طفلتي انا ..

بجد مش عارفة ازاي اكتب عنك اول

مرة اعجز اني اعبر اول مرة احس الكلمات بتخوني

ومش عارفة اصوغها و ارتبها عنك انتي

انتي بالذات مش عارفة اوصفك ..

بعيدة عني في الوقت اللي المفروض تكوني قريبة

حنينة اوي بس بتحبي تغلفي حنيتك بالقسوة

بقيتي تحبي تفرضي رأيك اوي وكلمتك هي اللي تكون ماشية

حاسة بتعبي و حزني بس بتحبي تبقي بعيد وتراقبي

حلمتي بالاخت فيا و عملتيني اختك اوي لحد مانسيتي انك امي

لو احتجتلك لازم اجي مش انتي اللي ليا بتقربي

ساعات كتير بتستهوني بشخصيتي او ذكائي بتستهيفي رغباتي

مع انها مهمة عندي وجزء كبيرو مهم مني

بس بالنسبة لك بحسها مش مهم نفسك اوي ارضيك في الوقت

اللي بجد مافيش حاجة مني بترضيكي مهما اعمل بتستني الاحسن

مهما اقول في الغالب مش هيعجبك لحد مابقى عندي يأس اني

في يوم اكونلك زي ما تحبي و اعجبك ..

بحب ساعات لما تشاركيني الرأي و لما بتكوني معايا في وقت

فرحي وبحب ابعد عنك في وقت زعلي لانه الوقت

اللي دايما بتختاريه عشان تزيد الزعل عليا ..

بحب وجودك في حياتي بس محتاجة منك خصوصيتي وحريتي

بحب خوفك عليا بس محتاجة اجرب واعيش دنيتي

ياريتك تفهمني يا امي ياريتك تثقي فيا شوية ..

عارفة انه البوست غريب و الكل دايما بيدور على احلى

كلام يوصف بيه امه لحد ما تبقى صورة الملاك على الارض

مش كلمات زي العتاب بس انا اخترت اوصفك كدة بعيوبك عارفة ليه؟!

لاني بحبك غير كل البشر بحبك بطريقتي حب غيرعن

كل الناس بحبك كدة لعيوبك ايوة بحبك لعيوبك ..

بحب فيكي الحاجات الي بكرها قبل الحاجات اللي بحبها

بحب فيكي اللي بيدايقني منك قبل اللي بيسعدني منك

بحبك كدة بطريقتي انا .. غير كل البشر لعيوبك

لاني مش بحبك حب البنت لامها انا بحبك حب الام

لبنتها لانك اغلب الاوقات بتبقي بنتي .. طفلتي انا

بنتي اللي بعشق عيوبها و احب غلطاتها ..

بنتي اللي بغير عليها من الدنيا كلها لحد ياخدها مني

فاكرة وقت ما صاحبتي قربت منك لما كانت بتعوض

بعد امها عنها بقربك .. لما كانت بتنسى اهمال امها ليها

باهتمامك كنت عايزة وقتها ابعد عنها والله غرت منها

كان نفسي اقولها الزمي حدك دي امي انا ارجعي لامك

دي بتاعتي ملكي انا .. دي ليا دي بنتي انا و طفلتي

بس عارفة فضلنا صاحبات لحد دلوقت ليه عشانك انتي

مش عشان هي صحبتي و بحبها ..

عشان كنتي بتحيبيها عشان كان كلامها بيسعدك

و كانت حكاياتها بتضحكك و تفرحك

عشانك انتي بس اتنازلت عن غيرتي و انانيتي و

فضلت لحد دلوقت صاحبتها عشانك انتي يا طفلتي ..

رغم البعد اللي بينا و الحاجز اللي بنيناه انا وانتي بس

بينا شيء غريب علاقة لايمكن تتهد بنتقل على بعض

ساعات و نبعد .. بنعند مع بعض ايام ولايمكن نتنازل لبعض

بس بتلاقينا دايما مع بعض وروحنا و قلبنا متعلقين ببعض

بتدايقي اوي لما ازعل منك وانا بموت لما تسكتي و ماترديش عليا

و انا بسألك او اكلمك و في الاخر مش بنقوى على البعد و بنتكلم

عارفة اننا واحنا بنبني الحاجز ده اكتشفت اني اكتر وحدة شبهك

بختلف عنك كتير صحيح بس طلعت في الآخر شبهك

طلعنا اكفي القدرة على فومها تطلع البنت لامها

المثل اللي مش عايزة تصدقيه فينا و طول عمرك بتسخري منه

ادينا طلعنا المثل ده يا حنينة و بكل مافيه من معنى ..

يمكن اكون بدأت البوست بعيوبك اللي بحبها بس بجد مش قادرة

انهيه بميزاتك ومحاسنك لاني بجد والله مش قادرة اعدها

اقول ايه و لا ايه عنك .. وايه الكلام اللي يكفي فيكي

افضالك كتير عايزة كتب عشان تتجمع .. وتضحياتك اكبر

عايزة دواوين عشان تتوصف .. بجد يا امي عمره ما هيكون

في الدنيا دي ابدا ست زيك .. بعشق قوتك و بموت في طيبة قلبك

و حنيتك نفسي اكون ام هايلة زيك و اربي ولادي على المبادئ

و اعملهم الصح اكيد مش في كل حاجة هكون زيك اكيد في حاجات

هنقص او ازيد عنك بس في الاخر الاقي جواهم احساسي ليكي دلوقت

اني فخورة بيكي يا امي و فخورة اني تربيتك ..

اسفة على البوست الملخبط واعذرني لردئاة الكلام

و انه في بوستك انتي بالذات خاني وغرد بيا التعبير

يارب يخليكي لينا يا امي وتفضلي نوارة دنيتنا

سامحيني يا امي و بعتذرلك .. اعتذرلك على اللي فات

و بعتذرلك على اللي جي لاني على الاغلب مش هكون زي ماتحبي

مش هقدر اعجبك واعمل كل اللي انتي تتمني

ياريت يا امي تسامحيني على تقصيري في حقك و يارب عني ترضي ..

و آخر كلامي دعوتي ليكي بإنه :

ربي يفضل طول العمر راضي عنك في دنيتك واخرتك

و بنعيمه يا امي دايما تتهني و جنته العالية يرزقك ..

بقى انا ملكة !!!

المرأة السعودية ملكة والاكثر جمالا و دلالا !!

دراسة الاغلب ممكن يكونو عارفينها و سمعو عنها

بس بجد تضحك اوي لا وفي اللي مصدقين وفي اللي

زعلانين اوفرحانين

بالله عليكو بلا قلة عقل ده مجرد كلام بيضحكو عليكو بيه..

نفسي افهم بس الدراسة دي اعتمدت على ايه؟!

على المظهر بس و الحالة الاجتماعية ولا على البترول

و كتر الفلوس يعني و كم بنت دلوعة ومبسوطة ونقدر

نقول غنية مع انه مابقاش ده حال الكل زي مانتو فاكرين

لو دخلنا جوة المراة السعودية بصراحة مش ده الحال..

مش عارفة امتى هنتحرر شوية مش عارفة ليه

فاكرين اننا بتحررنا هننحرف انه لو اشتغلت مع زمايل

رجال ابقى مش كويسة وهغلط وانحرف .. اني لو سوقت

عربية برضو هصيع و انحرف .. اني لو بخرج وبجي مين

غير راجل هغلط ويحصل حاجة .. اني لو اتعاملت مع راجل

هيخدعني و يغشيني و في حبه هيعليقني .. اني لو اتجوزت راجل

اقل مني نسب ممكن اهلي في يوم ليهم الحق يطلقوني حتى من غير

رأيي و ومن زوجي و ولادي اتحرم .. اني لو عايزة اهرب من

سلطة راجل مفتري بطلاق او خلع ممكن الاقي الشيخ متضامن معاه

خصوصا لو كنت مكسورة و ضعيفة لمجرد انه راجل .. اني لو حبيت في

يوم كون انه اللي اتقدملي اتعرف انه بحبه و حتى لو كويس

و مافيش في اخلاقه وطموحه وشغله يبقي اني بحبه ده سبب

كافي جدا انه يترفض .. اني بس قبل 3-4 سنين اتكرم عليا بالبطاقة

الشخصية .. اني مش هقدر اعمل حاجة الا لو ليا راجل يضمني

اني الزم بالنقاب لما جرد فكرة عيب حد يشوفني و بره بقلعه

واني واني وده يمكن حاجات تافة وغيض من فيض ..

انا مش بتكلم عن نفسي و لا انه كلامي بيمثل كل بنت سعودية

و يمكن انا مرتاحة اكتر و مش منطبق عليا نص اللي فوق

بس هتلاقي منطبق على الاغلبية

في بنات راضية ومبسوطة و دي حرة بس في بنات عايزة

التغير ليه نصعبها قد كدة ؟! ما كل وقت وليه ادآن

كل زمن وليا ظروفه صعب اعيش عيشه امي و جدتي

ليه تبقى حياتي ماشي بتحكم رجالي فظيع متجاوز الحدود؟!

ليه كمية الخوف من تحرري و اعتمادي على نفسي بجد؟!

هو خوف من انه التحرر الاقتصادي تحرر كامل

خايفين على بناتكم السعوديات حقكم بس ليه متخيلين

انه في كل جديد هنضيع ليه متخيلين انه اي تجربة

هنغلط ونصيع و نبقى في المراقص و الديسكوهات زي

غيرنا على ما بتقولو مش عارفة ليه مقتنعين بالفكرة دي؟

على اساس انه دلوقت المجتمع خالي ..مش كل حاجة

شايفها العين تتصدق .. مش معنى انه اغلب بناتنا

منقبات انه كويسين .. مش معنى انهم مش بيشتغولو

مختلط انه محترمين ..مش معنى انها دايما في البيت

تبقى متربية وكويسة .. مش معنى انه صحباتها كلهم

بنات تبقى خجولة ومؤدبة.. و ليه اصلا اللي هتعمل كدة مذنبة

و ماخفي كان اعظم بنتاكو وصلو لمرحلة توهان و ضياع

بس انتو مش حاسين نفسهم يواكبو الوقت والعصرمعاكو

و قدام عينيكو و برضاكو بس انت عايزينهم متأخرين

الحياة مش بالفلوس وانك تديها و ماتبخلش ..مش بانك تسفرها

و تشوف العالم اديها فرصتها خليها تعيش تجربتها و عيشها

معها خليكو دايما جمبهم و وجهوهم وقت ما يحتاجولكو

و هما اكيد في تجرنتهم هينجحو

ارجعو عاملوهم بناء على دينا ارجعو فعلا لسنة رسولنا

ارجعو لمعاملة الدين بجد مش بتقاليدنا..

ليه ساعات بتدو الفرصة لكل حاجة تفضل في السر

ليه لازم توصلو لمرحلة الازمة عشان تقتنعو وتحلو الامور

ليه مش بتساعدو تطلعو الامورو المشاكل في النور..

بصراحة مش عايزة اكمل البوست بس هنزله رغم انه بقى

بايخ ودمه تقيل و عارفة كلامي مش هيعجب خصوصا لو

قراه سعودي او قراته سعودية وممكن اكون حتى في

نظرهم متحاملة او حتى ظالمة بس اللي فوق حقيقة و انتو

زي عارفين حتى لو مش انا و انتي و اختك و صحبتك بنعيشها

كلامي مش تجريح ولا اني انقص من حق الست السعودية

لانها فعلا ست مكرمة وهايلة ولأني اساسا بنت سعودية

ولا اني من مؤيدي حملات التحرر اللي متجاوزة الحدود

ولا بقول الست زي الراجل في كل حاجة ولا قصدي

على شغل كلام نواعم وبنات حوا وست ستات

بس كل كلامي و الله من حبي و خوفي ايوة خوفي ..

ياخوفي من اليوم اللي الست السعودية تقول كفاية و تحرر

ياخوفي من اليوم اللي عن اصلها تتغير

ياخوفي من عدم ثقتكو وضغتكوتخسروها وتروح

قيمها و بسبب الكبت و الضغط ماترجعش

وده اللي بدء يحصل بس احنا كالعادة ما بنشوفش و ما بنسمعش ..

هم الولاد

كلمة قالتها جارتنا خلتني افطس من الضحك بجد

( اللي عنده ولد اليومين دول مش مرتاح ده هم والله يعينه

لازم يجوزه عشان من همه يرتاح )

معقولة بعد ما كان هم البنات للممات بقى الهم دلوقت الولاد

جارتنا اعتمدت نظريتها العجيبة لما كبرو اخواتها الصبيان و بقو

في سن الزواج وقتها بدء الهم بحكم اننا في السعودية فالزواج التقليدي

هو السائد والدتك او اختك تشوف و انت تروح تشوف العروسة بعد كدة

و يا عجبتك و عجبتها والامور مشيت يا اما مافيش نصيب وتبتدي رحلة

البحث من جديد ولأن ولادنا مكبوتين و اغلب البنات هنا منقبات فبيبقو فاكرين

الست زي اللي بتيجي في التلفزيون فطبعا مش بيعجبه العجب اللي عايز

بياض نانسي و اللي عايز جسم هيفا و اللي عايز شعر زينب العسكري

و طلابات لذيذة اوي كأنهم رايحين يجبو عربية تفصيل مش عروسة

و نظرا لذوق الشاب السعودي الرفيع فهو بيطلع عين اهل اهله على مايلاقو

عروسة تعجب جناب حضرة سيادته و تنول الرضا انه اتجوزها واختارها

ياسلام على الكرم الرجالي ياسلام و ده اول هم ولد نظرية جارتنا

خلال فترة البحث المضنية دي شابنا الفتي بيكون عايش حياته اكيد

سهى و روئ و لمى وحصة و كل اللي قلبك يحبه طبعا دي بس

حاجات على الماشي تسالي كدة يصبر قلبه المسكين على مايلاقي

نصه التاني و طبعا سهى وروئ بيحبوه و لمى و حصة طامعنين فيه

يعني كلهم مستنين الاهل و المأذون والزفة و فاكرين نفسهم من اهل البيت

و هارين اهل صاحبنا اتصالات من غير حياء او كسوف ماهو عادي

ده زوج المستقبل اهله ياخدو على الوضع من بدري بس في مجتمعي

المحافط ده عيب و تجاوز يثير حفيظة العائلة وقلقها و سخط رب الاسرة

على المسخرة اللي بتحصل و بالتالي حل البلاء والنكد على اهل البيت لعصبية

الوالد الدائمة ده غير انه عريسنا بقى بيشوف البنات حواليه زي النمل على السكر

فبيتغر في شبابه زيادة ويقتنع انه الي ماجبتوش ولادة و تصعب عملية البحث

و تطول عشان عروسة من دول تعجب عريسنا المصون

وده السبب التاني للنظرية الجوهرية دي

نرجع بقى بالزمن شوية ايام ما كان الشاب اليافع ولد فتي في الحارة قبل

ما يبدأ حوار غطي على بنت عمك و بنت خالك دول يجوزو لك مايسير

تكشف عليهم طبعا عريسنا الفاضل كان في بداية شبابه و تألقة الصوت اخشن

بقى و الشنب خط وهناك من تراقب هذة التغيرات العظيمة وبدأت تراه رجلا و

زوجا لمستقبلها و طبعا هناك من يراقب ايضا من خلفها هذة التغيرات و هم اهلها

اللي ضمنو عريس من بدري ياحلاوة كدة البنت مش هتعنس و يفضلو يحلمو

و يلمو في الجهاز على اساس خلاص فلان اول ما يقول ياجواز هيدور على

قريبته و يروح بعيد ليه اهو زيتنا في دقيقنا و بقى الوان الترحيب و الحب و التقرب

لعائلة العريس المنتظر وترقب شديد ليوم تخرجه و السهر والدعاء له و تدوير

و سايط عشان يتوظف عشان يضمنو بنتهم تعيش في هنا

لكن للأسف عريسنا فكره في حتة تانية اصل قريبته مش على ستايله و هو عايز

يدخل عرق جديد يحسن نسل العيلة اصل العيلة شبة بعض وهو عايز يجيب

نسل مختلف يكون حدث العائلة و من هنا يبدأ العداء والكره لأهل المعرس

ازاي تاخدو من برا و تسيبو بنتنا ازاي ماتخدوش من عندنا ويبدأ النتجاهل و الجفاء

و العيلة تتفكك و كله بسبب عريسنا الفتي وده سبب تالت للهم

نتقدم بالزمن شوية كمان ايوة هنا خلال فترة البحث طبعا يبقى فيه

مواقف هايلة ممكن المعرس يحط اهله فيها ابسطها انه يكون مش بيفكر

في الجواز وياخد اهله على قد عقلهم و يروحو على نياتهم يخطبوو يروح

يشوف العروسة و بقى ياااااه لو فيها عيب فرجت اصل صوابع رجلها

مش متساوية اصل الشعرة الي على اليمين من ناحية ودنها طويلة

اما بقى الوكسة لو طلعت البت مزة وكاملة ايه العمل نفلفص ازاي

و يفضل الاخ يساير و الكل فرحان ويجهز ويقول بكرة الاقي عيب و بنت

الأية تطلع كاملة يقول بكرة نكتب واكلمها و اتعامل معها و الاقي العيب

برضو البت مش راضية تنقص ايه ده يعني اتجوزها لا عليا و على اعدائي

ووسط الفرحة العائلية يعلن نبأ رفضه للزواج و يكسر قلب المزة و اهلها

و يحط اهله في موقف زبالة الكل يتحاكى بيه واي باب يخبطوه بعد كدة

يبصولهم من فوق لتحت و يقفلو الباب وده سبب اخر للهم حسب

النظرية وهنا بيكتر الهم على عائلة المعرس و يعلنو التمرد

( خلالالالالالالالاص جيب عروستك بنفسك )

في الاخر عريسنا الفتي بيبقى لوحده ويعرف انه الله حق ويلاقي العمر

جري و الصلعة ابتدت تبان وبيجري على اهله يدوروله على عروسة

خلاص انا تبت و من غلطي اتعلمت لكن الاهل ابدا معصي زوج نفسك

بنفسك هنا عريسنا بيلجأ للأصدقاء و المعارف و اهل الخير اللي يمون

عليهم و عايزين يكسبو ثواب فيه و بيجبوله عروسة انما ايه ده القمر

يقولها اتفضلي مكاني من الخوف ويهرب و اهله ياحرام متحسرين عليه

و الدمعة في عين الام ادي اخرتها يابني دي نصيبك بس معرسنا فرحان

وبتبقى العروسة في عين معرسنا زي الغزال و بينسى بياض نانسي

و جسم هيفا و شعر زينب اصل خلاص اخينا عدت عليه ودي مش للي

زيه دي تطرده عريسنا الفتي من عند عتبة الباب و اهو حتى وهو

بيتجوز جاب الهم لاهله

و اخر الحكاية عريسنا اهله جوزوه و ارتاحو من همه خلاص

و خلف صبيان و بنات و بقو ينادو يا ابو صلاح

و صدقت نظرية جارتنا الجوهرية و بنتمنى لعريسنا عيشة هنية

يا حب العمر

حاسة بقلبك لسه هو ليها

لسه بيتمنها زي زمان و متحسر اوي عليها

بقيت خايفة اعتبر نفسي حبيبتك .. خايفة اقولك

يا حبيبي بحبك .. خايفة اكون بدي لنفسي مكان كبير

و مقام عالي عندك ويطلع انه وهم ومش ليا

عارفة انك بتحبني و عارفة اني غالية و ليا مكانتي

عندك .. بس نفسي ارجع و اثقة زي زمان

نفسي ابطل احس انك ليها مش ليا .. انك بتحبها

و بتحاول تنسها بيا..

في يوم هتقرا كلامي و عارفة انك هتزعل و عليا هتعتب

بس غصب عني ده اللي بجد حاسة بيه و بخبي عليك

ده اللي دلوقت بعيش بيه بس خايفة ازعلك

و خايفة باوهامي اشغلك واقلقك..

بس نفسي ارجع زي زمان لما كنت دايما معايا و تكلمني

لما اول ما تشتاقلي تبعتلي .. لما كنت بتفكر فيا و ببقى حاسة

و عارفة .. لما اول ما بتزعل بتجري عليا و تشكيلي

و لما انا ازعل تحايل فيا و تراضني زعلانة لاني

نفسي ارجع الاقيك في كل لحظة احتاجلك في وقت خوفي و

فرحتي في وقت حزني ودمعتي نفسي ارجع زي زمان دلوعتك

مش انا بندقتك بجد وحشني اني ابقى بندقتك ..

تعبت من احساسي بقلبك وهو بعيد .. تعبت وانا حاسة

اني اخر حد بيجي على بالك و اخر حد في قايمتك

عايزة ترجع تحسسني باللحظة والثانية اللي بتشتاقلي

فيها و بتفكر فيا ..

تعبت من احساسي اني لسه خصم ليها عليك .. انها لسه شريكة ليا

في حبك .. انها لسه ساكنة معايا جوا قلبك ..

حاسة انها لسه في قلبك و جواك .. حاسة انها اللي بتسهرلها لياليك

جرحني نسيانك عيد ميلادي و عارفة انك عيدها مش ناسيه

جايز اكون في كلامي اللي سبق ظلمتك بس اللي جي صدقني

هتلاقي انه بجد حقيقة ..

هي حبيبتك حب عمرك و يمكن ده اللي مخليني استحمل لان

حب العمر معاك عرفته ..عرفت يعني ايه حد يبقى حب عمرك

سكت لما حسيتك حب عمري وقتها فهمت

عرفت ازاي انت بتحبها لاني زي حبك ليها بحبك

عرفت ازاي بتشتاقلها لانه نفس الشوق و الله بشتاقلك

عرفت ازاي بتتمنها لاني زي كدة بتمناك .. عرفت ازاي متحسر

عليها لانك لو ضعت مني قد كدة هتحسر عليك

عرفت ازاي لو بإيدك تخلي الزمن يرجعها ليك لاني عايزة

اوقف الزمن وافضل جمبك وعايشة ليك ..

بس ياحب العمرانا تعبت ووالله مش غرور بس حاول انك على

قد ماتقدر تبقى ليا و ما تضعنيش لاني بحبك اكتر من حبك ليها

انت نور عمري و قلبي اكتر ما كنت بتحاول تنور لياليها

نفسي اوعدك اني استحمل استنى تحبني اكتر من حبك ليها

بس خايفة استسلم وابعد واسيبك عايش بيها

لما يدق القلب .. ( ده مش حكم مجرد رأي و بس )

في الوقت ده كل اللي بنعمله اننا بنستسلم

بنسيبه يمشينا و بنسمع كلامه لانه و قتها بيكون امر..

ساعات بنبقى بنمشي وراه و احنا عارفين انه طريقنا

صعب او مستحيل .. بنبقى عارفين انه في كل

خطوة هنتعذب و مع كل فرحة هنتألم بس بنمشي الطريق ..

في ناس بتقول انها قادرة على قلبها و مش بتمشي بعواطفها

انها عندها قدرة عجيبة انها و قت الجد تلغي قلبها

بس هل ده صحيح ؟؟!!

معقولة في ناس عندها القدرة اللي بعتبرها سوبرمانية ؟!

معقولة تقدر توقف قلبك بعد ما دق؟!

تقدر تلغي مشاعرك و هي بتطلع في عنينك والكل بيقراها ؟!

تقدر تلغي الفرحة بالاحساس اللذيذ اللي بيمشي جواك؟!

تقدر تتجاهل رعشة الحب اللي بتسري في جسمك ؟!

لو قدرت يبقى يا بختك بجد يا بختك..

مش عارفة جوايا مش مصدقة ازاي القلب ده اتقدر عليه

و اتغلى ؟! .. ازاي يرجع بعد ما دق و حب

و دخل عالم العشق و الهوى ؟!

هو القلب ده فعلا دق ولا كانت مجرد احاسيس عابرة ؟!

فعلا هو حب ولا كان مجرد اعجاب و انتهى؟!

هو فعلا عشق وهام ولا كان مجرد وهم و فاق منه ؟!

هو القلب ده بجد شارك العقل زي ما بيقولو و العقل اتغلب

عليه و وجهو ؟! .. بجد العقل اثر عليه و ازاي يتصرف علمو؟!

في رأي المتواضع يبقى ده مش حب و القلب ده لسه مادقش ..

لانه يا عزيزي لما القلب يبدق بجد مش هيبقى مكان للعقل

مش هتقول ليه وازي؟! مش هيبقى لك انت و عقلك مكان

مش هيبقى لك وقت للتفكير..

القلب لما يدق بتبقى انت مش انت بتبقى انسان جديد

بتبقى عن نفسك غريب تصرفك بيبقى عشانه و ليه ..

يا عزيزي القلب لما يدق بيملكك و في عالمه هو يعيشك

بيبقى السيد و الجلاد و انت ليه مطيع ..

بس افتكر يا عزيزي بعد ما قلبك يدق و في اي وقت تبقى انت

السيد و اللي بتقدر عليه ساعتها اياك تتخدع في نفسك و

تتغر اوعى يا ابني والله دي مش شطارة منك ولا انت

العاقل صاحب القوة السوبرمانية ..

كل الحكاية والموضوع قلبك ما عدش بيحب وبيعشق زي الاول

ودقتة هي اللي ما كانت او ما عدتش قوية ..

ارجعيلي بقى

بجد مش عارفة ليه مش طايقاكي النهاردة ليه زعلانة منك

اوي و شايلة عليكي يا مدونتي

حاساكي غبية مالكيش لازمة حاسة انك مش عارفة تعبري

عني بتخذلني مش عارفة تقولي اللي جوايا

مش بتطلعي اللي عايزة اقوله مش المفروض انت انا ؟!

مش المفروض كلامك هو صوتي انا ؟! مش انتي اللي بتحسني

مش انتي اللي بتوصلي افكاري ؟!

طيب مالك دلوقت ليه مش بتخرجي اللي جوايا ؟! ليه سايباني

مخنوقة وسط كل الافكار دي ليه مش بتوصليها ؟!

ليه بتتصرفي بعبط معايا النهاردة ؟!!

يمكن اكون مجنونة اني بخاطبك كدة بس بجد ما بقتش احسك

مجرد مدونة بحسك زي صحبتي و اني ليا حق عليكي تفهمني

تسمعني توصلي احساسي افضفضلك عن مكنوناتي

من حقي عليك لما اكون مخنوقة الاقيكي من حقي انك تخففي

عني تشلي معايا حملي مش انتي صحبتي يبقى اديني حقي

كصديقة منك لازم تفهمي انتي بالذات لازم تحسي بيا و تفهمي

بطلي عبط وبعد بقى و ارجعي ارجعي زي ما بدأنا

تفهمني و افهمك احسك وبيا تعبري ارجعي زي زمان عشان

انا خلاص بقيت نفسي امسحك بس والله بقيت بحبك بحبك اوي

و نفسي على طول معايا تفضلي

عشان خاطري ارجعي زي ما بدأنا انا محتاجكي اوي النهاردة

ارجعي بجد عايزة اصالحك ارجوك بلاش عبط و ارجعي

من جعل نفسه .... !

( من جعل نفسه قمامة بعترته الدجاج )

مثل قديم عندنا عن نفسي بكرهه اوي من كتر ما سمعوني هو في حياتي و برغم ما فيه من الصحة بس بجد كرهتو و هقولكم القصة

اصلي انا الكبيرة بين اخواتي ال 3اللي بعدي على طول بيني و بينه 5 سنين يعني الكل بيعاملني اني اكون زي الأم ليهم و لازم علاقتي بيهم يكون فيها احترام و ادب بس غلطو في الطريقة اللي تخليهم يعاملوني باحترام و ادب

كانو فاكرين دايما نه لما يكون في حدود بينا هيحترموني انه لما اعاملهم من فوق وافكرهم دايما اني اختهم الكبيرة هيحترموني كل ما احاول العب معاهم ماما تقولي المثل ده ( يا ريم من جعل نفسه قمامة بعترته الدجاج ) كل ما احاول اقربلهم و افهمهم الاقي المثل حاضرلحد ما بقت حياتي محصورة على علاقتي بماما بعيدا عن اخواتي كانو هما دايما عالم بعيد عني بيضحكو ويلعبو و انا يدوب بشاركم بحذر و بحدود عشان مافقدش الاحترام

و نتيجتها عالمي بقى هو عالم الكبار عالم بابا و ماما و اخوالي

كبرت قبل و قتي و سبقت بتفكيري سني فقدت علاقتي الوطيدة باخواتي

و زاد البعد الفكري بيني و بين صحباتي بقيت سبقاهم بقيت مش عارفة اعيش

سني زيهم بقت افكر في كل لحظة بجدية بقت الحياة كلها متخدة عندي بالعقل

لما اتعزم حفلة مش بعرف ارقص و ادلع و افرح زيهم كل ما احاول ابقى زيهم

بنت في سنهم احاول اكون وحدة منهم الاقي المثل حاضر قدامي و اتكسف

اقول معقولة ياريم انتي العاقلة تتنطي و تعملي زي البنات دي اومال الاحترام فين

لغاية ما بجد فاض بيا و زهقت بقيت ضايعة وسط الناس اللي حواليا

تعبت و انا سابقة سني تعبت وانا احسب الدنيا بالورقة والقلم

زهقت من عالم الكبار اللي دخلته قبل الاوان تعبت من احساس التوهان

قررت اجرب ارجع لسني اراقب اللي حواليا ابقى واحدة من بنات جيلي

افكر زيهم اعمل زيهم اضحك و البس زيهم مش معنى كدة اني بقيت تافه

او فقدت قاعدة الاحترام بس بقيت اعيش معاهم افهم جيلنا اخد اللي يعجبني

استتمتع بالحياة زي اي بنت في سني اسيب التفكير و القلق اشوف الحياة

بغير الجدية و حسابات الورقة والقلم

قررت اجرب انزل لعالم اخواتي الصغار افهمهم اقرب منهم اعيش معاهم

اصغرسنيني و تفكيري عشان اوصلهم ارمي المثل ده ورايا اتجاهل نظرات

ماما و باباالعب معاهم ازعل منهم و يتخناقو معايا اتعصب عليهم و يتعصبو

مني اهزرمعاهم و يضحكو معايا احب اللي بيحبو و اكرهو اللي

بيكرهو اناقشهم في اللي يفهمو اسمع اللي بيفكرو فيهم

واللي نفسهم يقولو

و النتيجة الغريبة انو المثل كان غلط كل السنين الي ضاعت بيه و

هنا المثل كان غلطو الاحترام ما راحش بالعكس ده زاد اوي اوي

صحباتي بقيت قريبة منهم بقيت اقرب حد بيرجعو ليه في مشاكلهم

بقو اكتر حد بيسمعو لكلمته و مشورتو انا بقو يجوني في مصايبهم

قبل افراحهم بقيت المقر الامين لأسرارهم و اخبارهم ما بقاش في

خوف مني زي زمان ما بقوش شايفني اكبر من سني خلاص

بقيت وحدة من سنهم

اخواتي كلمتي بقى ليها مكان كبير عندهم ما بقتش امر زي زمان

بقت قبول و احترام بقيت مكان الثقة ليهم بقيت ملجأ لمشاكلهم

بقيت مستقر لحيرتهم بقيت بير اسرارهم بقيت ساعات احس

اني اقرب للإم ليهم بقو يشوفو و سط القسوة حنيتي عليهم

بقو يحسو وسط عصبيتي بخوفي عليهم بقت قعدتي معاهم مش

حمل كبير يخليهم يسكتو بالعكس يمكن يستنو اجي عشان عن

اللي خانقهم يفضفضو صحيح لسه ساعات بتطلع الاخت الكبيرة

بس بقو قريبين اوي بقو حتة مني بقو بجد ولادي ايوة مش

اخواتي بقو ولادي انا بقيت احس ليا حق فيهم بقيت بحس

اني ربيتهم وكبرتهم بقيت استنى يوم فرحتهم قبل يوم فرحتي

بقيت نفسي في الحظة اللي اشيل ولادهم بقيت اتمني

كلمة خالتي و عمتي

و في الاخر لا بقى فيه قمامة ولا الدجاج اللي فيها هيبعترو

ما اتخطبتي ؟!

اي حد يقابلني بعد غياب شهر او اكتر لازم يتحفني ويرصلي الاسئلة دي

ما اتخطبتي ؟ .. ما ملكتي ؟ .. ما اتزوجتي ؟! ..طيب ليش ؟!

هو ايه اللي ليه ؟ ايه الغباء ده ؟! معقولة .. ده نصيب !

الاول كنت برد اقول ماجاه النصيب و بعدين بقيت اقول لسه بيلم المهر

و بعدين دخلت في لسه بيلف على البيوت ويخبط الابواب لحد ما يوصل لبابي

يا ناس مالكو في ايه ؟..

ده نصيب امتى الناس هتفهم لو اتقدم مية واحد و نصيبي مع اللي بعد المية هرفض

المية اللي قبله ارتاحو يا عالم ماتخفوش و من قعدتي ما تقلقوش

هلبس الطرحه والفستان الأبيض وهتزف في ايد عريسي و نبدل الدبل و ءأكله من التورتة بإيدي

و الله جي صدقوني هيجي بس مسافة السكة و السكة طولت شوية على مايجي

الله يكون في عونكو ياللي هتقرومدونتي بس

مش قلتلكو مدونتي عشان اطلع جناني استحملوني بقى مع اصدق امتناني

الكارتون

ايوة صح زي ما قال العنوان الكارتون مش عارفة ليه الكل محسسني اني غريبة

لاني بعشق الكارتون بقضي كل الوقت ع النت عشانه افضل ادور من موقع لتاني

عشان اجيب مسلسل كارتون كنت بتفرجه زمان و انا صغيرة..

اللي بيستغرب مني و اللي بيقولي ايه الروقان ده و اللي يقول يا بختك بدماغك

بس هما مش عارفيين يعني ايه عندي الكارتون ..

الكارتون عندي هو استراجاع لحياة برجع ايام نفسي اعيشها تاني برجع ذكريات جميلة

الكارتون هو طفولتي برأتي ايام ما كانت حركة بسيطة فيه بتضحكني و مشهد تاني يزعلني

ايام العبط الطفولي لما ازعل على البطل او احاميله ايام ما بتخيله حقيقة ..

الكارتون هو لمة ولاد العيلة الحلوة لما كنا نقعد نستنى وقت الكارتون عشان نتفرج

واحنا مسوطين وقلوبنا صافية لسه ما طالتهاش اوساخ الدنيا و احنا بمنتهى البساطة

لا تهذيب ولا اتيكيت بناكل زي ما ناكل ونشرب زي ما نشرب و احنا في قمة السعادة..

الكارتون هومنظر ماما و بابا ,جدتي و اخوالي و هما ببرأة بيتفرجوه بعد

سابو نفسهم و خرجو من عالم الكبار و مشاكله وتعبه ..

الكارتون هو العبر اللي في النهاية ماما بتقعد تشرحهالي و اديني بحتاجها في الحياة

عرفتو الكارتون هو ايه مش مجرد صور تتحرك بحركات عبيطة و بسيطة

الكارتون هو ماضي رقيق وجميل .. الكارتون هو عمر.. حياة .. ذكريات

الكارتون هو عندي ايام بيضة وصافية بسترجعها ايام لو يدفع نص عمري بس ارجع اعيش

احاسيسها و اضحك ببساطة و برأة ضحكتها وانا بتفرج الكارتون ..

بكتب بكلمات مصرية !

وسط فرحتي بمدونتي اديتها لصديقة سعودية

سألتني باستغراب : انتي مو سعودية ؟

انا باستغراب : اكيد .

قالت : طيب ليش تكتبي بكلمات مصرية ؟

انا : سكت . تنحت و استغربت معقول نسيت اني سعودية ؟!

افا ! ما هقيت ( يعني زي ماكنش العشم ) كدة فقدت الانتماء و الهوية ..

و لكن لحظة اليست المصرية لغة عربية ؟! ( بالعربي : راح تفهون كلامي )

السنا تلك الامة العربية و من تنادي بالقومية العربية ؟!

لماذا يجب انا اكتب بلهجتي فقط لأني سعودية مع ان لغة كتاباتي هي عربية ؟!

معذرة فلست أسيرة للعصبية القبلية .. لذا سأظل اكتب بكلمات مصرية ..

( اصلي انا بموت اللهجة المصرية )

إضافة :

طول عمري بحب المصريين و اختي بتحب اللبنانيين امي دايما بتيجي من بعيد بتقول :

لما اسمع برنامج مصري اقول انتي لو لبناني يبقى اختك انا شكلي هيكون عندي عريسين

واحد مصري و واحد لبناني سيبكومن اللبناني دلوقت بس ادعو كلمة امي تحقق و المصري

يبقى واحد من العريسين ليا انا اكيد مش اختي

اوعو تنسو

كان من بدري

غريب حال الانسان ازاي بيعلق غيره بيه

في لحظة تلاقيه حاضن قلبه مدفيه في حضنه

بيعرف يكون له الامان بيوعده يحميه من الدنيا و الايام

بس في الاخر بيحسسك انه مش ليك انك بكرة ممكن مش هتلاقيه

طيب ما كان من بدري ..

ليه من الاول توعده بالحنان ليه تضمنله الامان ؟!

ليه لما انت مش متاكد بتستناه لحد ما يدفى في حضنك ؟!

ليه من اول المرسى مش بتقوله تحذره ؟!

ليه توصله لغاية وسط البحر وتقوله احتمال تغرقه ؟!

ليه بتستنى لما تبقى كل ما ليه ؟! .. ليه بتسرق منه الامان ؟!

ليه ما تفضلش توعده انك تبقى ليه ؟!

ليه ما تكونش جمبه وهو محتاجك تنور لياليه ؟!

هتقول خايف اعيشه في وهم و اخدعه ..

خايف في عالم العذاب اضيعه ..

هقولك ماكان من بدري

ما تسيبهوش خليك جمبه و حاضنه خليك مطمن قلبه

لأنه بجد من غيرك ومن بعدك ممكن يضيع

اصل خلاص كل حياته بقت ماشية بيك

رحلة الحياة

هذه الحياة ما هي إلا رحلة نتعلم منها .. نستمتع بها نعيشها و كل رحلة تحتاج إلى رفيق .. أنيس نفرح بوجوده معنا نكمل رحلتنا معه يجعل لرحلتنا بعد آخر و شكلا" آخر

البعض منا قد تنتهي رحلته دون إيجاد هذا الرفيق .. و البعض قد يعتقد انه مجرد أسطورة تناقلتها الأزمان مثل باقي الحكايات والأساطير ليس له حاجة في هذه الحياة ولا يدرك أهميته إلا بعد فوات الأوان .. و البعض الآخر يؤمن بوجود هذا الرفيق و يعيش حياته بحثا عنه ليكمل معه الطريق ليجعل لرحلته ذلك الشكل الآخر و البعد الآخر ليكون له زينة هذه الحياة .. ليكون له جمالها .. ليكون حزنها و فرحها

قد تجعل الحياة الطريق لهذا الرفيق صعبة أو قد تبدو مستحيلة لكن هذا البعض لا يأبه لهذا الصعب و لا يعرف معنى للمستحيل ليصل لهذا الرفيق كيف و هو يعيش لإيمانه بوجوده .. كيف و هو يعيش عمره بحثا عنه ليكملا الطريق كيف و قد أصبحت روحه هي هذا الرفيق .. كيف يتركه لأجل كلمة صعب أو مستحيل

قد يأسف الآخر على هذا البعض قد يراه يضيع عمره لأجل هذا الرفيق و ينسى حياته من اجل هذا الرفيق و لكن مالا يعلمه هذا الآخر أن هذا البعض قد ولد لحظة و جد هذا الرفيق انه فتح عينيه ليرى هذا الرفيق .. انه تعلم النطق ليبوح له بحبه .. تعلم اللمس ليلمس وجهه .. تعلم المشي ليصل إليه .. تعلم العناق ليضمه لحضنه .. عاش الطفولة ليشعر باحتياجه لهذا الرفيق .. انه كبر لأجله ليفهم عالمه .. تعلم الضحك ليسعده .. تعلم البكاء و الحزن ليحزن له .. تعلم الشوق ليشتاق إليه .. تعلم الكفاح والتحدي ليصل إليه ليكمل رحلة حياته معه .. ليكون له ..

ليكتشف أن من أسباب وجوده في هذه الحياة إنسانا" هو وجود هذا .. الرفيق

يووه من بكرة

راسي على مخدتي اخر كل يوم بفكر في بكرة

بحلم بيه اتخيل الناس والأحداث اللي فيه

و اصحى من نومي ألاقي بكرة بقى زي اليوم اللي قبليه

وارجع تاني اخر اليوم على مخدتي .. بس!

المرة دي قررت هنسى بكرة ومش هفكر فيه

ماهو بيطلع زي اليوم الي قبليه يبقى على ايه كل ده التفكير

وألاقيني نمت و لسه بكرة لسه بفكر واحلم بيه