النهاردة عيد ميلادي وهتم 24سنة
قررت اهدي نفسي الوردة دي
.. التوليب ..
او زهرة الحب الخجولة زي
مابيقول معنها بشوف فيها
نفسي وهي مادة نفسها للحياة بس
مخبية نفسها و داخلها بخجل
و احيان قليلة بتفتح قلبها
حابة الناس تشوفها بكل جمالها بس محتفظة
باللي جواها ليها و بس و خايفة
حد يشوفه ويعرفه
يمكن في يوم اغير الوردة و تبقى
وردة مفتوحة و كل اللي جواها
بيتشاف و يتقرا
بس لحد الوقت ده هتفضل وردة التوليب هي
انا الكل شايفها بس محدش عارف
ايه اللي بتخبي اورقها الا لما يقرب
كويس و يكتشف داخلها ..
زمان كنت شايفة اني لما اوصل24
هكون عملت حاجات كتير
ماتوقعتش انها تيجي عليا و انا كدة ..
مش عارفة اقول ايه عن السنة اللي عدت
من عمري دي؟!
هي احسن من السنين اللي قبلها بس اسوء
بكتير من السنين اللي قبلها ..
لما اراجعها بقبلها بس في نفس الوقت مش
راضية عنها ..
جوايا حاسة السنة دي هتكون احسن او هحاول
اخليها احسن او ممكن يكون مجرد
احساس كاذب و تفاؤل زايد ..
يلا المهم اني بصحة وعافية و كل سنة و انا
احسن من كل سنة قبلها ..
هناك 24 تعليقًا:
كل سنه وانتي طيبة ياريم
وان شاء الله السنه دي تحققي كتير من أحلامك وتحققي كتير من نفسك
انتي فعلاً زهرة تيوليب
ومش تحاولي تغيري ده غير لما يتغير لوحده
وكل سنة وانتي زهرة وورده جميلة
:)
بس مش كنتي تقولي يابنتي كنا جبنا تورتة وجاتوه وعملنا حفلة آآآآآآد الدنيا ؟؟
:)
انا كمان كنت مفكرة إني لما أوصل ل24 كنت هابقي حاجه كبيرة أوي وحققت ع الأقل نص أحلامي وطموحاتي
بس هوا اشمعني 24 يعني ؟؟
عموماً إن شاء الله الجاي أفضل وأحلي
:)
أمنيات طيبة كتير علشانك ياتيوليبه
:)
هييييييييييييه
اول تعليق
كل سنة وانتى جميلة يا جميلة
هو انا ماليش حتة من التورتة
ابقى عينى نصيبى ولا اقولك ابعتيه على مدونتى
كل سنة وانتى طيبة يا قمر
كل سنه وانتى طيبه وعقبال مليون سنه
ان شاء الله هتحققى احلامك وتبقى زهره مفتحه جميله وفيها امل للحياه
هييييييييييه
اول تعليق
كل سنة وانتى طيبة يا قمر ويارب اشوفك بتحتفلى بعيد ميلادك الشتين
كل سنة و انتى طيبة يا ريم و عقبال 1000000 سنة و تحققى كل اللى بتتمنيه و اكتر ياااا رب
عجبنى اوى وصفك للتيوليب و استغربته جدا فى نفس الوقت عشان انا كنت عايزة اكتب عن عشقى لدرجة الجنان لوردة ال لى لى فاستغربت توارد الافكار ده جدا:))
بس انا ما كنتش هعرف اوصفه حلو زيك كده
كل سننة و انتي يا قمر طيبة و بصحة و سلامة و كل احلامك تكبر و تتحقق
كل سنه وأنتي طيبه
وكل سنه وحلم جديد يتحقق
دمتي بكل الود
ليساندرا
ميرسي و انتي طيبة ياقمر
كنتي تجيبي التورتة طيب
موضوع ال 24 يمكن عشان رنتها في الودن انك كبرتي فعلا و بقيتي في مرحلة جادة بتحسي فيها العمر فعلا بيمشي مش زي 21 و كدة بتحسي رنتها في الودن بتقولك انتي لسه ضنتوتة
بسمة
و انتي طيبة
ماتغلاش عليكي بس سامحيني بقى ما جبتش كيكة
رومانسي
و انت طيب يارب
و ميرسي على كلامك الذوق
ياسمين
و انتي طيبة مش عارفة اقولك ايه على كلامك ربنا يخليكي
و انا كمان بجد بلاحظ اني افكاري بتتوارد مع افكار بتكتبيها
بجد مرسي اوي على كلامك
لينو
و انتي طيبة يا قلبي
الشارد
متشكرة و حضرتك طيب
ريم
كل سنه وانتي طيبه
وان شاء الله بتحققي احلامك لهذي السنه :)
وتبقي توليبه منوره الحياه
زادك الله العمر والطاعه
ريم زوريني في مدونتي :)
اختك شكولاتة بجرب ادخل بالمعرف حقي ماهو راضي
شوكولاتة
تسلمي ياقلبي و انتي طيبة
على فكرة انتي داخلة عندي بمعرفك شكولاتة
يا عمـــري :)
كل عــام وانتي بخيــر ريمو
صرتي 24 سنة يابنوتــة :)
العمر كله يارب ..
مافاتــك الوقت حبيبتي
تقدري تحققي وتعوضي كل اللي راح
طالما الأمل بالله موجــود..
والأهم انك بخير
صح حبيبة قلبــي :)
والله كويس
لاني بجد امسك المدونه حقتك من الاول
واجهز التعليقات ولما اجي ارسلها ماترسل مره يقول التدقيق خطأ ومره كلمه المرور
لكن مادام جربت الطريقه هذي بستخدمها
بس لو لاحظت ماني زيكم يعني اسمي ماهو زيكم :(
يله ماعليه
للاحتياط شكولاتة
سارة
و انتي طيبة دايما
تسلمي ياحبيبة قلبي على كلامك الحلو و المشجع دايما
شكولاتة
المهم انك منورتني بالمعرف ده او غيره
اووووووبس
انا متأخرة اوي :(
كل سنةوانتي طيبة يا ريم وان شاء الله تفضلي دايما بصحة وعافية وكل سنة افضل من اللي قبلها :)
فنون
مش مهم بدري ولا متأخر ياستي
و انتي طيبة يارب تسلمي
دائما و أبداً .. أحصد لقب المتأخر :D
أسف جدا جدا على التأخير .. و كل سنة و أنتى طيبة و بصحة و سلامة ..
و على فكرة أنتى أكبر منى :D ( وش بيطلع لسانه )
بس للأسف أكبر منى بشهر و كام يوم ..
85 دى سنة العظماء :D
و انت طيب
بقى سنة العظماء ياقباري
طيب يارب تبقى سنة العظماء بجد
و مش مهم بدري او متأخر بقى
طيب كل سنة وانتي طيبة طيب :D
على فكرة يا ريم
24 حلوة :)
رقم 4 بجد حلو :)
يمكن بيفكرك بالربيع
انتي عارفة طيب..إن باين يوم الأربعاء من كدة
مش عارفة,مش فاكرة
بس,,أربعة بعيدة عنها :)
بس حلوة :)
عمر
14
و
24
تحسي,,
إن..4 بتضحك :D
و
74
:D
و
54 برضه :)
هههه..يا قمر بهذر معاكي :D
مش بهذر على فكرة.مش عارفة :)
و انتي طيبة يا ايمان
و لو انه الشهر خلص خلاص
إرسال تعليق