بيقولو الانسان يتعرف من تصرفاته دايما
بس كل ما اكبر بكتشف انه القدرة على التحكم
بالتصرف بتكبر معايا يعني ممكن اضحك و انا
زعلانة ابقى صلبة وانا منهارة اتصرف بلطف
مع حد مش طايقاه خالص و طبعا اذا ده حالي اكيد
اغلب البشر كدة
...
ساعات بحس انه داخل الانسان يعتبر ماوراء الطبيعة
بالنسبة لتصرفه يعني في ناس تصرفها ممكن يكون
عكسها تماما
...
نفسي كلنا نتصرف باللي جوانا نكون صرحاء في مشاعرنا
يعني ازعل اقول انا زعلانة افرح اقول فرحانة محتاجة
احساس ما اقول محتاجة مساعدة اطلبها نفسي اوي في
العالم ده عالم كله وضوح مافيه ناس بتتعب نفسها و تضيع
وقتها في لعبة الفهم و الادراك للمشاعر الغيرمعلنة و
المدفونة للاخر
...
تصرفنا سلاح خطير بجد ممكن تبنى حاجز بينك وبين حد
بيعنيلك اوي زي الام لما تتعمد القسوة عشان مصلحة ابنها
حتى لو كان ممكن تاخد النتيجة نفسها منه مع الحنية في
الحالتين بيحبها و هيفضل يحبها وعارف قسوتها عشانه
بس غصب عنه بيتبني شيء زي الحاجز بينه و بينها سواء
كان الحاجز ده قوي و متين او ضعيف وسهل الانهيار
...
احيان بتتعمد تصرف معين عشان تبعد ناس عن طريقك
يمكن من وجه نظرك ده عشان مصلحتهم او عشان تعبت معاهم
او حتى عشان مش عايزيهم بس بتبعدهم ببعض التصرفات
عشان مش عايز تجرحهم مع انه الاسهل لو مش عايزتجرحهم
كان انك نصارحهم اصل ببساطة لو مكانك كبير عندهم
هيستحملوك اوي و فوق طاقتهم وكل مرة هتحتاج تصرف
اقوى و اقسى و النتيجة ان اللي ما كنت عايز تجرحهم و تبعدهم
بعدتهم عنك بس بتعب وجروح كتير يمكن يكرهوك بعدها
و الاصعب كل ما هيشوفو اثر جراحك دي مش هيعرفو
يسامحوك
...
بعض الناس بتدعي الذكاء في انه بتعرف اللي حواليها من
تصرفاتهم فعلا و ده حقيقة بس في قلة قليلة من الناس
لو حد من الي بيقرا فاكر نفسه من القلة دي ممكن انصحك
ترجع للي تعرفهم بجد و تشوف انت بجد من القلة دي
ولا كل اللي حوليك منقيهم او هم اقل ذكاء في التصرف منك فقط
او ممكن يكون الموضوع ببساطة انك لسه ما قابلتش اللي
اذكى و ادهى في التصرف منك
...
البوست ده كتبته لاني بصراحة تعبت من اللعب و تضيع الوقت
في لعبة معنى التصرف اللي الكل بيلعبها و منهم انا
و كمية الطاقة الذهنية اللي بتتحط فيها قررت اني اكون
صريحة في تصرفي .. واضحة في مطالبي ..
جريئة في بوحي بمشاعري ..
هنجح ولا لا .. هكسب ولا هخسرالناس .. هكمل و لا
ده اللي هعرفه مع الايام و بعد التجربة بس
المهم و الضروري عندي دلوقت اني اجرب
و ماحدش عارف يمكن الاقي الراحة في كدة
....
هناك 21 تعليقًا:
ريم
قررت ان اكون صريحة في تصرفي .. واضحة في مطالبي ..
جريئة في بوحي بمشاعري
انتى محتاجة كم رهيب من التصالح مع النفس حتى تقومى بهذه التجربة
شكلك هتبطلى تكدبى
او على الاقل هتبطلى تجاملى
وهتبدئى تردى على الموبايل
طيب ممكن بداية تحصرى قائمة بالاصدقاء والمعارف علشان لما تخلص التجربة هتكونى فقدتى كتير لانها دى مش تجربة عادية
انا باشوفها حرب ارادة مع النفس والناس
واستعدى للاتهامات المعتادة زى
هى مالها
هى لسعت والا ايه
مالها بقت غريبة براوية عدائية
خليها تعيش مع نفسهالوحدها
والاخيرة من اكبر النتائج للتجربة
وكمان فى نتيجة طبيعية تانية للتجربة
استهلاك كمية كبيرة من الليندت
تحياتى
منذر
مممم
موضوع لطيف ياريم
بس أنا عاوزة ألفت انتباهك لحاجه
الواحد بيتعرف من تصرفه
يعني من سلوكياته .. من طريقة معالجته للأمور
من خلال المواقف اللي بيمر بيها وطريقة تصرفه فيها
فتقدري تقولي علي فلان متزن
وفلان طائش
فلان مهذب
فلان ذكي
فلا لئيم
فلان يعتمد عليه
كده يعني
لكن أسلوب التعامل مع الأفراد
الي هو اضحك وانا زعلانه وأقدر ابتسم للذوق بس والحاجات دي فكلنا فعلا كده
ماهو مش كل حاجه جوانا هانظهرها للناس
خصوصياتنا بتاعتنا بس
الأطفال بس ياريم اللي مشاعرم صريحة أوي
زعلان يبكي .. فرحان يضحك .. بيحب فلان يروحله .. مش بيحب فلانة ولا يبص في وشها
لكن احنا كراشدين مش صح نعمل الحركات دي
المفروض نتعامل بذوق .. نحتفظ لنفسنا بس باللي جوانا
لكن انتي عندك حق في حاجه تانيه أنا باشجعها جدا
لما ألاقيني مش عاوزة أعرف فلان
ماينفعش أفضل أعرفه بس عشان ماحرجوش أو ماجرحوش .. أنا مش مجبرة أعرفه
مش عاوزة أعرفه يبقي لازم أكون صريحه
لما أكون محتاجه حاجه ... يبقي أطلبها
هايحصل إيه ؟
لما أكون حاسة حاجه .. يبقي أعبر عنها
حد له عندي حاجه
:)
( وش بيغمز )
بصي ياريم
الخلاصه
ان كلنا محتاجين نحتفظ ببعض منا لنفسنا بس
الباقي بقي اللي بنتعامل بيه مع الناس يعني الجزء منا الظاهر للناس واللي من خلاله بيحكموا علي طبعنا وشخصياتنا , ده بقي لازم يكون صدق وصراحة ووضوح
فهمتي حاجه ؟؟
:)
____
عجبني الموضوع ده
شكراً لأنه أعطاني مساحة أقول رأيي
تحياتي يا جميله
Lyssa
بالعكس
كدا هاتتعبى اكتر
لأن البشر مش كلهم كدا
ياريت لو نجحت تقولى لنا دى طباع وتعود صعب تغيره وظروف بتتفرض عليكى لازم تعشيها كماهى ليس لنا فيها يد لكن ممكن المحاوله تكون فكره جيده ياريت
هي صح هلوسة نص الليل و المفروض ما
ما يتاخد عليها اوي بس هتهبطو
من عزيمتي كدة يا جماعة (^_^)
منذر
لا فعلا تشجيع تشجيع يعني
على فكرة انا عملت حسابي وروحت اشتريت شكولاتة الخميس و بدأت ارد على الجوال و قللت مجاملات
بس عارف من ضمن مأربي الشريرة يمكن اني انخل الناس اللي في حياتي او اصفي منهم لاني حاسة انه كتير مالهم لازمة فيها و كمان انه اللي ما قدر يتعامل معايا بالاسلوب الجديد بعد كده لو جاملته او كذبت عليه او عاملته بغير حقيقتي ما احس بالذنب ناحيته زي حالي الان
اللي يعزني جد و انا مهمة وليا مكان مش عشان تغير اسلوب او طريقة تعامل راح يبعد ببساطة كدة
ليساندرا
تصدقي عندك حق متفقة معاكي في كلامك كله تقريبا
هو مش قصدي طبعا اني ابقى زي الاطفال في اظهار كل مشاعري للناس لانه انا بطبعي لو هقيس اللي بيظهر من مشاعري او تصرفي او اي كان على مية
فممكن يبقى 1% للناس العادية و 5% للاقربين الاقربين بمن فيهم اهلي و ده اللي تاعبني اوي كمية الكتمان و اللف و الدوران خلقت جوايا حالة تعب رهيبة و ارهاق فظيع يمكن في فترة حتى ماما بقت تتخانق معايا على النقطة دي انه طلعي اللي داخلك زي ماهو بلاش هروب و تزيف
فاكيد مهما طلعت من مشاعري و كنت صريحة في تصرفي لازم هيكون في جزء احتفظ بيه ليا
و من عارف ما يمكن اصلا ارجع اخاف تاني
و ابطل التجربة كلها
طب انتي عارفة انه ابتديت بجد اخاف من المدونة وبفكر اقفلها لانه اكتر مرة في حياتي احكي عن نفسي و اطلع اللي جوايا و اكون صريحة عني كدة هنا فيها فعلى قد ما بحبها و ارتاح فيها على قد ما ابتديت اخاف منها
ابقي زورينا دايما
دكتور عمرو
جايز فعلا اتعب بس مش عارفة ليه عايزة بجد اجرب يمكن الحكاية تيجي ايجابي معايا
بصي هو لو نجحت و كملت و ما خفتش زي العادة هجبي اقولكو من فرحتي بنفسي و لو التجربة نجحت معايا فاكيد هدري اقولك عشان الفرحة هتكون ضعف
بس لو بطلت من التجربة و خوفت و هربت هتكسف بعد ما اتحديت نفسي قدامكو اتكلم في الموضوع تاني
طب انتي عارفة انه ابتديت بجد اخاف من المدونة وبفكر اقفلها لانه اكتر مرة في حياتي احكي عن نفسي و اطلع اللي جوايا و اكون صريحة عني كدة هنا فيها فعلى قد ما بحبها و ارتاح فيها على قد ما ابتديت اخاف منها
-----------
لأ ياريم
كده مش صح
وانتي أكيد عارفه كده
إيه يخوّف ؟؟
ده مكانك .. صفحتك ..
إنتي اللي محدش يعرفها ولازم تتنفس
بلاش تخنقيها
وماتفكريش تاني الفكرة دي
لأنها فعلا مفزعة
كوني بخير
وطمنيني عليكي دايماً
:)
صحيح
كل ما نكبر بيبقى عندنا سيطرة اكبر على ردود افعالنا وبنبين بس اللي احنا عايزينه يبان
بس بردو في ناس مع الوقت بيفقدوا القدرة على التحكم في التصرفات وبيفقدوا الرغبة في انهم يتحكموا في افعالهم نتيجة انهم تحكموا في تصرفاتهم كتير وزهقوا وبقى عندهم اسلوب اهو انا كدا وان كان عاجب وانا اعتقد اني بقيت مؤخرا من النوع دا ما بقاش عندي القدرة على كتمان احاسيسي ولا الضغط على نفسي ولا للمجاملة
فقدت القدرة دي تماما مع الوقت
فقدت كمان الرغبة في التحليل والاستنباط ومحاولة معرفة دواخل الانسان اللي قدامي ودي كانت هوايتي في وقت من الاوقات لاقيت اني بستهلك طاقتي في شيئ مش هينفعني الحقيقة
تصرفات الناس لازم اتعامل معاهم على اساسها انا مش مسؤولة عن انك بتداري حقيقتك بتصرفات تانية ما تحاسبنيش على اني ما ستنبطش صح
انا ليا ظاهر المعاملات مش هوجع دماغي اكتر من كدا :)
اسلةوبي دا خلى الناس تحاول تبقى اكتر وضوحا معايا لانهم فقدوا الامل من اني افهم من تلقاء نفسي مع اني ببقى فاهمه بس بعند :)
يعني دي حالة زهق بمر بيها وطولت معايا شوية خسرت ناس على فكرة بالطريقة الجديدة دي بس انا فعلا فقدت القدرة على التحمل
موضوع رائع
نفسي كلنا نتصرف باللي جوانا نكون صرحاء في مشاعرنا
يعني ازعل اقول انا زعلانة افرح اقول فرحانة محتاجة
احساس ما اقول محتاجة مساعدة اطلبها نفسي اوي في
العالم ده عالم كله وضوح مافيه ناس بتتعب نفسها و تضيع
وقتها في لعبة الفهم و الادراك للمشاعر الغيرمعلنة و
المدفونة للاخر
....................
بصراحة مينفعش !!!
اتمنالك التوفيق في محاولتك
من احلى النجاحات اللي ممكن نمر فيها هي نجاحاتنا لما بنغير شيء جوانا او في صفاتنا لانه بجد بنتعب على ما نوصل لنتيجة اللي عايزينها
ليساندرا
هو مش وعد بس يمكن مش هيحصل لانه جوايا مش عايزة الصفحة دي تختفي يمكن لانها متنفس زي ما قولتي
فنون
انتي بجد جبتي المفيد فعلا انا زهقت و تعبت و ارهقت جدا من الموضوع ده صحيح انه الوضوح ممكن يألم ويجرح حتى احيانا
بس بجد عندي حالة ارهاق من الرمادي و عايزة الامور يا ابيض يا اسود و لو لفترة بسيطة
هو مش بس ما ينفعش الا مستحيل كمان يمكن خوفا من الالم جايز
و ياستي حتى لو مما نجحت هيسعدني اني اتغلبت على نفسي و حاولت
تصرفاتنا سلاح خطير فعلا
ممكننكسب بسببه عشرات الاصدقاء وممكن نخسرهم كلهم كذلك
واذا حبيتي تكوني فعلا صريحة مباشرة وبتعبري عن نفسم بحقيقتها .. ده مش هيعجب ناس كتير
ومش الهدف انك تعجبي الناس
لكن الهدف تعيشي معاهم في سلام
والسلام غالبا مش بيجي بالمواجهة
وقديما قالوا .. المواراة نصف العقل
يعني شئ من تزيين الكلام والكل فاهم
انت اتعاملي بما يظهر منهم ولا تتعبي نفسك بالخوض في افكارهم ومعني تصرفاتهم
عشان تنامي مرتاحة
ومتحصلش قصة هلوسات نص الليل دي
بس علي فكرة
دي هلوسات فلسفية بتعلي الفكر مش بتقلله
تخياتي
كوشيا
هو اكيد مش حبقى صريحة و واضحة بشكل جارح و مؤذي للناس
الفكرة مش كدة بس انا طبعي شخص كتوم فوق الطبيعي يعني بزيادة و حتى في الامور مش طالبة موراة وكتمان
و ده الشيء تاعبني جدا و يمكن حتى بيشوش الناس اللي حواليا فعايزة اققل من الخوف والكتمان ده وبس
هبقى احاول اهلوس اكتر عشان استمتع بتعليقك وزيارتك
كنت هرد بالظبط بنفس رد فنون..او بمعنى اصح اول جزء منه
انا كمان من الناس اللى ما بقاش عندها صبر تتحكم فى انفعالاتها و تصرفاتها عشان تدى صورة معينة للناس
ما بقاش يفرق معايا ابان ضعيفة احيانا و عنيفة جدا فى اوقات تانية..بالعكس بقيت بتعمد اتصرف بالطريقة اللى انا شيفاعا صح فى وقتها ايا كان الانطباع اللى هيتاخد عنى..كدا بجد اريح بكتير
دا غير انى شايفة ان دى مرحلة من مراحل النضج..انك تعرفى تعبرى عن اللى جواكى زى ما هو من غير تجميل او تقبيح..منتهى النضج فى رايي
شجعتيني يا لي لي اني اكمل التجربة بتاعتي يمكن الاقي زيك وزي فنون الراحة اللي انشدها
ساعات بحاول و كتير بفشل
ممكن اكون بتكسف بخاف مش عارفة
بس في الاخر النتيجة النهائية تصرفاتي مش زي افعالي
ممكن تقولي كدة اراديا على لا اراديا يعني مكس
ادينا بنحاول
بالنسبة للناس اللي بتفهم الناس
انا والدتي ماشاء الله من الناس دية
هيا تقولي رأيها في حد و في اغلب الاحيان بيطلع صح
برغم اني مببقاش شايفة كدة خالص
بس يلا خير
خبرة بقة
تصدقي
مش عايزة اكتسب هذه الموهبة
بحب اتخيل كل الناس بتتصرف من دافع انهم كويسين
وكان لازم يتصرفوا كدة
وحتى لو شايفة انهم بتصرفهم دة عاملين حاجة مضايقاني
برغم اني ببقى متضايقة عقلي يفضل يطلعلي مبررات عشان يصحح من موقفهم
بس عادتاً
انا لا اهتم بتصرفات الآخرين
لإني للأسف صراحةً
لا اهتم بالآخرين
ولا حتى بنفسي
أنا لا أجيد الأهتمام بالأشخاص
يلا خير
سلام عليكِ
نعكشة
بصراحة مش عارفة اذا دي نعمة ولا نقمة عدم الاكتراث بالناس او بنفسك
بس يمكن تكون الاتنين مع بعض
لكن طالما انتي مرتاحة كدة يبقى خلاص
هو على فكرة مش بس مامتك اغلب الامهات كدة يمكن مع الخبرة و الايام بس الموهبة دي احيانا رحمة لانها بتخليكي تحطي كل واحد في قدره و ماتتفجأيش و تتصدمي بحد
منوراني يا نعكشة :)
إرسال تعليق