منتداياي الغالي اصبحت المدينة الفاضلة
عشان كدة زهقت منك ..
****
لحظة قلق بس كانت كفاية عليكي بس
لحظة قلق ..
****
هو ايه قصة البنات و الحمامات تقريبا مافيش
حمام نسائي في اي مكان الا وماليان بنات
زي ما تقولو كدة بقى رابط وثيق بين الحمام
و بعض البنات ..
****
ملاحظين معايا انه في موجه جديدة من ستات عواجيز
بتتصابا في عالم الغناء العربي ماهولو كانو عايزين
يغنو حقهم جات عليهم بس لمايبقو فاكرين نفسهم
من دور نانسي و جنات دي مشكلة ..
****
المرأة و الرجل و الرجل و المرأة
كنت بحب المواضيع دي بس جالي صداع مؤخرا
امتى بقى نشوف حاجة غيرعلاقة ادم و حواء ..
****
اتعلمت انه لما الموقع اللي بحمل منه الافلام
يكتب للكبار او +18 على فيلم درامي رومانس
او كوميدي مش معناه كم قبلة و حضن زيادة
لا معناه انه دراما اباحي او كوميدي اباحي
يخليك تكره و تحتقر نفسك اسبوع بسبب مشهد
يلا كل طراق بتعلوم على راي هل الكويت ..
طراق = ضرب بالقلم , تعلوم = تعليم
****
شوفت اعلان كليب سانارا سانارا بتاع هيفا
هي سنرى طبعا بس هي بتنطقها كدة
قعدت اتأمل باستغراب ليه واحد بالغ عاقل حر
يدفع كل الملايين دي في وحدة ملك عام ..
****
الحب في المسلسلات التركي حاجة لذيذة اوي
حبيتي تهربي مع حبيبك وتتجوزو عادي حقك
و الكل يشجعك ويتعاطف معاكي و اللي حب وحبيبه
راح لحد التاني يا يتجنن يا يقتل يا يولع في
نفسه و اللي تقص شعرها و اللي تدخل غيبوبة
و اللي يضحك في الآخر بيرجعو لبعض طب
على ايه الخاسير دي كلها من الاول
بس اعترف عندهم دراما بسيطة تشد احسن
من الدراما العربي اللي قرفتنا بكى ومصايب
( انا مش متابعة والله بس بكون بستنى باب الحارة
باليل بعد ما المسلسل التركي يخلص )
****
في بعض مواقف تخليك ماتعرفش تعتب
على غباء الصغير و لا على هبل الكبير
سبحان الله في ناس بجد كبيرة وهبلة
سؤال كدة : هي الوحدة لما اللي قد جدها
الله يرحمه يعاكسها و يلاعبلاها حواجبه
تعمل ايه ؟!
****
زمان كان الكلمة القبيحة عيب و الشتيمة قلة
ادب دلوقت عايز توصل و تعجب و يقولو
عليك مبدع عليك بسيل من الشتائم و كمان لو
معاهم كلمات اباحية تبقى الله عليك و مافيش
زيك وانت اللي الدنيا كانت محرومة منه و بتستناه..
****
ياترى افكار الوحدة و وجهة و نظرها و اصرارها
عل اسلوب تعامل سيء مهم اوي تتمسك بيه حتى
لو كان نتيجته الحتمية ومن اغلب الناس كلمة دي
مش متربية تفتكرو اهلها اللي ربوها و كبروها و
تعبو عليها يستاهلو كلمة زي دي بسبب عند بنتهم
في اسلوب تعامل يا غبي يا منافق يقول عليه صح ..
****
برامج التوك شو بقت كتير اوي اوي
لوك لوك لوك لوك لوك لوك
في كل المحطات مش بيزهقو من الكلام
خاصة حضرات الفانين و السادة المغنيين
و ياريت كلام بنتيجة وفايدة كله في الهوا
بس نقول ايه ما احنا لما نمسك في حاجة
مش بنعرف نعتقها او حتى نجددها ..
****
رسالة
من ساعة قرارك و انا افتقد وجودك و النقاش
البسيط معاكي من خلال تعليقاتنا عند بعض
مش بقول كدة رغبة عشان ترجعي
( ما تفهمنيش صح )
بس عشان افتكر انك في مرة قولتي انك مرعوبة
لاتكوني حد عادي وماتسيبيش اثر في حياتك و للناس
اللي عرفوكي فلما تسيبي اثر كدة عند وحدة في عالم
افتراضي بكم كلمة وكم سطر في كم شهر اكيد هتسيبي
اثر اقوى بكتيرفي العالم الواقعي ..
هناك 32 تعليقًا:
مش..
مش عارفة
نفسي,أدخل عالمك يا ريم
مش عارفة
بحسه,عالمك لواحدك
ههههههههههه
"ليه واحد بالغ عاقل حر
يدفع كل الملايين دي في وحدة ملك عام .."
"سؤال كدة :هي الوحدة لما اللي قد جدها
الله يرحمه يعاكسها و يلاعبلاها حواجبه
تعمل ايه ؟!"
الاجابه : تتصعب
حلوه متفهمنيش صح دى
ملاحظاتك كالعاده كتيره وفى محلها
لحظة قلق ( مفهمتش حاجة)
البنات بتحب تقعد في الحمام لإنه مكان للبنات بس وسط مكان مختلط .. البنات بتحب تاخد راحتها .. تقلع الايشارب .. تظبط الايشارب .. تحط كيك أب تحط برفيوم .. كدة يعني
.........
مش ملاحظة الموجة دية بس عادي يعني الستات العواجيز اللي بيغنوا كتير من زمان
..........
خلاص نخليها علاقة المرأة بالقرد :D هع هع هع ( ضحكة معوقة)
.......
مبتفرجش على افلام عالنت بس تسلمي عالمعلومة.
......
مشوفتش الاعلان بس هايفا جامدة صراحة
ههههههههههههههه
بمزح
يابنتي عالم مش عارفة تودي فلوسها فين
وبعدين مش هايفة بس
هايفة و كل المغنين و الممثلين
و لعيبة الكورة كمان
و الرقاصات بالمرة
منغاضة منهم بجد
بيجبوا فلوس من اللا شيء
...........
المسلسلات التركي بتحسسني بالملل القديم للدراما التي تستمر و تدوم و تدوم و تتوغل
يخربيت صبرهم
بيفكروناي بالمسلسلات المكسيكي المدبلجة 360 حلقة
..............
تقول لا حول ولا قوة إلا بالله و تكمل طريقها ولا كأنها شافت حاجة
.............
أنا اللي مستغرباله دلوقتي بجد
إن الولد بيتولد من هنا
و أمه أو أبوه يقولوا
اشتم عمو
تف على عمو
و لما يعمل حاجة غلط ولا يضرب حد بالقلم ولا يقول كلمة قذرة
يقعدوا يضحكوا
حاجة ياك صراحة
........
طيب ماهو يمكن فعلاً أهلها معرفوش يربوها كويس برغم انهم حاولوا يربوها أو محاولوش يعني
مخدوش بالهم منها يعني
يمكن
كله جايز
...............
معلش سؤال معوق
يعني إيه توك شو؟؟؟
اعذريني اصلي جاهلة
..............
رسالة إلى صاحبتك
عودي يا هاميس
ععودي فقد اعطت لمساتك لعالمها الافتراضى معانٍ كثيرة
عودي لأختك ريم يتاتون
..........
سلام عليكِ
ماتزهقيش ياريم مش بس المنتديات حتى المدونات كله ماشي بمبدأ ( انا لا أكذب ولكني أتجمل ) ودي حقيقة ومهما الواحد قال انه صريح وانه بوجه واحد وانه وانه اعرفي انها حقيقة مزيفة..
الشخصية عالنت هي جزء من الحقيقة وليست الحقيقة بأكملها..
.......................
اول علاقة كانت علاقة آدم وحوا.. فطبيعي تكون هي الأكثر طرحا عالساحه ..لأنها علاقة غريزية بالفطرة..
........................
فكرتيني لما كنت اشتري افلام في السعودية قبل الديفيديهات .. مدة الفيلم الأصلي تكون ساعه ونص تلاقيها عندنا نص ساعه D: ماتفهمي كيف مدته انكمشت من كتر حذف المشاهد اللي لو مسك يدها قاموا حذفوها!!!!
.......................
الحب في المسلسلات التركية واقع مبالغ فيه بعض الشئ من حيث تصويره على انه ده المتعارف عليه!!
بس جميل جدااا على الأقل بننظر للحب بعيوننا وليس بعيون الغرب .. لأنه على قد ماعلاقات الحب عندهم تصويرها جميل في افلامهم ولكنه غير واقعي بالنسبة لمجتمعاتنا..
.......................
ولا حاجه .. اول مايعاكسها تغنيله اغنية ديانا حداد ( يا عيبـــو ) :d
.......................
كل بنت بتتعامل بأصلها .. ولو اسلوبها مش حلو فأكيد ماجابتش ده من برة .. لكن الغريب لما تبقي ذوق مع الناس وهم يقابلوا ذوقك ده بوقاحه.. تعملي بجد ايه وقتها؟ وانتي شفتي اليومين اللي فاتوا حصللي ايه مع بعضهم .. تستغربي والله والمشكلة انهم يجادلوكي على انك غلط وهم صح..ياتقولي برافو عشان تنولي الرضا يا تقولي غلط ويسخطوا عليكي.. عالم غريبه بالفعل!!!
...................
لو تقصدي ياسمينه فكلنا مفتقدينها :)
تصدقي انا عمري ما بدخل حمام برا البيت !
لوضروري بيكون في البيوت اللي بثق في اصحابها
غير كدا ما بدخلش الحمام نهائي
ولا حتى عشان المراية لاني بقرف بشكل رهيييب
حتى لو الحمام نضيف جدا
صعب اتواجد في حمام مشاع للجميع
بطني بتقلب من الفكرة
*****
علاقة ادم بحواء هتفضل شاغلة الناس من قبل التاريخ ليوم القيامة
******
سانارا وهيفا
مضحك بشكل
**********
مسلسلات تركي = صداع نصفي
مسلسلات بشكل عام = صداع منقطع النظير
*****
في ناس ما بتصعبش عليها اهاليها
*****
وانا من موقعي هذا بنادي معاكي واقول
عودي يا فلة
فاهمة قصدك بس هو بقى معبر اوى عن الواقع..كل واحد شايف نفسه ملاك و كل اللى حواليه ضده
موضوع الحمامات دا عامل قلق للناس كلها..و الولاد خصوصا بيبقوا هيتجننوا و يعرفوا ايه هواية البنات فى الحمامات :D
انا زيك فى حكاية مواضيع المراة و الرجل دى..بس برضه بيتوقف على مين اللى كاتبها
اختى كانت لسه بتسالنى انهاردة هى الافلام الاجنبى لما بتتعرض عندنا فى السينما بتتقص منها مشاهد؟ :D
الشتايم دى بجد بتوجلعى بطنى و الغريب ان الناس بتتريق عليا عشان ما بحبش اقولها..بجد قمة الهبل ان الواحد عشان يبقى روش يربط دا بطولة لسانه و حصيلته اللغوية من الشتايم
المسلسلات عامة لعنة انا ما بستحملش اشوف اى مسلسل لاخره مهما كان حلو
اخر كام سطر دول انا بحاول ارد عليهم من ساعة ما قريتهم و مش عارفة..بجد مش عارفة اقولك ايه يا ريم ولا هعرف اوصفلك كلامك دا اثر فيا ازاى..انا كمان بحترمك جدا بجد مع ان معرفتنا ببعض كانت على المدونات بس لكن حقيقي انتى من الناس اللى بقدرهم و بقدر دماغهم و عقليتهم جدا جدا
ادعيلى بقى ارجع ليا نفس اكتب تانى :)
بس اوعى تكونى بتتكلمى عن حد تانى.. احسن شكلى هيبقى وحش اوى :D
ليه ايمي
ادخلي برجلك اليمين عادي :(
انتي من اكتر الناس اللي مرحب بيها
انسان وبس
مرسي و مشرفني دايما بوجودك
نعكشة
هي معمولة عشان ماتتفهمش
****
بس زودوها اوي وخصوصا لو الحماما مقرف يعني
****
ماهو يغنو عادي بس مش يتصابوو يعني برضو السن ليه احترام
****
ماشي ههه
****
هو مش فرجة اون لاين لا ده تحميل يعني بدال ماتتفرجي الفيلم بفلوس تحملس ببلاش وتشوفه في البيت بروقان بس سعيدة اني فدتك بالمعلومة
****
هايفة و خواتها حكاية اخر زمن
****
عادي مش فيه ناس بتتفرج اهم بيسترزقو
****
هي فعلا تسكت ماهو قد جدها هتعمل ايه
****
و عمو ده ساكت على انه ملطشة كدة يلا اللي يعيش ياما يشوف
****
والله جايز برضو بس يمكن عشان اغلب اللي كدة بتلاقي اهلم حاجة تانية فبستغرب
****
اصلي معربها من عندي توك شو هي البرامج اللي تلاقيها ساعة و ساعة ونص رغي زي هالة سرحان والشلل دي
منورة يا قمر
سارة
والله عارفة بس يعني مو للدرجة دي يعني شوية مصداقية
****
بس ياخدو بريك يعني فاصل و نواصل
****
و المسلسلات في كل المطات المسلسل يطول و في القناة تبعتنا يكش بصورة رهيبة
****
ممكن بس حاسيته ظريف كل شي مغفور لاجل الب عندهم بطريقة ظريفة
****
ههههههههه
تغنيله طيب ياسارة هجرب على مسؤبيتك
****
بس احيان تلافي بنات شي و اهليهم شي بصراحة من وجهة نظري صعب اقبلها على اهلي حتى لو ما ربوني
****
ايون اقصدها
فنون
انا اصلا لو عندي حالة طارئة تستوجب حمام برا البيت عشان اوقفها بدخل الحمام و كل الامور توقف من نفسها
تركيبة جسمي بقت ضد الحمام الخارجي
*****
فعلا الظاهر كدة
****
حرام عليكي يافنون مش كلهم برضو
مهند برضو كان عامل حس ولا ايه
هههههه (ضحكة خبيثة)
****
فعلا عندك ق
****
ايوة نادي معايا الله يخليكي يمكن الصوت يعلا و ترجع
لي لي
بصراحة جايز بس انا بشوف ناس الواقع غيره خالص
****
حقهم والله لما انا البنت اتسأل
****
واله ان زهقت من الموضوع ده من الكل حاليا
****
هي مش شكلها بتتقص انا بدأت اشك انها بتتعمل نسختين نسخة عام ونسخة خاصة الظاهر كدة والله
****
لغة الشتايم هي الموضة واللي مالوش فيها بقى درويش بصراحة شيء غريب
****
بس في مسلسل غصبا عنك بشد احيانا عندي صديقة زيك مالهاش في المتابعة خالص
****
ماتقلقيش شكلك حلو (^_^)
تسلمي على كلامك اللطيف ده و هدعيلك ياستي انك ترجعي على خير في القريب العاجل
قارئ ما بين السطور
طيب مش اعرف الاول ايه اللي فهمته و وصله ليك ما بين السطور
مدونتك رقيقة أوي يا ريم وعالمك رائع وجذاب بجد :) أنا متابعها بقالي فترة ومعجبة بأسلوبك أووي بجد :)
نيجي بقى للبوست :D
مواضيع الرجل والمرأة والزواج تاني المواضيع اللي الناس بتتكلم فيها بعد الكورة :D
بالنسبة للمسلسلات التركي فمش هتصدثيني إني مقاطعة التليفزيون ده نهائيـًا :D ولا حتى فيلم ولا حتى برنامج .. خارج حياتي تمامـًا :D .. أصحاب العقول في راحة بجد :D
بالنسبة للعواجيز اللي بيعاكسوا .. يكفي أبص له بصة قرف واحتقار وألعنه في سري :D ساعتها هيعرف إنه الله حق :D
بالنسبة للألفاظ فهي للأسف في انحدار تام وكل ما تشتم أكتر كل ما تبقى هاي كلاس :$ والمصيبة الأكبر إنها انتقلت للأغاني وبقت حاجة مقززة وتقرفي تسمعيها أساسـًا .. حاجة مثيرة للغثيان بصراحة :D
برامج التوك شو هي اللي خلتني فعلاً فعلاً أعتزل التليفزيون .. مش ممكن حاجة فظيعة أوي بجد .. ايه الهم ده مش ناقصة وجع دماغ هيا .. أصل ياريتهم بيتكلموا في حاجة مفيدة أساسـًا :D
قوليلها والنبي ترجع يحسن المدونة شكلها وحش اوي من غيرها بجد .. ده انتي كنتي إدمان يا بنتي .. يارب تكون سامعاني :D
ميرسي يا ريم إنك سمحتيلي بالمساحة دي للكتابة :) وآسفة على الرغي الكتير :)
أوكي
هقولكم,حاجة بس متزعلوش مني
أحيانا,شكوة ناس,من أي شيء,بتكون,لأمر يستدعي بجد,الشكوى,لأن جواهم,يمكن ما زال فيه شيء:)
ومن,أشخاص,لأشخاص,
لأن,إحنا مش في مجتمع ملايكة بالفعل
ففيه,بالفعل,ناس,أحيانا,بتغلط في حق ناس
الشكوى,على الورق
أحيانا,بيكون مجرد تعبير
لناس مش قدرت,في الحقيقة,تشكي :)
مجرد تعبير
عن المدونات :)
مين أدرى,بالناس,غير ربنا دايما:)
سندريلا
منورها و دايما شرفيني بزيارتك
طيب ماحنا بناخد استراحة بين الدوريات اشمعنى ده مش عايزين ياخدو استراحة شوية منه
****
خو اريح بصراحة بس ملل لو مافيش حاجة تحشي بيها وقتك كدة بس بصراة ايك على الحاجة دي
****
والله صعب حتى تبصيليه ساعات من كتر سخافة الموقف
****
ماهو الله يستر على الاجيال الجاية من لغة السفاهة اللي هيتعمدوها دي بس انه لهجات كتير حلوة ضاعت في لغة الشتايم
****
لا انا معتزلاها هي بس ماعاد واحد لانه دمه خفيف ويضحك اما الباقي صراحة مش ناقصة غم
****
بصي احنا نعمل فرقة كدة ونقعد نغنيلها اغنية عمرو دياب في فيلم قديم ليه اللي بيقعد يقول
عودي يا بلية عودي يا بلية
مع تغير الاسم طبعا
منورة بالعكس وارغي زي ماتعوزي الصفحة تسع من كلمات الحبايب ملايين
ايمي
انا طبعا مانزلتش الاسفات الكتير لانه بجد بجد ردك عجبني
و وصف المدونات بطريقة حلوة وحقيقة فعلا ربنا يحميكي
هي بد زي ماقولتي مجرد تعبير عن شكوى عن احساس مجرد تعبير لا اكتر لا هي كم و لا اتهام لازم يدافع عنه
مجرد تعبير لاحاسيس في بترودنا في وقت معين
تعليقك جميل اوي
ههه,مانا كنت عاوزاكي تحذفي موضوع الشكوى دي:D
مش اللي بعدها
كان قصدي عن دي بس :D
بس هو حلو امسحه ليه
بجد والله مافيهوش حاجة وحشة
لا المنتدى مبقاش المدينة الفاضلة و بس .. دا أقل فيه حتى مستوى النقاش عن الاول .. لما تدخلى بتناقشى بنى ادم و يطلع سارق ردوده تعملى أيه :D
معرفش الحقيقة قصة حمامات البنات دى .. بس هيا الحمامات دى بتاعة زمان ولا حمامات السباحة بتاعة البنات قصدك ؟؟ .. ولا انا مالى أساسا .. يكشى ميستحموش :D
لا مش متابع الساحة الغنائية من الدرجة العاشرة دى .. ستات ملهاش راجل :D
القصة أبسط من كده .. كل واحد عارف شوية عن الاخر .. اول ما تلاقى واحدة بتقولك انا خبيرة فى الرجالة قوليلها اتنيلى و هكذا .. لو قعدنا نحلل و نلف و ندور و نقول و نعيد مش حنخلص .. خلى كل واحد على طبيعته و من غير كورسات فى علم الرجل ولا علم المرأة و كل حاجة حتبقى فل
شكلك اتفرجتى على أحدى روائع الحاجة كيت وينسلت :D
أنا اختى كده برضه .. لدرجة انها بقت بتسألنى الأول شوفت الفيلم دا :D
ولا اعرف اى حاجة عن هيفا .. كل اللى اعرفه أنها كانت ذكية جدا فى ردودها على عمرو أديب .. و بس .. مش متابع حركتها انا .. :D
لا تركى و لا هندى ولا حتى مصرى .. علاقتى بالمسلسلات بتنتهى يوم 30 رمضان .. بيبقى فى عركة كل يوم فى البيت .. بيتابعوا ال500 مسلسل :s
تقوله شكرا يا جدو .. الكلمة دى بتغيظ المراهقين اللى بعد الـ 60 جدا
زى كان فى موضة نازلة .. كل رواية أدبية فيها كام مشهد جنسى بحت و مكتوب ولا كأن بائعة هوى أو صايع كاتبه .. و تسألى المؤلف يقولك أدب .. أدب :D
مش الفاهم .. البنت وحشة يعنى .. ولا أفكارها سابقة زمانها .. أصل عارفة بحس ان البنت اللى دماغها سابق سنها و مجتمعها هيا اللى بتتشتم و بنات الليل لما بيطلع عليهم الصبح بيتقال عليهم ملائكة الرحمة .. فهمانى .؟
كان عمرو أديب بيحتفل بالسنة العاشة لبرنامجه من قيمة يومين .. و كان بيتكلم ان التوك شو العربى هوا صناعة مصرية .. أى خدمة مصدعينكةا اهو :D
نيجى للقلة الادب و الشتيمة بقى :D
بصى البنت دى أساسا مش جادعة .. انتى متعرفهاش كويس صدقينى :P .. مهما حتقوليلها دا برج معقرب أنا عارفه و حافظه .. اللى فى دماغها فى دماغها .. متتعبيش نفسك معاها .. :D
بس عارفة بينى و بينك .. البلوج دا انا مفتقده جدا أساسا .. على فكرة كانت بتعجبنى طريقة الكتابة فيه قوى .. كنت بصراحة بتعلم منه كتير قوى .. كان كل شويه بتتحفنا بشخابيط او هلوسات جامدة جدا .. لسه لغاية دلوقتى بدخل هناك و أقعد أسمع فيروز و أقلب فى البلوج و أضحك على رخمتى و على الردود .. كلام فى سرك ها :)
بس شكلك في حالة إكتئاب,بإذن الله,تبقي بألف خير دايما يارب:)
قباري
ولا حاجة ابطل نقاش
----
ههههههه
لا الحمامات العادية اللي بتبقى في المول وكدة
----
هي مش محتاجة متابعة دلوقت هي بيطلعو من غير ميعاد قدام الواحد
----
والله وده رايي تقريبا علاقة الرجل و المرأة مابدأتش تبوظ الا لما كترت التحليلات و الاقتراحات و هلم جر ...
----
والله هو مش هي بس كويس انك نبهتني اصل كنت عايزة انزلها فيلم مالاقتش عليه تحذير لكن اذا كدة بلاه احسن
بجد الوضع مش طبيعي خصوصا لما الاقي اعلان الفيلم في التلفزيون وتلاقي مشاهد فظيعة مستحيل تتعرض حتى في السينما الغربية
----
هو مجرد اعلان مرزوع في الشاشة ليل و نهار
----
رمضان بصراة صعب اشوف اكتر من مسلسلين لانه زحمة بس بثق في الدراما السوري اكتر لكن ايام السنة ببقى فاضية فبشوفهم
----
شكله هو كدة
----
فعلا ده اللي اقصده بقى الاحترام والفن و الادب ( ابتسامة ) مقصور بالاباحية و قلة الذوق عالم غريب و ادب غريب جدا
----
اسلوبها سيء في التعامل
بس هعتبر اني فهمت
----
بجد كنت فاكراها اختراع لبناني مش عارفة ليه
يلا هي بقت من كله شامي و مصري و خليجي المهم كلام كتير
----
طيب كويس ادي اول صوت رجالي ينضم لفرقتنا
عودي بقى يا بلية
(^_^)
ايمي
لا ياقلبي ماتقلقيش لا مكتئبة والله ولا حاجة
اهلا ريم ..
...............
قرات هذا البوست اكثر من مرة والله وسيكون لى عليه تعليق وافى
جئت فقط مسلما
لك كل تحياتى
نورالدين
استاذ نورالدين
يبقى ننتظر التعليق
قارئ مابين السطور
بصراحة والله مش فاهمة السؤال الاول ؟
بس جواب السؤال التاني
غلط من التعليقات هتعرف مين المقصود بالفقرة دي
قارئ بين السطور
مش فاهمة من حضرتك حاجة او انت مين بس
لا ازعاج ولا حاجة ابدا
احييك على سردك للمواضيع بتلقائية و موضةعيةو تحياتى
قعدت اتأمل باستغراب ليه واحد بالغ عاقل حر
يدفع كل الملايين دي في وحدة ملك عام ..
عندك حق
خواطر وتأملات وشخابيط جميلة
تحياتي
المميزة ريم
..............
قرأت موضوعك وهو كعادتك خفيف عميق
سهل الهضم دسم الفائدة
.
رأيت فى سطورك الكثير من النقد وإن كان يصب فى مصب واحد وهو إفتقاد أمتنا وحضارتنا وتشوه وجهها فمن فتيات الحمامات اللواتى صرن بلا هدف ولا غاية غير التجمل
ومن العواجيز السفهاء الذين يتربصون بالفتيات وذاك من صور اهتزاز القيم والعقول فقد قال الله فىحديث قدسى ما معناه انه يبغض الفحشاء من الشاب ويكرهها من الشيخ الكبير أشد
وعلى نفس المنوال كان التصابى من نساء شمطاوات أكل الزمان على وجوههن وشرب ومع ذلك مصرات على أن قطار العمر لم يمضى والله شخصيا تعرضت لموقف عجيب من كام يوم فى شارع جامعة الدول عندنا بمصر رأيت إمرأة عجوز تساقطت اسنانها وارتسمت خريطة الوطن على تجاعيدها حتى كانى أرى ثورة 19 بين عينيها وعصر الملك فاروق على خديها ومع ذلك كانت شبه عارية وتتعرض بكلمات عجيبة افزعتنى فقلت فى نفسى سبحان الذى يحيى العظام وهى رميم ثم مضيت
..
كل تحية لك وود ايتها الفاضلة العزيزة
.......
نورالدين محمود
كريم
احمد سعيد بسيوني
شكرا للتعليق اللطيف و المرور الاول شرفتني زيارتكم
استاذ نورالدين
اولا هي بس المسألة توقيت والله مش اكتر
بس بجد تعليق حضرتك ادى للموضوع حجم وابعاد كبيرة ماخدتش بالي من حجمها لما كتبت البوست بجد
بس طبعا استاذ مبدع مثل حضرتك هيشوف ابعاد اعمق منا اكيد
بس حلو اخر موقف ده و يضحك اوي اول مرة اشوف حضرتك بتكتب شيء كوميدي عامي كدة
إرسال تعليق