المثل ده عندنا بيتقال للوحدة لما بتبقى
مش بتتهد من كتر الرقص ..
يعني في كل فرح تلاقيها فوق الكوشة مع
كل اغنية شغالة هز .. كل ما تسمع لحن
عاجبها تلاقيها بتتتمايل وتهز ..
فبيقولولها من رقص .. نقص بمعنى هو
في الاخر شيء ماهو طيب فخفي على نفسك
الموضوع قديم شوية بس من شوية كنت
بتفرج على احدى قنوات الاغاني
ولا خلونا نتكلم بوضوح و صراحة
قناة مزيكا وجاه اعلان لهدى و بتتمايل
و زكي يا زكي .. سيبنا من هدى لأني كنت
بتفرج على اللي ورا هدى رجالة طول بعرض
و بشنبات كمان و اقفين يترقصو
ولا اجدعها بنات كليبات وفي تحسهم
رجال كبار معدين التلاتين .. ولا البرنامج
اللي فيه الاخ ماعرفش اسمه ايه .. اللي
فرحان انه اشهر راقص شرقي في
مصر و الناس بتيجي تتفرج عليه ..
و عشان ما ازعلش حد و يقوللي
بتتكلمي على مصر ليه و مالك ومالها
لاني بقيت بسمعها كتير.. كلنا في الهوا سوا
حتى هنا في الخليج بقى الموضوع بزيادة
افتح روتانا خليجية اشوف جلسات
الطرب الخليجي اتفرج على شباب
يهزو الوسط و الجسم زي اللبان
و الله اجدع من اجدع بنت خليجية..
و في العيد على البحر كمان مسابقات
رقص الولد يتمايل و يتميع في التوب
ولا بنت العشرين و يقولولي نحارب شباب
الكول ورقص الراب و الهيب هوب
و الله عليا يبقى كول يرقص راب
وهيب هوب و لا المياعة اللي بنشوفها
من اصحاب الثياب و الشماغ و العقال ..
بجد بقى حد يقولي
خير ايه اللي حصل ؟!
هو في ايه في الدنيا ؟!
اذا كان البنت لما ترقص كتير بيتقالها
من رقص نقص افهم يقوم الشاب
يهز الوسط ليه ؟!
مافي رقص للرجال اقرصوه لازم
الرقص بتاع الستات ده ؟!
يعني معلش ده اللي بيهز الوسط بالذمة
هيخرج ايه للمجتمع هتشكم مراتك
بكرة ازاي ؟! دي من اول خناقة هتقولك
روح بالله عليك و انت مش فالح غير
في الهز..
ابنك هتقولو عيب و خليك راجل و اعمل
ماتعملش على اي اساس ؟!
على اساس يلا اديله و شوف الرعشة ازاي
و لما يجي يتجوز يقولو والدك بيشتغل
ايه يقولهم رقاص هيتشرف بيك ازاي
بنتك هتربيها على القيم ازاي ؟!
ولا لما تيجي تتجوز بالذمة تتباهى
بابوها قدام زوجها وترفع راسها بيه
ازاي ؟! شبكتها هيكون طقم صاجات مثلا..
بجد مش عارفة اقول ايه بس انا محروقة
اوي و مقهورة موووت على الرجال دي
اللي اخرتهم بقت هز الوسط ..
و لسه يابنوتة تقولي لي مش بتحبي يقولولك
بقيتي راجل و انتي بمية راجل .. ماهو لما
الراجل يعمل كدة يا قلبي لازم عشان جدعنتك
و قوة شخصيتك تبقي راجل ..
هناك 8 تعليقات:
ريم
عندك حق والله كلامك كله صح
بس ليه مش سالتى نفسك الرجاله دى بترقص ليه السؤال دا جاوب عليه بقى مطرب اسمه سعد الصغير بيقول لان الشباب مش لاقين شغل خدهم معاه فى فرقته
طبعا دى اهانه كبيره للشباب
انه ينكتب انه راقص فى وظيفته
بس اقولك اتغيرت الاحوال يا ريم
كل ينى على ليلاه
سلام يا ريم
ربنا يسترها على الجميع
الله يرحمك يا رجوله
تحياتى
حال الرجالة بقى يقرف بجد
انا بتعامل مع طلاب جامعات اغلب الوقت و تلاقي الولد اسمه يهز جبل
اول ما يتكلم
تقولي يا عيين ماما؟!!!!
دة انت انعم مني
ايه اللي بيجرالنا و ايه الشباب اللي لا همة رجالة و لا ستات ؟؟؟!!
هو فيه ايه
رومنسي
ممكن عشان الفلوس فعلا الواحد يعمل كل حاجة و اليأس كمان يخلي الواحد يرضى باي باب يتفتحله
ربنايستر من اللي جاي
********
ممكن
هو اكيد لسه الرجولة ما ماتتش ولا كانت خربت فعلا
ربك يهدي الجميع
*******
انتي هتوقلي يا لينو انا والله في شباب بيخلوني احس اني بقيت راجل
ربك يهدي ياستي
الشبكه هتكون طقم صاجات
هههههههههههه
على اساس يعنى انه هيشغلها هى كمان رقاصه ده ان مكنتش كده اصلا
عندك حق
بس انتى كده هتتعبى من التفكير فى اللى وصلت ليه مجتمعاتنا
تقليد اهبل للغرب واحنا خيبه فى اى شىء مفيد
صدق من اخبرنا اننا سنتبعهم شبرا بشبر
حتى اذا دخلوا كهف لاتبعناهم
والعيب علينا وفينا
هو من ناحية هتعب عهتعب لانه حاجات كتير بقت حوالينا غلط
ياريت بس نقلد الغرب في المفيد لكن لا
و رغم انه الموضوع مش جديد بس مش عارفة ليه المرة دي عصبني فعلا
بجد زعلت اوي على الراجل وهو بيرقص زي الست و فرحان بنفسه يمكن لانه الراجل عندي حاجة كبيرة فماهانش عليا يبقى منظره كدة
ربنا يستر من بكرة و من الاجيال اللي جاية اذا دلوقت كدة
ازيك يا ريم اخبارك اية..اولا شكرا جداا على تعليقك الاخير عندى لانة اعتبرتة مدح بجد مش نقد...
نرجع بقى لموضوعن...
فى فرق كبير اوى بين الذكور والرجال الفرق بينهم زى الفرق بين عملتنا المحلية واليورو كدة..صدقينى الاشكال دى لما بشوفها مش بحس غير بمغص..بس كدة
سعيدة انه تعليقك عجب حضرتك و ما ادايقتش منه
وفعلا انا دايما بردد العبارة دي الذكور بقو كتيييييير جدا و الرجالة
بقو قليل اوي
إرسال تعليق