قال : قولي احبك
قلت : و لكني فعلا قلتها
قال : و كيف لم اسمعها ؟!
قلت : قلتها في صمتي في شوق عيناي
بنبضات قلبي و لمسة يداي ..
قال : لكني اريد ان تسمعها اذناي ..
قلت : و الميزة في ذلك ؟!
قال : لكي اشعر حلاوتها و استمتع بها ..
قلت :و لكنك تسمع الجميع باذناك تسمع الكذب
والنفاق تسمع كل الوان السباب و رياء الناس
تسمع كل المجاملات و اعذب الكلمات فما
الذي سيميز كلمتي ان سمعتها بأذناك ؟! ..
قال : و انا ايضا
قلت : انت ايضا ماذا ؟!
قال: الم تقولي احبك
قلت : ولكني لم انطقها بعد؟! ..
اللي فوق ده عبارة عن خرابيش
بعنى الكلمة و ركاكة فظيعة وملل
في الاسلوب .. دي ماهي الا عبارة
عن قصيدة من اوائل ايام الثانوي
لقيتها صدفة من سنة ومت عليها من الضحك
اصلي افتكرت احساسي بيها اول مرة كتبتها
احساسي اني كدة عبقرية وشاعرة حساسة
فرحتي و انا باخدها لصحباتي و بيقروها
بانبهار و الله حلوة ياريم ..
لكن دلوقت بقراها و انا ميتة يااااااه
ايه الهبل ده معقول الواحد كان فاكر حاجة
بالعبط ده مهمة لا و كنت شايفة اني استاهل
عامود في مجلة او صحيفة اصلي مش اقل
من اللي بيكتبو ماهم بيكتبو زي الكلام ده
عامود مين ده انا لو حصلت هامش
على طرف المجلة كتير عليا ..
بس بجد عجبني احساس قد ايه الواحد
كان بريء كان عبط زي ده عبقرية
عنده .. كان حاجة تافه كدة تفرحه
مش زي دلوقت صعب حاجة تعجبه
حتى الفرحة بيستكترها على نفسه
و بقى يتفنن يلاقي ازاي الحزن
..
قررت ارجع ادور على الحاجات القديمة
جمعتها في صندوق كل ما اتوه وعايزة
ابعد عن العالم ارجع للصندوق ده
و ادخل العالم اللي فيه انسى نفسي معاه
اضحك .. ابكي .. اتريق المهم في الاخر
ارجع شوية لريم بتاعت زمان
هناك 11 تعليقًا:
على فكرة مش ركيكة ولا حاجة
امال لو شفتى اللى انا كنت بكتبه..الحمد لله انى ما احتفظتش بيه و الا كان جالى انهيار عصبى من كتر الضحك عليا:))
و عايزة اقولك ان من ضمن اسباب اضرابى عن الحب و الجواز انى لا هعرف اقول بحبك ولا غير بحبك ولا عايزة اسمع الكلام اللى نصه متكرر و نصه التانى من ورا القلب..متزوق و محفوظ و ما فيهوش اى نوع من انواع العفوية..قال بحبك قال ده انا الكلة دى تحديدا بتتحشر و ما بترضاش تطلع و لو عملت ايه اقوم اقولها و اخليها زى صباح الخير كده عشان فى ناس ما بترضاش غير بالكلام اللى بيتقال بالبق..استحالة يحصل يعنى :)
ياشيخة
في حاجات ما ينفعش فيها مجاملة صدقيني
اما مسألة الاضراب يا حبيبتي الحاجات دي
نصيب و مكتوب اتعلمت تماما اني احترمها
لانها يوم ماتيجي صح مش بيبقلنا اختيار
اوي
بس ربك يبعتلنا النصيب الكويس
بس اما تحصل بلاش تقولي الحب فعل و ليس
قول والكلام ده خليه فعل و قول اصل تخيلي
فعلا الست طلعت بتحب بودنها
و في قناعاتي كلمة بحبك دي لما بتبقى بجد
مش بتتقال بسهولة خالص دي عايزة
مراحل رهيبة عشان تتقال و حتى لو اتقالت
بعد كدة مش هتهمتي تسمعيها اوي و في كل مناسبة
بس حلوة من فترة لفترة
طبعا منوراني بطلتك وتعليقك
بجد مش وحشه
اى احساس جميل دايما بيستمر سواء فى ايام المراهقه او ايام الشباب
حوارك دليل على انسانه خجوله فى حبها بتحب ولكن كبرياء المراه الشرقيه
الطاغى عليها
حوار ايه بس دي خرابيش فارغة
بس الحلو فيها انها بترجعني لايام حلوة
انما هي لا تعليق
شكرا لتعليقك
ازيك ياريم
انا مقصر شكلى معاكى والله
هقرى وارجع تانى ان شاء الله
الى انا آتى
لا عادي والله لاتقصير ولا حاجة
كلنا ساعات بتاخدنا مشاغل الحياة
ربنا يفرح ريم بتاعة دلوقتي وبكرة :)
على فكره انا زيك كده ساعات بكتب حاجات وتطلع مش حلوه بالذات لو شعر
بس صدقينى انى كتبتها وحسيتها فده جمال يكفينى
وعندك حق انك ترجعلها ةتقريها وتفتكرى لما كتبتيها ومشارك ساعتها ...حتى لو ضحكتى وقلتى ايه اللى انا كنت فيه ده؟
ايمان
يارب ياستي و يفرح ايامك كلها انتي كمان
*******************
استاذ محمود
اهلا بعودتك
و فعلا انا بيتهيألي الكل الا مافي حياته
حاجة عبيطة كدة كان فاكرها مهمة بس لو الكل يجربو يرجعولها بعد فترة من الزمن بيبقى احساس حلو اوي
الواحد باستمرار بيقعد يقلب في الكتابات القديمة ويقعد يقول هو الواحد اللي كتب ده فعلا
احيانا بتكون جميلة بجد وأحيانا بتكون اي كلام
ربنا يعزك يارب وتكوني أديبة كبيرة في يوم كمان
:):):):)
تحياتي
عندك حق فعلا
بس ابقى اديبة مش ممكن بصراحة
والله الواحد و دع احلام المراهقة دي
اديبة مين دي اللي هتخرج من ورا الشخابيط دي
شكرا لتعليقك
إرسال تعليق