نفسي افهمك بجد و يمكن حلم عمري اخد رحلة
داخل دماغ حضرتك نفسي اتامل افكارك و ادرس نفسيتك
اعرف جواب سؤال جوايا محيرني انت بتعاكس ليه؟!
هو حضرتك لو اكتفيت بالبنت اللي مش كويسة و اللي
جابت لنفسها و الله مش هلومك هقول هي السبب زي
ما دايما بتقول بس لما شررك يتطاير على بنت محترمة
و برضو هي السبب اصدقك ازاي؟!
صدقني دي والله غلبانة وتعبت اوي عشان
رضى سيادتك بس عشان حضرتك ترتاح ..
مش مصدقني طيب اصبر عليا و تعال اخدك
رحلة مختصرة جدا في حياتها ..
البنت دي اول ماكبرت و احلوت و بقت عروسة
زي ما بيقولو و خرجت الشارع بالهيئة دي صادفها
شاب زيك ساعات بيبقى امور وساعات معفن و
ممكن على الاغلب بيكون التانية دخلت دماغه وعجبته
و قرر يتصرف معها بسلوك يسمى المعاكسة و دي اول
مرة تعرف السلوك ده وطبعا كبنت محترمة بتجري على
امها و تقولها اللي حصل هنا الرد ايه يا بنتي مانتي
كبرتي و ماعدش ينفع هدومك دي لازم تغيرها و تلبسي
واسع شوية اصل الشاب انتي كدة بتغريه و يجري
يعاكس و طبعا المحترمة بتقتنع لانه كلام حق و
توسع اللبس او العباية ..
ترجع تخرج تاني و فرحانة مش هتتعاكس
عشان وسعت الللبس وحجة الشاب بطلت تلاقي
اخينا ده لسه بيعاكس ترجع تاني تسأل عن العيب
الرد ماهو يا بنتي عطرك ملفت ليه و هخيلي
الولد ينجذب ليكي و يعاكس بلاش وطبعا برضو
الكلام ده حق و البنت بتنفذه اتقاء المعاكس و
تبطل العطر و تخرج برضه تلاقي الاخ مصر ترجع
تسال عن السبب الرد.. ماهو يابنتي المكياج ملفت
برضو بلاش كتر المكياج لو هنا في السعودية هيبقى
عشان كاشفة وشك غطيه عشان ماتتعاكسيش ماشي
عادي ومش مشكلة كله يعدي و يهون
عشان الوحدة تتقي شر المعاكسة و صاحبها ..
ترجع تخرج تاني و برضو الولد بيعاكس في ايه
تاني ؟! اصل يا بنتي مشيتك مش ولا بد صلحي
المشية وامش كويس الولد مش هيعاكسك
من فراغ ماشي مشينا زي العسكري وبرضو ده
وراها .. ايه تاني اصل يابنتي ضحكتك عالية و
صوتك كمان ماشي و على العين خلاص وطيناهم ..
طيب كل اللي اتطلب من البنت فوق صح وحق
ممكن يطلب من البنت فعلا عشان تتقي شر المعاكسة
يبقى تعبت عشان ترضي حضرتي ازاي ؟! ..
هنا جينا للمفيد و لمربط الفرس يعني المفروض كدة
بقى البنت عملت اللي عليها لبس وسعته .. و حجاب
و ممكن نقاب لبسته .. عطر و مكياج شالته .. مشية
و صلحتها .. الصوت و الضحكة وطتها يبقى بنت زي
دي عملت كل حاجة ترضيك و تقيها اذاك و شرك واللي
ممكن تبقى برضواختك او امك تتعاكس ليه ؟!
ياريتك تتكرم وترد عليا و المصيبة ياريت بقيت حضرتك
بتقف عند المعاكسة لا ده بقى بتوصل معاك للتحرش بيها
كمان و في اماكن لا يصدقها عقل
يعني انا هحكي قصتي مع حادثة تحرش كانت هتبدأ تحصل
معايا و والله دي حقيقة مش خيال ومش الحادثة اللي تخض
لا اللي يخض في الموضوع الكيفية والزمان والمكان
حادثة اتعرضتلها شخصيا قبل حوالي 4 سنين تفتكرو الحادثة
فين مش هتصدقو في الحرم المكي .. و امتى في شهر
رمضان .. المفروض بنعمل ايه بناخد عمرة بعد صلاة
التراويح .. و عارفين فين يالتفصيل حدثت المحاولة دي
و احنا واقفين ندعي على الجبل بعد انتهاء
الشوط مواجهين الكعبة للتكبيريعني في بيت الله و في
شهره المبارك وبنأدي مناسك العمرة و احنا في وجه
الكعبة متخيلين يعني ده الانسان انا اسميه ايه بجد ده
انسان ميت و الله ميت ماهو اللي في الموقف ده وما
افتكرش ربه اكيد ميت و يمكن من رحمة ربي انه
الموقف حصل في المكان ده عشان
بجد لما بفتكره مش بفتكر الحادثة اللي كان ممكن
تأثر على نفسيتي قد ما بفتكر المكان و الزمان
و بعيش حالة زهول لحد دلوقت من الانسان ده ..
شفت ازاي البنت غالبانه و شرك اللي بقى حلمها
تتقيه ممكن في يوم من الايام يوصل لفين معاها ..
و في الاخر بترجع تقولي العيب على البنت و البنت
هي السبب .. و ماتقولش انا مش ممكن اعمل ماهو اللي
فوق ده اكيد بدء شاب بيعاكس في الحي لحد ماقلبه
مات كدة .. مش هظلمك و احط اللوم كله عليك
اه في بنت هي السبب ماتروح تعاكسها هي بدل
دي المحترمة بس انا هنا بكلمك و بنقاشك عن
البنت المتربية بنت الناس المحترمة اللي طول حياتها
بتخرج و هي بتدعي ربنا يقيها شرك
ف يا سيادة المعاكس و يا حضرة المتحرش
ارحمنا بقى و اعتقنا لوجه الله .. خاف ربك شوية
وراعيه في بنات الناس حاول و انت بتعاكس تدي
نفسك ثانية حط امك مكان اللي بتعاكسها او حتى اختك
لو مش قادر بخيالك تتخيل انها بنتك ثانية بس فكر عد
للعشرة وفكر و الله في نظرك هي ثانية بسيطة بس
هتفرق كتير عند بنت ماشية في الشارع وكل همها
و امنيتها تتقي شرك وتسلم من ضرك ..
هناك 18 تعليقًا:
اول ما بدأت اقرأ الموضوع وقبل ما اوصل لنقطة المعاكسة في الحرم كنت هحكيلك نفس القصة والله
كنا بردو في عمره
وبنطوف حولين الكعبة
وواحد حسبي الله فيه جه اتحرش في اختي
منتهى الاستهبال
بس انا اختي ما سكتتش :)
جابت الولد من قفاه
ضربته ضربه على قفاه الناس كلها اتفرجت عليه والولد طلع يجري زي الكلب
على ما بابا فهم الموقف بندور على الولد اختفي
منتهى السفالة والصفاقة
لا في مراعاة لحرمه السن ولا قدسية المكان
دا انت في بيت الله يا حيوان
المعاكسة مرض وداء
ربنا يحمي كل البنات منه ويشفي اللي فيهم الداء دا
موضوع جميل يا ريم :)
لو بعرفوا كم الالم النفسى اللى بيتركوه اكيد مكانوش هيعملوا كده مع انى بعتبر ان اللى بيعاكس غير انه طبعا مش عارف دينه كويس انه من المرضى النفسيين اللى بيعانى من عقدة نقص
هو كلامك صح في حاجت كتير
لكن انا عندي تعليق برضو
هو المشكلة ان البنات كلهم مش زي مانتي بتقولي وامهاتهم برضو مش زي ما انتي متخيلة مع احترامي
انا ساعات باشوف أمهات بنقاب وبناتهم ماشيين جنبهم بشكل غريب من ملابس ضيقة وفي منتهى الوقاحة
المحك هنا هو الوازع الديني فقط لا غير وحتى العادات والتقاليد مابقاش لها لازمة
ربنا يستر علينا يارب
الموضوع ده فعلا بقى منتشر جدا ... انا كنت رايح من فترة اقدم لاختى الملف بتاعها فى وظيفة فكان فى زحمة على الشباك وفجاة لقيت بنت منقبة قامت لاطشة اللى وراها على وشه وقامت مقطعة الفايل بتاعها وقالتله هنقعد فى البيت علشان خاطركم
بس بجد الموضوع ده نتيجة تراكمات كتيرة جدا اولها اختفاء القيم من مجتمعنا وانفتاحنا على الغرب بصورة مفاجئة ده غير عدم وجود الرادع القانونى اللى يوقف الناس دى .. لان مفيش بنت بتبلغ عن حادثة تحرش .. دول ساعات ما بيبلغوش عن حوادث الاغتصاب اصلا ودى فى حد ذاتها مصيبة لانها طبعا مش هتكون اخر ضحاياه
لا حول ولا قوة الا بالله
غباء فى غباء ان حد يستهين بقدسية المكان
اما عن المعاكسات فاعتقد قلة الدين والاخلاق سبب كافى اوى
عشان نلاقى تحرش ومعاكسة وغيرها
بوست حلو
بالتوفيق يارب
على فكره ياريم اساسا اللى بيعاكس مش بيعاكس على اساس البنت دى محترمه والا مش محترمه
هو بيدى لنفسه الحق يعاكس لمجرد انها بنت !!!!!
اى بنت بتتعاكس
الاحترام مش مقياس عشان منظلمش بنات كتير
انا ببقى ماشيه فى حالى لا بضحك ولا بتكلم عشان مش معايا حد اساسا ! وماشيه عادى جدا لا بدلع ولا بتنيل ماشيه وخلاص فى امان الله والاقى معاكسات ملهاش اى معنى !
ولا عند اللى بيعاكس وربنا !!!!!
اقسم بالله ببقى نفسى اساله هو انت استفدت ايه دلوقتى ؟!!
مجرد حاجه وخلاص
متفهميش لازمتها ايه!
بس اسكتى
انا قشعرت وانا بقرا الموقف بتاع الحرم
بس مش مستغربه بصراحه
فى ناس فعلا قلوبها ماتت بمعنى الكلمه
ربنا يهديهم
السلام عليكم ورحمة الله وبركاته
اولا انا بسجل اعجابى الشديد بالبوست بتاعك وبمدونتك عموما
انما موضوع المعاكسات ده
بجد بقت حاجه ملفتة للنظر زياده عن اللزوم
وانا مش هقوك ان انا ملاك لاء ممكن اعاكس بس بنظر بس يعنى حتى مش بتكلم
المشكلة ان دلوقتى الشباب بقم حاطين فى دماغهم ان مفيش بنت مش محترمة
وانتى الكلام الى قولتيه صح
بس لما شاب يكون واقف ويعدى عليه بتاع 10 بنات لبسهم ومنظرهم العام يثير اى حد ويجى يعدى علية واحده بس تكون لابسة لبس يرضى ربنا
اكيد بعدها هيقول كلو زى بعض
ربنا يعفى عننا ويستر بنات المسلمين
تحياتى ليكى
واتمنى تشريفك لمدونتى المتواضعة
اهنيكى على طرحك لى هذا الموضوع وليا فيه وجهت نظر
1. وهوا اهمال الاباء والاهمهات لى بناتهم واولادهم 2.وهوا اصاره البنت لشب بسيبها بى مشيها بى طريقت كلامها فى الشارع او دحكتها او نظرتها اتحدا اى شب لو شاف بنت محترمه انو يعاكسها لزم يكون فيها غلطه
3. انا بكلم بلسان الشباب لئنى انا منهم وعارف هما بيفكرو فى ايه يعنى متقنعنيش انى اشوف بنت لبه بنطلون يكون ديق جدا وبضى ديق جدا وطب ومعكمسهاش انا بقلها بعلو صوتى دى لزم اعكسها لكن معكسا عن معكسا تفرق يعنى ممكن احسسها بى اعجابى بيها فقط
مثلا على فكره انتى جميله جدا الطقم عليكى توحفه ياريت اشوفك تعدى تانى من هنا كدا مثلا مش بقه زى الشباب التنيا يجمده يمشعارف ايه والفاظ دا طبعا يرجع لى البيقه واهنيكى تانى على طرحك لى الموضوع الجميله ده بوست جنان واتمنا زيارتك مدونتى
فنون
امين يارب جبد مش قادرة افهم الانسان ده للدرجة دي اتمحى الخوف من ربنا تسلمي يا فنون
------------------------
monaliza
ياريت في طريقة يحسو بيها ولو هو مريض بقى يا يروح يتعالج يا يسجنوه في مستشفي امراض عقلية يرمي بلاه على بنات الناس ليه
ميرسي على ردك وتعليقك
------------------------
صاحب المضيفة
انا معاك انه في بنات تستاهل الحرق طيب يروح يهاكسها ليه يعاكس
البنت اللي بتبقى محترمة و دي الي اقصدها بالبوست يسيبها و يعاكس التانية ده اللي بجد مش لاقية ليه تفسير
------------------------
Eldebug
حسبي الله ونعم الوكيل فيه بجد الانسان ده
و كمان منقبة بيعاكس فيها ايه طيب دي
فعلا عندك حق السبب الرئيسي غياب الدين و الناس غالبا بتقولك لا عشن الفضيحة وعيب ده غير انهم ممكن يرجعو السبب على البنت اللي بتكون ضحية فعلا بس صعب جدا انك تخرج مجتمع من موروث خاطئ و تحاول تقنعه بغيره
---------------------------
نهر الحب
شكرا على ردك و زيارتك مبقتش استغرب بعدموقف ده الناس قلوبها ماتت الظاهر
-------------------------
امولة وحشتيني
جايز جدا عند حق او انه بيبقى بيثبت لنفسه انه راجل لانه كتير لما بيحكي الشاب على مغامراته دي بتلاقي ترحيب وتشجيع من الي والي و انه كبر وكلام م ده
و فعلا الناس بقت تخوف وبقت في موت قلب وغفلة فظيعة
-----------------------
عمرو النوبي
معلش اسمحلي ده مش سبب مقنع خالص يعني ايه عشان عدو 10 مش كويسين يبقى كل البنات زي بعض طيب ماشي يعاكس العشرة دول ويسيب الي شكلهم محترم وبعدين والله يفكر بعقله الداهية اللي بيعرف يتحرش و يعاكس انه زي ما اهله عرفو يربو اخواته وطلعو كويسين في اهالي تانية هي كمان عرفت تربي بناتها يعني لاقاموس التربية و دليل التهذيب نزل على اهله ووقف ورثهم عندهم
شكرا لردك و زيارتك لمدونتي المتواضعة
-------------------------
ادم المصري
صدقني بلاش تتحدى ابدا و
معليش بختلف معاك يعني المثال الي انا ذكرته بتاع الحرم تقدر تقولي غلطة ايه اللي كانت فيا يعني اكيد لا المكان ولا الزمان يسمحو انه اصلا الوحدة تفكر انها تلبس مش عارف ازاي ولا تتصرف بطريقة تجيبلها المعاكسة و بشوف بنات بجد مافيش عليهم حاجة و ماشية في حالها و برضه بتتعاكس وبالفاظ سوقية جدا معلش البنت بقت بتخرج على اعصابها وتراعي كل حجةتبعد عنها المعاكسةوبرضو بتتعاكس وطالما في بنات حتى مع ابوها بتتعاكس يبقى هنا العيب على الشاب على الاقل يحترم راجل قد والده في بنته وما يعاكسش
و احب اوجه نصيحة بس و اسفة اذا هتزعلك مني بس بجد البنت الكويسة حتى طريقتك انت في المعاكسة مش هتعاجبها اكيد لانه انا لما البس بصراحة مش مستنية شاب مااعرفهوش يقولي الطقم حلو اكيد عندي اب واخ او زوج او خطيب يقولي الكلام ده مش هبقى عايزة اسمعه من شاب عديت من قدامه لاني مش لابسة عشان اعجبه اصلا
بس نموذج البنت اللي انت ذكرته لو اتعاكست هي جابت لنفسها لانها خرجت كدة بس برضو ارجع اقولك ربك زي ما امرها تستر نفسها و هي خالفته و اهانت نفسها امرك انت بغض البصر فبجد حاول تبقى احسن منها وتمتثل لامره و افتكر انه كما تدين تدان و مبقاش شرط انه البنت تمشي مش محترمة عشان تتعاكس دي بقت في كل الاحوال بتتعاكس
اسفة لو كلامك دايق حضرتك في اول زيارة لمدونتي بس مقدرش ما اقولش الحق
و شكرا على ردك الكريم
هو فعلا الى بيعاكس انسان ناقص
و قلبه فعلا بيموت و مش بتفرق معاه حاجه
ربنا يكفى البنات الشر
تحياتى
امين يارب و شكرا على مرورك على مدونتي
دلوقتي اللي بيعاكس مش بيعاكس عشان البنت
بقا بيعاكس عشان يعمل منظر ؟؟؟؟؟!
والبنت بقا زنبها مزنبهاش مش مهم
يعني محترمة .. مش محترمة وتلاقي بني ادم ملوش اي لزمة ماشي ولامم حواليه صحابه وعايز يعمل منظر
واللي بيحصل بقا
وبيبقا منظر البت يصعب عالكافر
وخاصة مع الحاجات اللي بنشوفها تلاقيهم يحاوطوها والبنت مش عارفة تفلت منهم
ومرة في منطقة المنشية باسكندرية شوفت واحد بموتوسيكل وعمال يلف حوالين واحدة في دايرة والبنت مش عارفة تعمل اي حاجة
اما باقي الشعب فبلا استثناء بيعشق دور المتفرج
ربنا يتولانا
شكرا يا ريم
عندك حق يا محمد فعلا بعض الولاد بقى
واخدة منظرة فعلا و خصوصا انه بيلاقي اللي بيسفقله لو عمل كدة وساعات من اهله نفسهم اللي المفروض يربو ويوجهو
بس نقول ايه في الاخر كما تدين تدان
عاكست بنات الناس بكرة امك اختك مراتك او بنتك تتعاكس و ما يقولش محترمة ولا مش محترمة لانه بجد مبقاش يفرق
الا اذا هيسجنها في البيت ده موضوع تاني
شكرا لتعليقك يا محمد وربنا معاك انت و كل اللي بيمتحنو
الاستاذة ريم
انت بارعة جدا فى عرض المشكلة
ولكن هى وجهة نظر فى النهاية وليس كل الفتيات لهم هذا القلب
فكثير منهن يطلبن هذه المعاكسة بملابسهم ونظراتهم واسلوبهم وليس هذا دفاعا عن هذا السلوك ولا تبريرا له
لأنه يبقى دائما دليل على ضعف النفس وحقارتها
...........
ننتظر جديدك دائما
تقبلى تحياتى
........
نور الدين محمود
ف يا سيادة المعاكس و يا حضرة المتحرش
ارحمنا بقى و اعتقنا لوجه الله .. خاف ربك شوية
وراعيه في بنات الناس حاول و انت بتعاكس تدي
نفسك ثانية حط امك مكان اللي بتعاكسها او حتى اختك
لو مش قادر بخيالك تتخيل انها بنتك ثانية بس فكر عد
للعشرة وفكر و الله في نظرك هي ثانية بسيطة بس
هتفرق كتير عند بنت ماشية في الشارع وكل همها
و امنيتها تتقي شرك وتسلم من ضرك ..
-----------------------
صدقينى يا ريم ...معظمهم مرضى...رابع مدونة اخشها القى الموضوع دة..شكلها هاتبقى حملة هايلة...
صدقينى يا ريم المشكلة فى ضياع الاخلاق ببساطة ضاعت فلم يبق اى شئ اى شئ
استاذ نور الدين
ماهو ده اللي بيعصبني و يحرق دمي يا استاذ نورالدين انه في بنت عايزة تتعاكس و بتحب تتعاكس وانه بس كفاية نظرة منه وهي تفتحله كل ابوابها
ليه بقى بيجي يعاكس الوحدة اللي محترمة نفسها و ماشية في حالها
------------------
الغزالي
عندك حق فعلا بس لامتى هنفضل نستحمل ضياع الاخلاق و اثاره امتى هيبقى في وعي كافي بين الشباب و البنات بجد الموضوع بقى بزيادة اوي وبقى متعب اوي
اكيد انتى اموره اوى ياريم ، وبصراحه ساعات الواحد مبيعرفش يسكت لما يلاقى واحده اموره ، فبيتكلم بتلقائيه !
مع العلم انا مش بتاع معاكسات ، الا فيما ندر ونادر جدا كمان وبتبقى واحده تنطق الحجر حتى ولو محترمه فى لبسها
انا رايى تتنقب احسن احنا بشر
طب هعمل ايه
بحاول اغض والله اليومين دول والحمد لله
الجماعه بتوع ضياع الاخلاق !
ممكن اعرف ضياع الاخلاق عند مين بالظبط
لسنا يوسف بن يعقوب
وليس كلهن امرأة العزيز
الموضوع بيختلف باختلاف الحال
احياناالسبب بيكون البنت
واحيانا بيكون الشاب وقح ومش متربى
إرسال تعليق