من شوية كنت بتفرج على حلقة من
مسلسل اهل الغرام اسمها ** طلي بالأبيض **
القصة عن اتنين بيحبو بعض من تلات سنين
و الحلقة عن يوم فرحهم و التفاصيل اللي
فيه و الخناقات اللي بتحصل لأتفه سبب في
اليوم ده و توتر و العريس و عصبية العروسة
ومع ضغط اليوم ده بتبدي تحصل مواقف
و تبان حاجات بتخلي الاتنين يحسو انهم مش
عارفين بعض او ماكانو يعرفو بعض
بس كتب الكتاب بيتم لكن العروسة و العريس
ماحضروش الفرح لانه كان جواهم سؤال
بعد ماحسو انهم مايعرفو بعض ..
اذا كان اولها كدة هيكملو في الباقي ازاي ؟!..
المسلسل وقف على كدة و لف الغموض
الاجابة .. بس على ارض الواقع ياترى كان
ممكن يحصل ايه ؟!..
يمكن على الاغلب هيكملو الزيجة و بقى الحظ
يا صابت يا خابت .. و يمكن العكس يحصل..
لكن اللي اعرفه من اصعب الحاجات اللي ممكن
الواحد يعيشها انه يكتشف انه مايعرفش حد بعد
معرفة و عشرة و سنين و هو كان متأكد انه
عارف الشخص ده و فاهمه ...
هناك 19 تعليقًا:
3andy sadee2a ya reem sabet khateebha fe lelet el fara7
t2reeban l2enha fe3lan kant 7assa enha mt3rfosh
bsara7a mawqef ma atmanhosh l2y 7ad
لنون
فرانكو يا لين ( على فكرة اسمك ماشاء الله حلو ولذيذ بجد ) بتعذبيني ليه بس
مش مشكله شكله عندك ظروف
بس موقف صحبتك صعب جدا عليها و على كل اللي حواليها بجد صعبة
ربنا ما يحط حد في الموقف ده ابدا بس يمكن هي عملت الصح
تفتكرى هيكملوا ...يعنى حتى لو كملوا الزيجه لاجل الاجتماعيات ياترى احساسهم بعد كدا هيتغير....
نايس بوست
اول مرور لى هنا وشكرا على مرورك اللطيف بمدونتى
اقبلى تحياتى
ماهو هنا اللغز في بعدين لانه ساعات الاحساس ده بيبقى رهبة الزواج
شخصيا اخت صاحبتي حست الاحساس ده يوم زواجها رغم انه فترة كتب الكتاب كانت طويلةو بتشوفه كتير و تكلمه كتير بس يوم الفرح حسته غريب ماتعرفش اي حاجة عنه خالص بس كمل الزواج ووماشاء الله سعيدة جدا معاه
و هنا السؤال ازاي يعرفوانه حقيقي مايعرفوش بعض ولا رهبة الزواج
و ماتشكرني يا شجرة الدر مافيش حاجة محتاجة شكر
عندك حق ياريم
أهو ده بقي بجد اللي يرعب
لما نيجي لآخر لحظة ونفكر
كنا نعرفه كويس ؟؟
ونبدأ نعيد في دقايق
حسابات قامت في سنين
...
انتي كده اللي مرعبه
ههههههههه
..
صباحك بلون الورد
عشان كده بالظبط فكرة الجواز دى شايلاها من دماغى تماما :D
ده حتى لو كملت و اتجوزوا يضمنوا منين ان ماحدش فيهم هيتغير فى يوم و التانى يفاجأ بانه عايش فى بيت واحد مع شخص ما يعرفوش او شخص مختلف تماما عن اللى كان فى خياله
و ماحدش يقولى مفيش حاجة مضمونة عشان ايوة مفيش حاجة مضمونة لكن اى حاجة ينفع يتغامر بيها الا قلبى
شفت نفس الحلقه ..
بس أظنها رهبة الزواج بس لأنه اثنين عايشين مع بعض ثلاث سنين وبيحبوا بعض
وأكيد متفاهمين ..
يعني مش ممكن يختلفو في لحظات ..
نايس بلوق
.. دمتِ كما تحبين ..
ليساندرا
ههههههههه
يعني انا اللي رعبتك مش انتي اللي رعبتيني
فعلا زي ماقولتي نعيد حسابات السنين ونمرر كل حاجة زي شريط سينما قدامنا عشان نعرف احنا نعرفه ولا لا
ياسمين
بس صعب تطبقي القصة دي على الزواج عموما لانه دي حالات قليلة اللي بتبقى فعلا فعلا مع حد ماتعرفوش مش مجرد رهبة الزواج و البعد عن الاهل و اصلا
هو مهما عرفو بعض و حبو بعض ان شاء اله من وهما اطفال الزواج غير لانه مش بتعرف الشخص الا لو اتقفل باب واحد عليهم ده حتى الصحاب ممكن بعد سنين عشرة يكتشفو انهم ما يعرفوش بعض
بس اصل ده طبيعي في الزواج يعني ليه السبب ده يخوفك ماهو لو هبقى عارفها بالحركة و الكلمة و اللمسة و الشبر هتبقى حياة مملة اوي بصراحة نوع من متعة الزواج و تحدياته و غموضه الاستمرار في معرفة الاخر و حتى اكتر حاجة بتدي حياة للزواج و تكسر الروتين و تخليك مهتم بالطرف التاني هو انك كل يوم تكتشف جديده
ماتخليش ده عائق يخوفك و يخليكي تهربي على فكرة انا زيك زمان كنت فعلا شايلة فكرة الزواج من دماغي بس بيني وبينك الا مايجي وقت تلاقينا محتاجين الشريك اللي نكمل معاه العمر و العيلة و الولاد و اللي بتقول غير كدة بتكابر او في نوع من الخوف بس ده احساس مولود جوانا اذا مش ظاهر دلوقت لاننا في سن صغير و اهالينا ربنا يديهم طولة العمر هيظهر بكرة لما كله يروح و تلاقينا فضلنا لوحدنا حتى لو في اخوان و اصدقاء و قرايب محدش هيكون موجود لينا و دي حقيقة بجد
مدري
هو انا شخصيا متوقعة برضو انها رهبة زواج بس و خصوصا انه الخلاف جاه من الضغط و التفاهات اللي حصلت بس احيانا ممكن دا يبقى حقيقي مو عارفين بعض
نورتي بالزيارة والتعليق
يعنى لو كل انسان فكّـر بهذا المنطق ما تزوج بشــر فى هذا العالم
وكل إنسان له وعليه من المزايا والعيوب
المهم أن يتخيـّـر الإنسان الإنسان التقى الديّـن فهو إن أحب الطرف الآخر أكرمه وإن كرهه لم يظلمه
ومش كل الحالات بيحصل كده
فعلا بيحصل كتير اتنين بيعرفوا بعض كويس وبيتزوجوا
ولكن المشاكل لابد منها حتى فى بيت النبوة حصلت مشاكل
المهم أن يكون فى البيت دين يرد الجميع الى الحق
والله من وراء القصد :)
السلام عليكم
مسلم
ضحكتني والله مع انه كلام صح
بس بيبقى احساس مرعب برضه انه الواحد يحسه في اليوم ده بالذات مش عارفة يمكن احنا البنات بنقلق اوي و نكبرها
بتحصل :)
فعلا ممكنتعاشري حد سنين وسنين طويلةوفي لحظة تبصي له كدا تلاقي نفسك ماتعرفيهوش خالص
وتقعدي تقولي مين دا !!! انا ماعرفوش فعلا
لو واحدة وصلت للحالة دي قبل الجواز يفضل فعلا انها ماتكملش الجوازة اللي باينه من عنوانها
الجواز مشروع صعب جدا والحياة الزوجية محتاجة ان الاتنين يكون عندهم الرغبة والقدرة على انهم يعيشوا سعداء بالرغم من اي ظروف او مشاكل
والحياة الزوجية لوحدها الا لما يتخللها ملل في اوقات
لو مش مختارة صح ومتأكدةمن اختيارك ومشاعرك 100% قبل الجواز يبقى في مجازفة كبيرة بعد كدا
اسفه على الطالة :)
هي بتحصل اوي خصوصا على مستوى الصداقات دلوقت بتعاشري صاحبتك سنين و فجأة تشوفيها بشكل تاني تلاقيها حد تاني خالص
بس في الزواج المشكلة لو كان الموضوع رهبة زواج اكتر من انه فعلا مش عارفين بعض ساعتها هيكون القرار خاطئ جدا
لكن عموما هو الزواج دلوقت كله مجازفات فكرة انك تسيبي بيت اهلك و تروحي لبيت تاني مجازفة بحد ذاتها
و في الاخر برضو القسمة و النصيب تحكم
شوفت الحلقه دي
عموما مسلسل اهل الغرام بيناقش الحب بأشكال مختلفه
وبطريقه جميله جداااااااا
الحلقه اللي قولتي عليها
فعلا
كانت فعلا بتبين موقف ممكن يحصل لناس كثيرررررررر
وبالذات يوم الفرح
بس ماتردي تكملي وتعيشي علي اللي عرفتيه
ولا تقولي برفض لان اللي عرفته مستحيل اكمل معاه
مع انك بتحبيه
مادري فعلا احترت معاها
مادري انا معهم ولا معاه
وبعدين نهايه شو حصل ؟؟؟؟؟
ولا يخلونا احنا نتختار
بس فعلا انك تعرفي اشياء ماتعرفيها طول سنين مش بسهوله تقدري تتقبليها
او تمشي في الطريق نفسه
اكيد حيرانين
بس كل واحد يختار الكفه الارحج :)
سؤال بس :)
هي شجره الدر اللي ردت في البوكس ده
هي نفسي سوسو
اللي في ايجي؟؟؟؟؟
شكولاته
ماهي كل الصعوبة اصلا في القرار والاختيار و تنفيذ هذا القرار
اما عن شجرة الدر فبصراحة مش عارفة بس اعتقد انه تشابة اسماء
نورتي
المسلسل ده كان كله تحففففففففففة.......وخصوصا الاغاني اللي بتدي بيها كل حلقة(بتبقي عنوان للحلقة ودي حاجة مميزة فعلأ للدراما السورية)
أنا فاكرة الحلقة ديه وأستغربت فعلأ اللي عملوه!
فعلا المسلسل ده من اجمل المسلسلات اللي
بتتكلم عن الحب
و الدراما السورية اصلا هي التوب حاليا
اسعدني مرورك و تعليقك
إرسال تعليق