض الوظائف محتاجه للمرأه
ذى مهنة الطب
يعنى بدل ما الست تتعب وتروح تكشف نفسها على راجل تروح لطبيبه افضل
واعتقد دا مهم فى تخصصات معينه كمان
يعنى ممكن المرأه تعمل فى وظائف هامه
مش اى وظيفه وتبقى لمجرد الشغل والخروج وخلاص
تكون بتشغل وظيفه ليها اهميتها للمجتمع بجد
وخصوصا ان الفكره هنا مش للحاجه للفلوس اد ما هى حاجه لخدمة المجتمع ككل
انا شايفه ان فى اماكن معينه محتاجه تشغلها المراه بجد
وخصوصا ان المجتمع فيه الرجل والمراه
والمراه محتاجه تتعامل مع مراه ذيها برا برضه
البوست حلوى ياريم :)
محمد
شكرا لردك و فعلا هي تقاليد محتاجة وقت عشان تتغير بس حان الوقت الي نبدا شوية نساعد و نقبل التغير و نسهل الطريقة للبنات دي و سعيدة بردك
امل
ماهي المشكلة الناس المعارضة دي اول حد بيفرح انه ستاتها بتتعامل مع نساء ونيجي لبنته لو عايزة تدخل نفس المجال تتحارب مع انه شاف قد ايه فايدة الست في المكان ده صحيح في نماذج بتسيء للمراة من النساء بس حرام نظلم ونععم بسببها وخلاص نقول مش ندخل بناتنا المجال ده لانه سمعة و وحش ربي بنتك كويس و اديها الثقة و خليك جمبها و سيبها تدخل اي مجال طالما محترم و مناسب ليها كامرأة
سعيدة اوي بمرورك يا امل
يكفينا ان ملكات ومو محتاجين لتحرير
ايش هو التحرير بنظرك نخالف كلام الله
وقرن في بيوتكم ولاتبرجن تبرج الجاهلية الأولى ) ...
احنا اسعد المخلوقات واشرفهم
مودتي ياحبيتي
انا بقي ملكه
قولتيها ياريم لابيشوفوا ولايسمعوا
ونهايه ان الخوف اللي بتقولي عليه يصير
اصلا الدنيا بتتطور بشكل رهيب وسريع جدااااااااااا
زي السنوات الضوئيه
في كل مجتمع فيه الزين وفيه الشين كل دوله عربيه او اسلاميه او اوربيه كلهم فيهم نص كذا ونص كذا
الدنيا ماهي كلها خير وماهي كلها شر واكيد الخير بينتصر في الاخر
بس لو نتكاتف مع بعضنا ونوحد كلمتنا وحقوقنا نأخذها
الحمد لله علي كل حال
شوفي كلامك يعني انهم اعتبورا السعوديه ملكه يعني لو قولنا عشان لالبسها للحجاب الكامل
وانه ماحد يشوف شئ منها غير محارمها فقط
وانها ماتسوق سياره غير رجل يسوقها لها
واشياء ثانيه
في نظر الناس الثانيه تعبتر ملكه لان اشياء ككثير تصير لها وهي نقدر نقول مستريحه ماهي شقيانه
زي المره في مكان تاني تساعد الرجل وتهلك نفسها عشان بلقمت العيش
يعني خلينا نقول بعض النساء في السعوديه مكرمه معززه في بيت ابوها لحد مايجي زوجها ويكرمها
على فكرة انا مو معترضة ابدا كل وحدة
حرة في حياتها انا اقصد لما يكون في وحدة
عندها طموح وحابة تعمل شي مو مؤلف بس
مش حرام ولا يسيء لسمعتها ليش الكل يوقف ضدها و يعترض و يخلي رحلتها صعبة
ليش ما نوقف جمبها و نسهل الطريق و
يكون كل شي بتوجيهنا و تحت اشرافنا
كدة اكيد اريح ليها و هتحس بحلاوة
الشي الي هي بتعمله اكتر و تحس بوقفة
الكل جمبها و تكون في احد حاميها
إرسال تعليق