الموضوع مش عن الحاجات الشريرة فيا
او نصي الشرير زي ما بيقولو , كل الحكاية
اني حبيت اعترف بحاجات مش عجباني فيا
و ممكن يبقى فيها صفات شريرة او لا
..
انا اللي مش بحبها
كتومة في زعلها بغباء لدرجة انها مش هتعاتبك
لو غلطت معها يعني لو عايز تلمحلها بحاجة باسلوب
يدايقها هتستحملك و لما ماتعدش تستحمل هتسحب
نفسها من حياتك بدون ما تسأل عن سبب تصرفك ..
انا اللي مش بحبها
فاشلة في انها تكون انانية لمصلحتها و
دي مش ميزة بجد يعني مش على غرار انا
عيبي اني طيب خالص لأنه لما تدي غيرك
على حسابك هتتقهر على نفسك خصوصا لو
مافيش اللي بيديك على حساب نفسه ..
انا اللي مش بحبها
مستسلمة جدا صحيح لو حطيتها في تحدي
هتلاقيها قدها بس نفسي تبقى في تحدي
على طول حتى من غير مواقف ..
انا اللي مش بحبها
بتكدب و ينطبق عليها ( يقولون ما لا يفعلون )
بس بتقول يمكن في حد احسن منها ياخد
بقولها و يستنفع طالما مش نافعة نفسها ..
انا اللي مش بحبها
لو حد قالها و حشتني و ماردتش عليه
يبقى يفرح و افضل بكتير من لو قالتله
تشتاقلك العافية ..
انا اللي مش بحبها
مش معنى انها بتسمع حد بجد و بتخفف
عنه و واقفة معاه في معاناته انه
قلبها عليه بجد بس ماحدش هيعرف يفرق
لانها هتعمل نفس الشي لو بتعاني عشانك ..
انا الي مش بحبها
بتتحجج كتير انه الموبايل بيبقى بعيد و
ما شافت الاتصال الا متأخر مع انه ممكن
كان بيرن جمبها و بيكون الشخص عزيز
عليها اوي ..
انا اللي مش بحبها
لو قدرتك و استهونت بيها بتديك حق
العشرة كامل بس بتبقى ما تسواش عندها
لا مؤاخذة old shoe ..
انا اللي مش بحبها
لو اذيتها اوي خاف منها لانها لو قررت
تاخد حقها هتاخده بحقد و اذى كبير بس
عزائها في ده انها لما بتاخد حقها اللي قدامها
بيسكت و ينزل عينه لانه عارف عمل ايه
و كفاية لما امها تقول انتي ينخاف منك ..
انا الل مش بحبها
لما تهدا اوي مش معنها قربلها و انها رايقة
بالعكس ممكن تبقى في حالة انفجار رهيب
جواها ..
انا اللي مش بحبها
ناضجة اوي بطريقة حرقت بيها عمرها
و بتحاول لو مرجعتوش على الاقل تمشي
في اللي باقي خطوة بخطوة ..
انا اللي مش بحبها
قاسية بطريقة صعبة رغم انهم بيقولو
حنينة بس هي بجد قاسية اوي و ساعات
قلبها بيقلب حجر ..
انا اللي مش بحبها
ظالمة مشاعرها اوي معها مع انه من حق
المشاعر دي تطلع زي ماهي جواها
انا اللي مش بحبها
اكتر حد ساعات ببقى نفسي تهون على
نفسها اللي هي فيها على الاقل عشان
صحتها ..
انا اللي مش بحبها
للاسف فاشلة في كل حاجة و ماعندهاش
اي عزيمة عشان تبقى احسن او توصل
للي هي عايزاه ..
انا اللي مش بحبها
رغم انها مش عاجباني بس بحن عليها
اوي يمكن لأنها في النهاية هي ..
.. انا ..
هناك 16 تعليقًا:
ريم
كويس ان الواحد يبقى عارف نفسة ويقيمها
تعرفى انى انا كمان فيا معظم الحاجات دى
تحياتى
بسمة
يااااااااااة
كل دا؟
لو انتى شايفه نفسك كدا بجد تبقى مشكله
انا دلوقتى بس عرفت ليه اتصدمتوا منى لما عملت كدا :)
صريحة لدرجة الصدمة زى ما بيقولوا يا ريم..بس صدقينى كده احسن بكتير من نظام انا طيب و الدنيا و الناس جايين عليا و بيظلمونى..هم الناس دول بيستحملوا نفسهم ازاى اصلا
انا لقيت حاجات كتير متشابهة بيننا على فكرة..خصوصا اول نقطة دى انا جدا
و النقطة بتاعت انتى يتخاف منك دى بتتقالى على طول..بس ردى بيكون ان اللى يخاف منى يبقى هو اللى عنده مشكلة..لانى ما بخوفش غير اللى ما بيعرفش يكون دوغرى..او اللى ما بيقدرش و قبلهم اللى بيكذب
و حكاية التليفون دى ضحكتنى اوى طلعت مش لوحدى اللى بعمل كدا :D
بسمة
اتوقع فعلا كلامي صح لاننا ببساطة بشر ففمكن تلاقي فيكي بعض من الانا الي مش بحبها
نورتيني
دكتور عمرو
بالعكس المشكلة لو مش شايفة ده فيا مع وجوده او بعمي نفسي عنه زي ناس كتير ما بتعمل
بس انا مش وحشة اوي في انا الي بحبها بس ماحكتش عليها برضو
يصي خسميكي لي لي على اسم وردتك بما انه اسمك من نفس العيلة يعني
تفتكري صراحتنا صح مش برضو بيقولو و اذا بليتم فاستترو و لا اتجدعنا عشان فعليا مدوناتنا سر عسكري عن الناس القريبة مننا
بس عارفة جوايا شيء مرتاح اصل كنت مخنوقة من نظام المسكنة اللي داير و خصوصا في المكان التاني بحتار فيه امال الاشرار في الدنيا بيجو منين ؟!
دائما و ابدا سعيدة بوجودك في مدونتي
كل حد عنده حاجات مش مثالية
الي بيعترف بالحقيقة قدام نفسه عل الاقل بيعترف ان كل الناس فيهم جانب غير مثالي (مش حسميه شرير او وحشاو يء)
دي طبيعة بشرية
انا مش شايفة حاجات مزعجة كتير
بالعكس لو على كدة دة انتي زي الفل :)
اه نسيت
انتي مش فاشلة
بس يمكن محتاجة تاخدي دورة تدريبية عن قيادة حياتك و اهدافك و ازاي تبني عزيتك و قدراتك
ممكن تساعدك كتير صدقيني
مش لوحدك اللي معندكيش عزيمة او طولة بال للمناهدة
بس صدقيني ممكن توصليلها بسهولة
حلو يا ريم انك عارفه ايه اللى فيكى وعارفه تحطى ايدك عليه
ده مش وجه واحد
ده اوجه كتير اوي ..
علي فيه حاجان حلوة اوي وحاجات محتاجة تتعدل شوية
حاولي في اللي مش عاجبك وهو وحش
وسيبي اللي مش عاجبك .. بس حلوووو
تحياتي
لينو
على فكرة انا مش شايفة اني شريرة ابدا انا شايفة اني انسانة عادية جدا و بعض الصفات بشوفها ضرورية لتعايش مع الناس دلوقت على رأي شيرين من الغباء انك تكون زي الملاك وسط لبشر الزمن ده زمن ... كملي باللي تحبي بقى
اما عن الفشل و الكورس مش لما اخلص من الكورس بتاعي و بصراحة ماليش نفس اطلع طاقاتي ولا اهدافي و زمان كان عندي طولة بال رهيبة فوق ماتتصوري بس حاليا انا مهدودة باكبر مما تحمل الكلمة من معنى عارفة حاليا انا عالمة زي اللي نفسه ينام ويرتاح بس ينام ما يعملش حاجة ولا يفكر في حاجة بس يرتاح و ينام لفترة من الزمن بهدوء
آبي
اقولك على سر
كلنا عارفين عيونبا و ايه اللي فينا و ايه اللي يخطينا بس بنحب نستعبط على نفسنا و نجيبها على غيرنا و على الدنيا
كوشيا
اسمك غريب
بس هحاول اعمل بكلامك بس مش دلوقت يمكن قدام شوية
لنوش
تعليق و رده
v
v
v
البوست اللي تحت
هذه أول زيارة لي للمدونة..
موضوع حلو والله ياريم..
ومدونة أحلى بصراحة..
وحابة أقولك بس انه في حاجات والله ضحكتني
لانها فيا وبتنرفز ناس مني ...
بس اعمل ايه..
اكتر حاجة.. لما يكون الموبايل جمبي..وانسان عزيز عليا..
بس.. ما برد.. ليش؟؟؟
معرفش.
وحاجات تانية والله كتير..
اكيد حيكون ليا رد آخر
تحياتي..
الاء
يبنكونما نبغى نتكلم بس هما ماراح يفهمو فمانرد من الاساس
سهلة
نورتيني و ان شاء الله تكون زيراتك دائمة
إرسال تعليق